شكلو كلنا نفس المعاناه

الوزن شكلو عامل اضراب معنا كلنا
و حالف ماينزل هالاسبوع

ماقول غير الصبر و بنشوف وش نهايته
يانحنا ياهو

مسا الخير،،

شو سالفتكن تضاربن الشيطان هاليومين،،شكله من كثر الحصى اللي بينفلع به من وراكن بيي على باله يوم رمي الجمرات..

يالله بسم الله نبدا..

مصدعه،،الدنيا حلوة،،ومن قال مب حلوة،،كلنا نقول حلوة وحلوة،،يم يمي ،،شي لذيذ لو يحطون فوقه سكر زيادة يصير احلى واحلى..
ربي يوفقج حبيبتي،،وان شاء الله نضعف وياج ونضعف لين ما نعدي كل المراحل ونحن بصحة وسلامة..

GlvlR،،الله يبارك فيج،،وعلى قبال الباجي من الكيلوجرامات،،يبالهن سنة،،يارب نحافظ سنة،،لو اخف كل شهر ثلاثة كيلو بنخلص..بس العيلة من الشيطان،،هاتي حصاه كبر الطوفة افلعيه الا اطحني راسه فيها..

ركن سيدات الاعمال،،ليش عاد،،كله ولا ها البوز،،ابتسمي واستانسي،،ترى ماشي يستاهل الزعل غير خسارة مرضاة الرب،،وان شاء الله وزنج ونتايج يبيضن الويه،،بشريني ولج مني خيارة،،اراعي الدايت بتاعج..

ام فارس البطل،،ليش ليش تبوزين،،ام البطل بطلة نفسه،،شدي حيلج وكملي وان شاء الله تشوفين اللي يرضيج..

اسيرة نوري،،بتنزلين ان شاء الله باجي اليوم وباجر،شدي حيلج لو 500 جرام حلوين..

sho0omo0o3،،الاختبارات اولى من الريجيم،،خلى نفسيتج فوق والله يوفقج في الدايت والاختبارات..

أم صهوبي،،شخبارها الوالدة ربها بخير،،والاهل من هناك علومهم،،يمعة الاهل لازم شوية تخبيص،،بس زين يوم تذكرتي حصاة GIver..

Time Over



مشكوووووووورة حبيبتي البطة السودا،،وشجعتيني وايد،،انا احاول واقول لعمري اني مب مستعيلة لو انزل 5 كيلو في الشهر زين،،يعني على اقل من سنة بخلص وبصير احسن،،بس سالفة العرس ذابحتني كيف بعرس وانا جيه متينة،،، :(

السلام عليكم خواتي الحبيبات

مشكورة يالبطة على الرد على الاستفسار.....

و أبي ابشركم ياعزيزاتي نزل وزني 3 كيلو من أول مابديت رجيم يعني صار 90!!!! و البقية تأتي انشاءالله.....


البطة السودة

لا تنحبطين و لا تسوء نفسيتج الوزن يثبت لأنه يتعود على الأكل الخاص بالرجيم كسري الرجيم بأكله دسمة و راح تنزلين و مثل ما يقولون اسأل مجرب و لا تسأل خبير>>>>>شالسالفة يا معودة لوووووووووووووووووول :D

و انشاءالله الله يزرقج بولد الحلال اللي يحبج و يقدرج....

أم شوشة منكوشة

حبيبتي السباحة روعة و فهلا تضعف لأني جربتها و وصل وزني عليها 72!!!>>هذاك أول هذاك أول.....يا ويلي على اول!!! الله يعين....>>> على العموم في حركات تضعف و وحدة من هالحركات تضعف الأرداف اوقفي على طرف الحوض(من داخل و خلي الماء يوصل لي فوق خصرج) مسكي طرف الحوض و فردي ايدج و خلي كتافج ثابته و رفعي رجولج(يكرم القاريء) لي عند صدرج و بعدين لفيها للجنب و سوي شذي بالتناوب يمين شمال يمين شمال سويها 100 مرة او ربع ساعة على حسب قدرتج و صدقيني راح ينحت لج خصرج و تصغر اردافج و تشد....

باقي حبيباتي و اخواتي.....ما أوصيكم العزم و العزم و أيضال العزم و القوة على الثبات لنيل ما نريد ألا و هو الرشاقة ...

تحياتي

دلوعته :27:

مرحبااااااااااااااااااااااااا

شحالكن يا بنات .. شادين الهمه والا .. مفشليني .. ترا عقب يومين بحط تسعيره على الحصاه اللي عندي .. هههههههههههههه ..



أسيرة نوري ..
************
افا يا حبوووبه ليش لخبطتي .. يالله ما عليه شدي حييييييييييلج المره اليايه .. المهم نزلي لو كيلو او كيلويين ..


شموع الغالية ..
**************
حبوووبه الله يوفقج في امتحاناتج وان شاء الله ما يروح تعبج على الفاضي وبعدين عادي وقت الدوره من غير أكل يزيد الوزن .. خبريني شو اخبارج مع المره شو تحسين بتغيرات ؟؟


صدق النوايا ..
************
مرحبا الساااااااع بالمجموعه الثالثه فدييييييييت ريحة مجموعتكم .. ههههههههههههه انتم السابقووون ونحن اللاحقووون يا حبج وسهلا .. ان شاء الله بنعفد عدكم وانتوا بتعفدون على الثانيه .. لين نوصل للوزن اللي نباه .. بالتوفيج ان شاء الله .. ومشكوره على الزياره ..


أم صهوووبي ..
*************
فديييييتج يا ام صهوبي والله وفديت تخبيصاتج .. يوم قريت المقدمة اللي انتي حاطتنها مت من الضحك قلت أكيد الحرمه خبصت .. خصوصا الوصف الدقيق عن الأطباق والأصناف .. هههههههه .. بس زين يوم انج تداركتي الموقف .. انا شكلي بطرشلج حصاه ثانيه .. عشان تشجع الأولى .. هههههههههههه .. يالله يا ام صهوبي شدي حيلج عشان تسيرين معايه المجموعه الثالثه انتي وكل البنات الأمورات ..خلو مكانا حق اللي عقبنا .. أم صهوووبي لا تنسين شموع مره ثانيه حرام عليج تحطمين نفسيتها البنت عليها امتحانات .. لا تخلينها تاكل .. حراااااام عليج .. ههههههههههههه


مياسه الحلوه ..
*************
فديت روحج لا شكر على واجب الغالية .. لازم نشد ازر بعضنا .. وصدقينا النزول في الرجيمات كلها شرات المد والجزر .. المهم النتيجه النهائية .. ومشكوره على سؤالج عني انا ما شيه تمام .. وان شاء الله خير .. :)


أم شوشه منكوووشة ..
********************
فديت قلبج يا ام شوووشه وفديت كشتج ههههههههههه .. الغالية شي طبيعي لا تنحبطين ولا شي واهم شي المقسات تتغير والا لا .. وبعدين المغريات لاحقه عليها ان شاء الله بتاكلين وما بيزيد وزنج .. بس المهم خلصي اللي بديتيه ولا تيأسين .. الله معاج ..


بطتي الحلوة ..
************
فديت عمرج ماحب اشوفج متضايج ولا زعلانه ولا معصبه ..ياليتني عندج في الرياض والله ما خليج تزعلين ولا تعصبين .. وان شاء الله تحصلين الوظيفة وولد الحلال والبيبي الحلو .. وبعدين بالنسبة للعرض مالج انا موافقه عليه .. اريد وسامين واحد ذهبي وواحد فضي عسب يمشي مع اللبس والشراكة ان شاء الله موافقه ما بحصل احسن عنج حبيبتي خصوصا انج باشرتي اعمال الدعاية قبل ما تشتغلين :) .. بس المهم اضحكي ولا تزعلين .. ما عاش منهو يزعلج ..


لوعة الفرقا ..
************
فديتج لا تتضايجين ولا تنحبطين عادي حبيبتي هاي الفتره يوقف النزول شوي وبعدين يرد ينزل .. لا تستعيلين النتايج حبوبه ..


المسااااا ..
*********
حبوووبه عادي لا تخافين دايما ثاني اسبوع يخف النزوال ويرجع ينزل ثالث اسبوع .. شدي حيلج ولا تشيلين هم .. ان شاء الله بتنزلين ..


تايم اوفر ..
*********
حبيبتي احلى حصاه لج الغالية ولا تستعيلين النتايج .. صدقيني احسن تخفين شوي شوي .. عسب ما تردين بسرعه .. انا بالنسبة لي كيلو واحد يطيرني من الفرحه .. وان شاء الله بتخفين وبتستانسين على جسمج بعد ..


دلوعة حمني ..
************
الف مبروووك الغالية على النزووووول عقبال ما تنزلين الباقي .. الله يوفجج حبوووبه :)




:) قمــــــــ GlvlR ـــــــــــــر :)