حبيبتي انا مشيت قرابة لشهر ع نظام بروتيني مع سلطة ... نزل وزني بس كنت اخبص ساعات

لاني اشتهي الحلى فكنت اخذ ساعات فاكهه واحيانا اصبع كيت كات ...

معدل نزولي خلال الشهر 6ك ....

سيئات النظام . كنت احس بالكأبه وعصبية زايدة وصداع وقلت نوم بالمختصر كنت مرهقه على طوول ..

حسناته :
الشبع ...

ماشاء الله عارفه لمى قريت يومك عرفت السبب مره قريت العصبيه سببها خلل فالبوتاسيوم وصوديوم

ولمى شفت انك اكله موز ماشاء الله والزيتون كذا سويتي التوازن كمان الموز ممتاز للفتره اللي قبل الدوره

شوفي نقلت الكلام اللي قريته

النفسية ... .
المعادن المسؤوله عن الحاله النفسية لدى الانسان هما معدن البوتاسيوم والصوديوم .، . البوتاسيوم مسؤول عن التفكير وتحريك المخيخ ... الصوديوم مسؤول عن تنفيذ الاوامر التي يصدرها البوتاسيوم... . مثل الملك والجنود ... . الملك هو "البوتاسيوم" والجنود هو "الصوديوم"... . هالمعدنين لازم يتواجدون بكمية متناسبه بالجسم .. يعني كل معدن نسبته على حسب حاجه الجسم ويكونون متناسبين... . . اذا كان البوتاسيوم اعلى من الصوديوم .. راح يؤدي الى الاكتئاب .. شلووون..! الملك الي اهوه البوتاسيوم راح يكون تفكيرة عالي و أوامرة كثيرة .. بس مافي جنود "صوديوم" كافي عشان ينفذون اوامرة ..! بهالحاله راح يكتئب وراح تصيبة حالة خوف وشك من الي حولينه .. . . اذا كان الصوديوم "الجنود" اعلى من البوتاسييوم " الملك" ... بهالحالة اوامر الملك راح تكون غبية .. والجنود راح يضطرون ينفذون اوامرة ويعثون في الارض الفساد.. مثل الاشخاص الي يعملون قبل لا يفكرون ... . . اذا مخزون البوتاسيوم نفذ.. وهذا بسبب كثرة التفكير .. بهالحالة راح يموت الملك .. وراح يصير انقلاب عسكري .. وتنتهي الدولة .. اما عن طريق الجلطة الدماغية او عن طريق الانتحار ... تبا لك كريستيانو . . الحالة الممتازة والدولة السعيدة هو لما يكون الصوديوم والبوتاسيوم متناسبين وعلى قد حاجة الجسم .. بهالحالة التفكير يوازي الانجاز .. <<< اذكى واشطر مرحلة .. هاذي حالة الانسان الناجح فكريا وعمليا .. رزقنا الله واياكم . .
الحين كل واحد يشوف شنو حالته ويعالج نفسه بالاغذية ... . *اغذية غنية بالصوديوم: ملح الطعام -المخللات -الطماط المجفف . *اغذية غنية بالبوتاسيوم ؛ بطاطا مشوية - تمر- مشمش مجفف - افوكادو - موز - الكشمش (الزبيب) -سبانخ- البروكلي - دبس السكر .



بالنسبه ليا المشي لاني احتاج انحف من تحت اكثر شي

عندك الهيلا هوب او الطوق للخصر

صح كلامك بس المشكله ان الفاكهه مو دايم متوفرره ... العصبيه هذي طبيعه فيني بس مع البروتين زادت حييييل

ووصلت لدرجة اني اشد شعري وابكي من اتفه سبب ... استغفر الله العظيم

ملاحظة انك دايم متواجدة في الليل بالمنتدى .. شلون منظمة حياتك ..؟؟ بنتي وولدي جننوني بالسهر

تخيلي بنتي عمرها 5 شهور ماتنام الا 9 الصبح ... مدري شلون رتب نومهم ...

الله يعيننا على تربيتهم ..

اها اذ مو دايما متوفره واكثر شي اكلك من البروتين قللي الدجاج لان كله هرمونات

هوا احيان الواحد يعصب ومايستحمل شي انا سرت مره عصبيه لكن وانا بنت كنت مره هاديه وبارده فاتوقع لخبطة هرمونات

وبالنسبه للوقت انا كل فتره ليا وقت ادخل فيه دحين فعلا اكثر شي المسا لان السيد ولدي نفس الشي ماشاء الله يسهر

وماني عارفه اعدل نومه ينام على 3 او 4 قبل فتره اتعدل وكان ينام الساعه 12وكمان نومه خفيف يعني يصحى كم مره

وانا كمان نومي مره خفيف يعني لو رجع نام انا ماانام بسرعه من جد الله يعين على تربيتهم

يوميات يوم الثلاثاء:

الفطور: مافيه

الغداء: ملعقة رز+ 3 ملاعق سلطة + قطعة دجاج من الصدر

سناك: قطعة صغيره كيك ...

العشاء: حبة بيضة عيوون بطماطم .. اكلتها بالشوكه ..

سناك: كوب شاي بحليب ..

ع الفجر حسيت بجوع وكليت ربع خبز مع ملعقة صغيره جبن وسلطة ..

مشيت في المول شوي قرابه الساعه ونص ..