صبايا قروب التزمت ..

بصراحه انا جدا متضايقه بخصوص وزن هذا الاسبوع

يعني من جد حرام في بنات انحرمو انهم يفرحو بنزولهم

زي كل اسبوع

والسبب انتو عارفينه .. اتمنى ياحبايب انه مايتكرر

بس برضه بالاخير لازم ع الاقل اثني لو بكلمه

ع الي جاهدو نفسهم ونالو مرادهم

خلود الوفاء نقصت ماشاء الله وزن جدا حلو الله يبارك لها

وكمان


يتيمه تايهه نقصت وزن حلو ماشاء الله الله يبارك لها

تستحقو الشكر ع مجهودكم ياصبايا

كنا نتمنى نحتفل معاكم بس انتو شايفين فاعذرونا ...

مصادر جيده للكربوهيدرات

الفواكه بكميات معتدله

الشوفان

الخضروات

الرز الاسمر

البطاطا الحلوه

عدس

الباستا بالقمح الكامل

التمر


مصادر للكربوهيدرات يجب الابتعاد عنها ..

الباستا البيضه

الرز الابيض

العصائر المعلبه

الدونات

السكريات

الشوكولاته

المافن

المخبوزات البيضه

بناااااات شوفت لكم كلااااام جد مشجع لوحدة بالمنتدى راح انقله لكم


بسم الله الرحمن الرحيم..
السلام وعليكم ورحمة الله وبركاتة
حابه أذكر تجربتي قبل سواليفي..

في ربيع أول 1/3/1430هـ كانت البدايه..

الدوافع الي خلتني اركز و وافكر بشكلي الي كان حارمني من أشياء كثيره بحياتي وحرمني من الثقه بنفسي..

1_ كانت عندي خطوبة ولد أختي وأخذتلي فستان من مانجو حسيت أني ماأستحقه باهالشكل
( كنت في قمة سمنتي ) 92,5

2_ أختي وأنا مدينه لها لأن كان لها دور بعد الله أني احقق حلمي..كيف تابعو سواليفي وتعرفون وش سوت أختي..

3_ عشان أحب نفسي زي ماأبي..

4_ مابي أحرج زوجي لما أوقف جنبه بمكان عام..

5_ اللبس مابي أشتري عشان جسمي أبي أشتري بذوقي وعشاني..

البدايه..

كانت بشهر ربيع 1/3 بدأت بالسعرات وأول شهر نحفت 9 كيلو صار وزني 83..

بس كانت البدايه صعبه والحرمان أصعب..

وكنت حاطه في بالي الهدف 75 لاني لسى ماستوعبت قصة الحرمان..

بس ضغطت على نفسي ودخلت نادي وكملت شهر ثاني ونزلت 6 كيلو وصار وزني77..

وبعدها وزني قل نزوله بشكل ينرفز وقررت أسوي دشتي ونزلت
ب10 أيام 4

صار وزني 73 وكان في اتفاق بيني وبيني زوجي لوصلت للوزن هذا بيفاجئني بهديه ووفى بوعده وعلى أساس خلص 75 وبحافظ انتهينا..

بس هنا أنا بديت أحب نفسي وقررت أواصل الين 65..

وبدأت برجيم التمر واللبن ووصلت 71بأسبوع ..

وبعدها رجيم التفاح والماي ووصلت الى 67,5 وتركت النادي لظروف الاجازه..

وجات الاجازه وجى وقت السفر وكافئت نفسي أسبوعين أسبوع كان في تحفظ شوي وأسبوع كان فري للآخر..

رجعت للاسف الى 72..

وعاقبت نفسي برجيم التفاح والماي رغم أني كارهته بس استحملت وفي

أسبوع وصلت 67..

وبعدها سويت التمر واللبن ووصلت 65باسبوع..

جى رمضان وكان أصعب شهر مر علي كل الاغرءات قدامي وانا أقاوم..

أول أسبوع ثبات..

كان أول ثبات برحلتي لدرجة أني بكيت مقهوره..

ثاني أسبوع رجيم الصنف ثالث أسبوع التمر واللبن آخر أسبوع السوائل..

جى العيد ووزني 61..

أخذت راحه 3 أسابيع وللأسف رجع وزني 66..

ورجعت للتمر واللبن وبأسبوع صرت 62..

وسويت طالب الشمري ونحفت كيلو ونص وصرت 60,5

ومن بعد ال60 مسكت التمر واللبن وصلت 56 ومنهم أسبوع اتكوتين..

ولي 4 شهور ثابتة بين 56 و58"

بس أكيد راح أشد حيلي وأوصل لهدفي 53

دعواتكم..

وأي سؤال أنا حاضره..

والحين أخليكم مع سواليفي قبلـ و بعـد الرجيم والتغير .

قبل ..

كنت اكره السوق مو كره من قلب انا اعشقه >> حددي

وربي اعشق الموضه واموت بالسوووق ودي كل يوم اتسوووق..

بس كرهته لأني انجبر أشتري لجسمي ومقاسي كنت اتحسر لما اشوف

الي يعجبني وماني طايلته..!!

كان زوجي يقولي اوقات وين تودينا للخبر وبالنهايه مولاقيه شي
ولرحت استمتع بالتشري والتقضي لحماتي الرشيقه ولبنت

اختي الرويانيه ااااه قمة العذااب الله لايرجعها ايااام..
والله اوقات اشيل شغله بيدي يقولي زوجي اقوول رجعيه مايقيسك

>> وش هالشعووور وربي صعب

كنت اهتم في اني اشتري ملابس البسها وبسس اسمها جديده لاغير

حتى كماليات واكسسوارات وشنط ما اهتم كثيررر...


..بعد

زوجي قبل المناسبه بشهر يجي هاه لموووش >> اسمي
متى ناويه تتسوقين!!

صرت استمتع لنفسي واحوووس السوق كل ابوه عشان اتميز في لبسي

ولحد قالي لمووو عسى الله مير يسلمك ودي تشوفيلي شغله من السوق

انبح بوجهه هاااه ماعندي وقت خخخخخخخخخ والله مانيب نذله

بس اول ماعندي حد اشتريله الحين وييين كل ابو السوووق
احوووسه

وطبعآ قبل اطلع السوق اقول لزوجي جهز البوك لوسمحت هع هع

يقووولي ابشررري..

لاني صرت اتفنن في المقااضي لدرجة اني كل بدله آخذلها كماليات

شعوووور لااااااااااااااااااايوصف ابدددددددن وين كنت كيف صرت

لدرجة ان في وحده من قريباتي تقول من وراي طبعآ هع وشسمه

لموووش نحفت وتحسب حالها احلى واكشخ وحده

>> من كلمها بالله

هذا يدل على اني لفتت انتباهم وتغيرت فعلا اولا عشان نفسي

( ان الله جميل يحب الجمال )..

الحمدالله لك يااارب.. باقي تكملة وان شاء الله وقت ثاني انزل المواضيع الثانية شعور قبل وبعد الرجيم يتبع انتظروني

اكثر تعليمات استفادو منها من صار رشيق

تقليل النشويات

تقليل السكريات

تخفيف العشاء

الاكثار من شرب الماء

بكرو بالعشاء

بكرو بالنوم

العشاء قبل النوم ب ٥ ساعات

الفطور مبكرا

والرياضه طبعا اهم شي

طبقوها صبايا كلها خطوات بسيطه

اعتبروها نظام لحياتكم اتعودو عليها

شهر وبتشوفو النتايج ...