حلقة مجال الزراعة

زراعة أسطح المنازل

بسم الله الرحمن الرحيم

الحمد لله رب العالمين والصلاة والسلام على رسول الله صلى الله عليه وسلم


أهلاً بيكم وحلقة جديدة من صناع الحياة واخدين بالكم احنا ماشيين في صناع الحياة من أول المرحلة الثالثة انتوا عارفين احنا بنعمل ايه يا جماعة فى صناع الحياة مرة نتكلم على الصناعة ومرة نتكلم على العمل الحرفي
احنا عارفين لعبة الأطفال اللى بنعد نركب القطع فى بعضها لحد ما يطلع فى الآخر صورة كاملة ونقول هى دى صورة النهضة.
بندخل الصناعة بس نقول لأ بس لازم يركب فيها حاجة تانية ركب يا جدع العمل الحرفى يقوم راكب العمل الحرفى
نقول أه بدأت الصناعة تبان ونقوم مركبين من تحت الزراعة
احنا ماشيين كده يا جماعة مش ماشيين فى مواضيع متناثرة , كل مرة فرع بيتكلم فى حاجة شكل , هو بيتكلم فى ايه ؟!! احنا تهنا !
لأ....أنا بتكلم فى 11 مجال


11 مجال دول كلهم مجالات النهضة احنا بنرسم صورة صورة بعد عشرين سنة عايزين بلادنا يبقى شكلها ايه ؟ الصورة ابتدت يوم ما قلنالكم ابعتوا أحلامكم وصوتوا على الأحلام دي عايزين بلادكم يبقى شكلها ايه ؟وانا يوميها مكنتش مصدق يا ترى الناس مهتمة بحلمها يكون شكله ايه ؟
بس لما يجيلى مليون فكرة ومليون اقتراح ده معناها ان الناس مشتاقة الناس جعانة تقول أحلامها وتقول إقتراحتها وبتفكر والعقول منمتش ولا ماتت وإن الأرواح ديه ممتتش
ده لسه الأمه قلبها بينبض ..... حية دى الصورة اللى احنا بنعملها
ولذلك انا جاى كل مرة أقول طب نركب ديه طب نكمل ديه
بس أنا بعمل حاجة تانية فى صناع الحياة المرحلة الثالثة
أنا بشيَّل الشباب أمانة
أمانة يشيلوها قدام ربنا يوم القيامة
بشيلهم أمانة..انتم عارفين يا شباب أنا بعمل ايه فى صناع الحياة
أنا برفع راية
وبقول لكم الطريق أهو ونعد نشرحوا ونربطه بدينا ونعد نقول أهو دينا بيقول كده
زي الحلقة اللى فاتت العمل الحرفي ... زى الصناعات الصغيرة
احنا محتاجين ديه عشان بلادنا وعشان دينا وعشان أمتنا
هاا...شيلوا الأمانة بأه
والنهارده ... أنا جاى أشيَّلكوا أمانة جديدة وأنا عارف ان الأمانات كترت على اكتافنا لذلك احنا بعد الحلقة بتاعة النهارده حناخد هدنة عشان الناس تنفذ انا مش جاى أعمل حلقات يا جماعة
انا مش جاى أعمل برنامج أنا عندى مشروع لأمتنا ولذلك النهاردة الأمانة هى : النهاردة بنتكلم على الزراعة وانا لما أقول إحنا بنتكلم على الزراعة ده موضوع كبيييير يعنى حلقات يعنى حلقة النهاردة بداية والموضوع هنا له قطع كتيير ، يعنى جوه الزراعة فى قطع كتيير أوى بتتركب عشان نشوف صورة الزراعة

لكن الحقيقة انا حبدأ بمعلومتين كده المعلومتين بتقول ايه ؟
المعلومة الأولى بتقول ان فاتورة الغذاء بتاعة الوطن العربى .. الفاتورة اللى بندفعها عشان ناكل ..يعنى ايه الفاتورة اللى بندفعها ؟!!
بندفعها عشان نستورد أكل من اول القمح ..والسكر .. والزيوت..اللى هما أكثر ثلاث حاجات بنستوردهم وهم الثلاث حاجات الأساسية
قمح وسكر وزيوت لبقية أنواع الأغذية ، الفاتورة بتاعة الغذاء بتاعتنا عالية أوي فى الوطن العربى ... عالية أوي.. الفاتورة عالية .. الفاتورة كلنا بندفعها ..
الفاتورة ديه كام ؟ سنة 93 التقرير بيقول ان فاتورة الغذاء كانت حاول تتخيل معايا الرقم كان كام ؟! كانت 23 مليار دولار ده سنة 93
طب سنة 2003 وكام ؟! ها .. يا ترى ال23 بقوا كام
26 ... 27 ... 28 ....لأه
سنة 2003 أصبح 37 مليار دولار تخيل .. تخيل حجم الزيادة ؟
طب أدي معلومة كمان .. معلومة بس كده عشان.. أنا بعمل ايه يا جماعة ؟ أنا بحط الحقائق أدامكم يا شباب أدامكم يا ستات
الحقيقة التانية بتقول وهى حقيقة شديدة برده ان مساحة الوطن العربى أد ايه من مساحة العالم ؟
مساحة الأرض أد ايه - احنا بنتكلم على الزراعة - فمساحة الأرض أد ايه ؟
مساحة الأرض للوطن العربى 10% من مساحة العالم
بالظبط 1402 مليون هكتار ، دي مساحة الوطن العربى 1402 مليون هكتار
طيب 10 % ده قليل أوى آه إحنا مساحة أرضنا مش كبيرة
وخلى بالكوا أغلبها ايه ؟
أغلبها صحراء أغلبها غير قابلة للزراعة
فاحنا 10 % صغيرين 10 % أغلبها غير قابل للزراعة الدايره صغرت
شوف الدايره إزاي صيقت علينا
الدايرة صغرت والأرض القابلة للزراعة أد ايه من مساحة الوطن العربى ؟ الأرض القابلة للزراعة 14% فقط من مساحة الأرض فى الوطن العربى
أنت إيمانك تعبان أنت مش مؤمن مسلم وكل حاجة إيمان من غير أمل ...أمال فين ثقتك في الله فين حبك لله فأنا مش جي يا جماعة أعرض في الحلقات إن إحنا وحشين ومش نافعين بس لازم نقول الحقيقة ونقول إحنا حنغير الكلام دةعلشان عندنا أمل في الله وعلشان حنتحرك صح . شفتوا يا جماعة مساحة الأرض ..... طب حسأل سؤال مساحة الأرض بتزيد ولا بتتآكل يعني مش حرد يعني طب بعد 20 سنة الوضع حيبقي عامل إزاي الخبراء بتقول إن لو استمر الوضع في تآكل الأرض الزراعية والتصحر اللي عمال يزيد بعد 20 سنة ال27% الأرض القابلة للزراعة مش تزيد لأ توصل 7% يا ترى فاتورة الغذاء حتبقي بكام الفاتورة حتبقي كام اللي بتندفع للأكل اللي جي من بره طيب . طب إنت الحلم إية ........... يعني أنت بتقول عاوزين نرسم صورة النهضة طب نشوف إية في الصورة . نشوف ال 197 مليون هكتار إية مزروعين بالكامل . بالكامل مفيش سنتيمتر فيهم ناقص ولأ و حاجة كمان ونشوف إن إحنا بدأنا نفكر في الأرض اللي غير قابلة للزراعة إزاي نحولها لأرض صالحة للزراعة يعني الحلم إية الحلم أرض السودان . السودان اللي يأكل الوطن العربي كلة. الحلم الصحراء الغربية في مصر اللي عايمه علي آبار بترول ومش عارفين نزرعها بسبب الألغام اللي فيها الحلم إية الحلم حجات كتير حجات كتير في وطنا علشان ناكل بس يا جماعة الحلم الكبير ده إحنا في صناع الحياه ما نقدرش نعمله دلوقتي وده دور الحكومات و الحكومات عاوزه دعمنا يا شعوب وعاوزه مساعدتنا ومقدرش أجي في الحلقة دي وأوعدكم وأوعد المشاهدين إن إحنا حنزرع السودان مقدرش أجي أقول الكلام ده رغم إني عارف إن الشباب لما بعتوا أحلامهم حطوا الحلم ده رقم واحد و أنا عارف إن الحلم ده رقم واحد بس الحل إية . الحل حنبدأ بية أنا وإنت حبدأ بيكي وبولدتك وبجدتك حبدأ بية وبابني الصغير وبأبوية نعمل إية نعمل حاجة صغيرة الحاجة دي بتغرز جوانا فكرةالزراعة إنت عاوز تعمل إيه بالضبط . أنا عاوز أعمل مشروع وأنا النهاردة مش حتكلم في كل تفاصيل الزراعة ممكن في حلقات جاية تيجي بعدين.... ومش الحلقة الجاية بعدين..... لكن أنا عاوز أحط مشروع من الأول يعمل النقله الأساسية يعني إية النقلة الأساسية . نولد جوه الشعوب إن أكلى غالي عليا جدا جدا جدا جدا وإنه الحلم الكبير اللي إسمه زراعة أرضنا أنا اللي حبدأه ولما أنا اللي حبدأه حتتنقل العدوه لبقية الشعوب وبقية الأمة ولما تتنقل العدوه الحكومة حتلاقي إن الشعب بقة كله مهتم بالحكايه دي وإن قضية الزراعة في أذهنا كلنا . أنا بدور علي حاجة صغيرة أعملها أنا وإنت لو نجحت لازم الحلم الكبير يحصل بس أنا لا أعتقد إن ده ممكن يحصل قبل ما نبدأ إحنا لازم نثبت لنفسنا إن إحنا جادين بمشروع في قضية الزراعة ..... مش إحنا يا جماعة قبل ما نبدأ المرحلة الثالثة قلنا إن اللي فات من صناع الحياة كان عربون جدية نكمل ولا لأ الحلقة ديه عربون جديه لموضوع الزراعة مش عندكوا أحلام كبيره مش يا شباب حوالي 70 ألف شاب بعت . الناس اللي بعتت دي كانت أمانة و أنا قلتلهم ده عهد أمام الله لما تبعتوا حلمكوا بعتوا يقولوا زراعة أرض السودان والصحراء الغربية و الألغام . يا جماعة علشان أدخل للإتنين دول تعالوا الأول نثبت جديتنا يا ستات يا آباء يا أمهات مشروع النهاردة أمانة علي أكتافكوا ومشروع النهاردة أنا شايف ياجماعة شايف المستقبل في العالم العربي شكلة إية لو الفكرة دي نجحت حجات كتير في الزراعة حتتغير طولت عليكوا المقدمة وعاوز أدخل في المشروع علي طول مشروع نشارك فية كلنا ويصلح لكل الناس وكل الوطن العربي من الجزائر لتونس لمصر لليبيا اليمن الخليج مشروع ينفع للناس كلهاينفع للجدود و ينفع للستات الكبار و ينفع للأمهات و ينفع للشباب و ينفع لطلبة الجامعة و ينفع للأطفال اللي في ابتدائي ، اطفال ابتدائي بيبعتولي على صناع الحياة على موقع عمرو خالد دوت نت يقولولي انت ما بتجيبش سيريتنا ليه؟ هو احنا مش معاكو؟ فرحت أوي أوي لأن هم اللي هبقوا عايشين دول هيكلوا من زرعنا اللي احنا بنزرعوا مش بس في الأرض ، في صناع الحياة .. فعشان كده المشروع ده ينفع للناس كلها ..

إيه المشروع ؟


اتحملوا بقى عشان إيه هيه حاجة جديدة يعني .. المشروع الزراعة بدون تربة ، مش احنا أرضنا صحره و عندنا 197,000 مليون هكتار عايزين نزرعهم ؟ طب متيجي نعمل حاجة الأول تعال نزرع من غير تربة .. يعني إيه نزرع من غير تربة؟؟ إيه المشروع ؟ زراعة أسطح المنازل و المدارس و البلكونات .. نزرعهم إزاي ؟ ده مشروع النهارده ده المشروع اللي احنا جايين عشانو النهارده أنا عارف إن في ناس إيه عملت .. يا عم اصبر عليّ بس إيه أحكيلك أهداف المشروع و أحكيلك حلاوة المشروع أنا بس قبل ما أدخل في حلاوة المشروع و أدخل في قيمة المشروع و ازاي يعني بيتعمل المشروع أنا حابب الأول أحكيلك على القرآن بيتكلم إزاي عن الزراعة .. ما هو أصل احنا يا جماعة في الآخر كل أمة في الدنيا ليها ثقافة هي اللي بتدفعها للنجاح و احنا ثقافتنا دينا و احنا ثقافتنا إيمانا و احنا ثقافتنا جاية من القرآن ده أنا عايز أوريك القرآن إزاي بيزبط دماغك .. إزاي بيعملك منهجية لدماغك بيربطك بالزراعة شوفوا يا جماعة الآية بتربطلك بالثواب إزاي شوف الآية بتقولك إيه "مثل الذين ينفقون أموالهم في سبيل الله" تنفق في سبيل الله عايز تاخد ثواب كمثل إيه بص المثل اللي ربنا هيضربه بيقولك هتاخد الثواب إزاي "كمثل حبة انبتت سبع سنابل في كل سنبلة" قمح "مئة حبة" يـــاه ليه دول في بعض؟؟ عشان يربطلك شوف لما ربنا عايز يعلمك العقيدة و أن الملك لله شوف الآية بتقولك إيه " أفرأيتم ما تحرثون ، أأنتم تزرعونه أم نحن الزارعون" فاهمين الربط عامل إزاي ؟ شوفوا الآية الثانية الآية بتتكلم و بتديك يعني قدرة ربنا في الكون "و آية لهم الأرض الميتة أحييناها" مين اللي بيحيي المواد ؟ مين اللي بيحيي ملايين الأراضي الميتة في بلادنا العربية ؟؟ " و آية لهم الأرض الميتة أحييناها و أخرجنا منها حباً فمنه يأكلون" انت شايف ربط العقيدة بقضية الزراعة شايف ربنا بيقول إيه طب اسمع الآية اللي بعد كده "وجعلنا فيها جنات من نخيل و أعناب و فجرنا فيها من العيون ليأكلوا من ثمره و ما عملته أيديهم أفلا يشكرون" بقى شكر النعمة مرتبط بإيه؟ بالزراعة ! انت متخيل ؟ طب اسمع الآية الثانية اللي بتتكلم عن الزراعة برضه بيقولك إيه "فلينظر الإنسان إلى طعامه أنا صببنا الماء صبا " مين مالك الكون ؟ ثم "أنا صببنا الماء صباً ثم شققنا الأرض شقاً فأنبتنا فيها حبا و عنباً و قضباً و زيتوناً و نخلا و حدائق غلبا و فاكهة و أبا متاعاً لكم و لأنعامكم" كم من الآيات غير عادي عمال بتركز على نفس الموضوع .. اربط الزراعة بالعقيدة .. اربط الزراعة بقدرة ربنا .. اربط الزراعة بالثواب .. لأ ! ده فيه بُعد تاني خطير أوي اسمع الآية ديه بتقول إيه يقول ربنا تبارك و تعالى "و لو أن أهل القرى آمنوا و اتقوا لفتحنا عليهم بركات من السماء و الأرض" يعني إيه ؟ لو آمنتم و اتقيتم بركات هتنزل ... ربط التقوى بالزراعة كل ما تتقوا نبتتك هتكبر و كل ما تقوتك تقل نبتتك هتموت يــــــاه شايفين المعنى شايف القرآن بيربط إزاي ؟ كل اللي فات بيتكلم عن الرزاعة و الغذاء لكن دي داخله عجيبة بتتكلم عن الزراعة الآية بتقول إيه " أمّن خلق السموات و الأرض و أنزل لكم من السماء ماء فأنبتنا به حدائق ذات بهجة" إيه حدائق ذات بهجة .. يا جماعة القرآن عايز يقول لنا إن مدخل الزراعة مش بس عشان مدخل اقتصادي مش عشان ناكل مش عشان نقلل الفاتورة ده مدخل لتربية الحس و الجمال لأن مهم لبناء أي حضارة أن يبقى عندك حس و جمال .. و احنا الحس و الجمال عندنا في الوطن العربي تقدروا تشوفوه على الفضائيات و تشوفوه في أغاني الفيديو كليب و تشوفوه في طريقة لبس و تشوفوه في حاجات كتيرة .. بينزل .. و ربنا عايز يقول إن الزراعة مش بس قضية أكل مش بس قضية اقتصاد ، قضية تربية حس و جمال انتو مش واخدين بالكو يا جماعة إن كل الحضارات اللي قامت في التاريخ قامت حوالين الأنهار و الزراعة؟ لأن الزراعة بتربي الحس و بتربي الابداع لأنك لما بتشوف قدرة ربنا في الكون بتربي عندك القدرة على الإبداع و هو ربنا عشان كده آيات الزراعة فيها زخم شديد يعني موضوع الزراعة مش بس عشان ناكل و نشرب .. موضوع الزراعة عشان تربي الحس الجمالي في أولادك.


مشروعنا النهاردة:


زراعة أسطح المنازل و المدارس,عايزين نعمله,المشروع انا هبدء دلوئتي
معاكو اقولكم المشروع دة اهدافه ايه؟بنعمله ليه؟ و اعدد معاك الاهداف و اكبرها في عنيك.
..لكن المشروع بئه هيتعمل ازاي و طريقة تنفيزه و آلية تنفيزه...دي مش شغلتي و مش دوري,
انما معانا خبير و معانا جهة مختصةمسئولة عن المشروع دة و هتشرحلكو الموضوع دة بالتفصيل.

لكن نقول الاول اهداف المشروع ايه ...؟ و اهداف المشروع كتيرة اوي....


اول حاجة: تربية الشعوب في بلادنا, في المنطقة اللي احنا عايشين فيهاان زراعة كل سنتي
نقدر عليه واجب علي كل واحد و ان احنا هنحقق الحلم الكبييير(زراعة ال 197 مليون هكتر)
هنبدئه بخطوة مننا...ده اول هدف و ده هدف كبير اوي يا جماعة,,صناعة الانسان القادر
بانه يقوم بحتة صغيرة و يقول الحتة دي هتكبر و تخيلو لما نلاقي اسطح مدارسنا و بيوتنا عمال
ينتشر فيها المشروع و كل شارع فيه بيت او بيتين و الموضوع عمال ينتشر و يتسمع في اليمن
و يتسمع هنا و يتسمع هناو شباب صناع الحياة ينشروه و الناس تنفزه و الستات الكبارو يقولوا
لبعضهم و يبدء المشروع يجيب نتيجة,اكيد الحلم الكبير هيتحقق..دة اول هدف و اكبر هدف:صناعة
انسان عرف القيمة و اثبت جديته ان انا نفذت المشروع فيتنئل المشروع للي اكبر منه,دة اول هدف..
تاني هدف:تربية الحس الجمالي اللي مفيش نهضة من غيره,عند ولادنا ,عند الجيل اللي جاي..
تصدقوا يا جماعة لو اعدنا نقنع شبابنا 100 الف مرة ان كلمة الحس الجمالي دي حاجة مهمة اوي
للنهضة و ان سيدنا داود من اعظم الانبياء اللي عملوا نهضة في تاريخ البشرية فربنا خلا صوته
جميل اوي علشان الحس الجمالي مهم للنهضة مش اجمل الاصوات سيدنا داود؟ليه؟ لأن مينفعش
نهضة منغير حس جمالي وكل النهضات اللي حصلت في التاريخ فيها لمسة جمال ,و شعوبها عندها
رقي في الاحساس بالزوق و الجمال


احنا بنعلن المشروع دة و أحلي حاجة فيه تربية الاحساس بالجمال عند الشباب و البنات,عند
الاطفال و الستات,, خلي بالكو اللي هايشوف الزرعة الحلوة اللي طلعة مش ممكن هيسمع
اغنية تأزي الودن...افتكروا كلامي دة بعد سنة من دلوئتي و هتشوفوا الكلام ..شوفوا شكل
لبسه هيتغير ازاي..و الله انا ما بهزر يا جماعة,,الحجات دي هتتغير يا جماعة....
تالت هدف للمشروع: القرب الي الله, التقوي,الشعور ان النبتة دي هتكبر بتقوي الله,
الشعور ب(يا سلام علي خلقك يا الله), القرب من النبي صلي الله عليه و سلم"ما اكل
ابن آدم طعاما قط خير من ان يأكل من عمل يده" ...شايف اهداف المشروع؟؟ ها؟؟ كبر
في عنيك؟؟؟ انا عايز عنيك تبرأ,و تقول ايو..ايوه... بس ازاي؟؟؟فايجي الخبراء يقولوا لك
دلوئتي لبقية الحلقة ازاي .......لا مش كدة و بس..


التقليل من التلوث البيئي..يا جماعة الغرب دلوئتي اي حي لازم يبني فيه جنينة,و يقولك دي
الرئة بتاعة لندن, و الحي اللي مفهوش جنينة سعره ينزل..التلوث البيئي ده يعني مفيش
ابداع...مش عارف يشم حاجة نظيفة .طب زراعة اسطح المنازل تعمل ايه؟؟؟ بص الاحصائيات
بتقول ايه,, ان كل متر مربع من النبات ينقي الجو من 100 جرام من الملوثات لمدة سنة,
و يقولك ان كل متر مربع من النبات يوفر للإنسان احتياجاته من الاكسجين لمدة سنة.انت متخيل؟ بنعمل رئة في شوارعناو بيوتنا..شايف الرقي اللي هيحصل بالمشروع ده؟؟حس جمالي..
لاء مش كدة و بس ..........

صحة ولادنا اللي عماله تاكل خضروات مليانة ايه؟؟ مبيدات .... و ينتشر السرطان و
تنتشر الأمراض في بنات صغيرين و شباب صغير في التلاتينات و الأربعينات ..و صحة الامة
عمالة تقع و النبي صلي الله عليه و سلم بيقولك"المؤمن القوي أحب إلي الله من المؤمن الضعيف"
و يقولك "من أصبح معافا في بدنه آمنا في سربه عنده قوت يومه,فقد حيذت له الدنيا بحزافيرها"
و احنا بنعمل في المشروع ده بحديث الرسول صلي الله عليه و سلم,شايفين البعد بتاع المشروع
ده عامل ازاي؟؟ لاء مش كدة و بس ,,فرصة ان يشارك في المشروع ده صناع الحياة ,مش انا
يا جماعة لما مديت ايدي في اول حلقة قلت شركوا معانا و نشتغل مع بعض لصناعة الحياة؟؟و ناس
كتير قالت نعاهد ربنا و نحط ايدينا في ايد رسول الله و نقول يا رسول الله و يا رب نوعدك,بنمد
ايدينا, هنشارك في النهضة؟المشروع ده يساعد..ازاي؟؟ده لكل واحده وواحد سمع الحلقات
اللي فاتت و قال انا مليش في الصناعات الصغيرة و لا في الحرف ...لكن ليك في دي ,ازرع
فوق سطح البيت,طب مش عارف!! ساعد واحد يزرع..لازم تعمل حاجة,مشروع لينا كلنا
و ينفع يتنفذ في كل بلادنا العربية..ها؟ شايف؟؟ مشروع صالح...



احكيلك فوائد كمان، المشروع مجرب و تنفذ بالخليج و نفذه مركز البحوث الزراعية بمصر و نجح و أنا نزلت على موقع amrkhaled.net يا شباب عايزين ننفذ فوعدني ألف شاب لو علمتونا ازاي.. لكن يوجد معوقات، فقد لا يرضى أصحاب العمارات و لكنك ستعمل على بلكونتك
الموضوع صعب و لكن ليس بتنفيذه بل بتغيير العادات التي هي وضع أيدينا على خدنا و نقول صعب، بل سنعمله سنعمله، يا ترى سننجح؟ أنا حاسيبكم مع المستشار الخبير ليقول لكم ازاي و نحن قلنا من البداية إن الناس لازم تشاركنا
مع كلية زراعة عين شمس، و مع معهد البحوث الزراعية بمصر، الدكتور أسامة البحيري مساعد بكلية الزراعة عين شمس و هو يجهز هذا المشروع و يزور الوطن العربي ليعرض المشروع و هو سيعرض المشروع الآن
تفضل دكتور أسامة و أشكرك:
بسم الله الرحمن الرحيم، في البداية بحب أشكر برنامج صناع الحياة على تبني المشروع و هو ابتدأ كحلم لتغيير شخصية الإنسان المصري بعشر سنين
لإن المشروع ليس مجرد زراعة حاجة ناكلها و لكن يوجد 90% فوائد أخرى غير منظورة
هو ابتدأ بمصر و منتمنى أنه ينتشر بالوطن العربي و خاصة أنه أرضنا صحراء و لدينا مشكلة ماء في المنطقة و الصناعة تأخذ الكثير كذلك
و لكن مشروع زراعة الأسطح نحن نوفر فيه كميات كبيرة من الماء
و كيلو طماطم في الأرض الغيط يحتاج ل 300 لتر ماء و لو استخدمت زراعة بدون تربة ستحتاج 3 لتر ماء و انظر للتوفير
و هناك أناس ستخاف لأته سيحتاج مصاريف و سيخرج للمزرعة و سيحضر أدوات .. و لكن الأمر بسيط و يمكن طفل صغير أن يعمله و هناك أشياء كثيرة موجودة بالسوبر ماركت
حنعرض عليكم محاضرة لتقريب الموضوع للناس كي يكون سهل و هو تكنولوجيا سهل و محتاج مجهود قليل و وقت قليل نصف ساعة أو ساعة

ما هو المقصود من زراعة الأسطح: المقصود من زراعة الأسطح استغلال أجزاء من الأسطح في زراعة المحاصيل المختلفة التي تحتاج إليها الأسرة من الخضار أو بعض أنواع الفاكهة أو نباتات الزينة وزهور القطف والنباتات الطبية والعطرية والمقصود بها استغلال الأسطح والبلوكنات لنزرع فيها كل ما سبق، يعني أقدر أزرع كل المحاصيل البستانية التي أنا ممكن أحتاجها كما أقدر أن أنا أوفر كل الاحتياج بتاعى وأقدر أن أوفر فلوس وأوفر طاقة لأنني لن احتاج أن أخذ مواصلات لن أروح ولن أرجع وهاوفر السيارات التي تحضر من المزرعة ولسوق الخضار أو من سوق الخضار لتاجر القطاعي ( التجزئة) كل دة بيصب في الأخر في جيبي لأن أنا بوفر فلوس.
طيب لماذا زراعة السطح؟
طبعاً ذي ما إحنا عارفين كلنا أن المدن وخصوصاً المدن الكبيرة في جميع الدول عبارة عن غابة من الأسمنت وهي عبارة عن أراضي كانت صالحة للزراعة وأصبحت غير صالحة نتيجة للأسمنت فبذلك نلاقي المباني متكدسة والخضرة تقل، طيب إحنا كأشخاص محتاجين أكسوجين، يمكن لو إحنا شوفنا الناس التي تذهب لصلاة الفجر نلاقي الناس ظريفة وبسيطة جداً، وبتقابل بعض بوجه بشوش، هم نفسهم الأشخاص اللي في وقت الظهر بيكونوا بيتخانقوا رغم أن هما نفس الأشخاص ونفس التربية، ولكن لأن الصبح بيكون فيه أكسوجين وهو الذي يجعل الواحد صدره مفتوح وسهل أول ما يبدأ يقل الأكسوجين يكون الواحد عصبي ولا يقدر أن يتحمل مشاق الحياة، فطبعاً لو إحنا قدرنا نوفر الأكسجين دة علي مدار العام سوف نلاقي علي مدار اليوم الكامل الناس سلوكها بدأ يتغير وهذا اللي قرب لنا الموضوع أن إحنا وجدنا أنه هنالك أبحاث كثيرة بتقول أن زراعة متر ونصف المتر المربع تعطي لنا كمية أكسجين تكفي الشخص الواحد لطوال العام، يعني المساحة التي نحتاجها لو أخذنا متوسط أي عمارة سوف تجد مساحتها حوالي 300م إلي 400م2 ، ولو قلنا أنه في 30 أو 40 شخص داخل العمارة معني هذا أن العمارة تقدر تنتج كمية الأكسجين لها.
ثاني شئ أن النبات هو عبارة عن الحاجة الوحيدة أو المصنع الوحيد اللي بيأخذ ثاني أكسيد الكربون ويصدره أكسجين من خلال عملية البناء الضوئي، وهذا هو الشيء الوحيد اللي ممكن ينظف الهواء لأنه يزيل التلوث ويعطي لنا الأكسجين، يعني ينقص من الوحش ويزيد من الحلو وهذا طبعا من النعمة التي وهبها ربنا لنا.
الفائدة الثانية أن إحنا عارفين كلنا أن الأسطح بما أنها مكان غير ظاهر للناس فتكون مكان للمهملات نضع فيها المهملات وهذا بعد ذلك يجذب الثعابين والحشرات الفئران وطبعا هذا يحتاج أن نضع المبيدات وهذه تعود علينا أن نضطر إن إحنا نعالج نتيجة لشم هذه المبيدات وطبعا في نفس الوقت تعني فلوس تصرف للتخلص من هذه الحشرات والقوارض.

الحاجة المهمة جداً هي إنتاج غذاء طازج لسكان المناطق البعيدة أو النائية إحنا عارفين أن المدن تتسع وعلشان يصل لها الخضار تحتاج إلي الوقت وهذا يأخذ 3 أو 4 أيام، وهذا طبعاً يقلل من جودتها ويزيد من سعرها، وذي ما نقول من أيد لأيد السعر يزيد وطبعا كل تاجر يأخذها يزيد في سعرها ونفس الوقت الجودة تقل يعني الفيتامينات تقل وهذا يسبب مشكلة كبيرة جداً، وهذا بالإضافة إلي أن المدن النائية لا يوجد بها ترابط بين أهلها لأنهم ناس جدد يعني تصور أن إحنا في العمارة ومجلس إدارتها يجتمع أول ما نعلن عن اجتماع معناه أن إحنا سوف نجمع فلوس فالناس لا تأتي، لكن لو قلنا أن إحنا سوف نجتمع لتوزيع فلوس طبعاً كل الناس سوف تأتي، ونقدر أن نقول أننا ممكن نحل مشاكلنا ممكن نجعل الفلوس التي تأتي لصيانة العمارة ونكون نحافظ على العقار وممكن في الشارع نفسه نحل مشاكل اتجاه السيارات أو ركن السيارات وهذه كلها حاجات ممكن تحل بمجرد أن إحنا قربنا من بعض، وطبعااً هذه توصية الرسول عليه الصلاة والسلام أنه وصي علي سابع جار.


ثالثا حاجة مهمة جداً هي إتاحة فرص عمل لكبار السن لشغل أوقات فراغهم ورفع من روحهم المعنوية والصورة التي نراها الآن لواحد عمره 80 سنة وكان أمنية حياته أن يزرع ولكن كان صعب لأن لا يملك المساحة التي ممكن أن يزرعها أو الإمكانيات.

عرضت عليه المشروع وأهتم جداً وحب النبات جداً لدرجة أنه من كثرة حبه للنبات في فصل الشتاء خاف عليه من البرد فرواه من ماء ساخن ويمكن طبعاً هذا يوضح حبه للنبات وهو طبعاً آذى النبات ولكن هو حث كأنه طفله وبدأ يرويه بالماء الساخن.

طبعاً الأطفال دول الجزء اللي نتكلم عليه لتحقيق الحلم لو إحنا تكلمنا مع الناس الموجودين الأن هما تربوا علي عادات وتقاليد معينة ولكن لو الطفل من البداية تربي علي حب الخضرة يمكن المدارس زمان كانت دائما يكون فيها علي الشباك للفصل يزرع فيها الفول والحلبة والتلميذ يتابع الزراعة ويري الخضرة ويخاف عليها، يعني لو شاف النبات حدث له شئ يرجع زعلان لكن دلوقت مبقاش فيه هذا الموضوع وبالتالي الطفل لو زرعنا في مدرسته نباتات زينة هيقطعها وهو ماشي في الشارع يقطع في الشجر لأنه لم يربي علي حب البيئة، ولكن لو هوا شاف الزراعة ويمكن هذا حدث أن في أحد الجدود عمل منافسة بين أحفاده لأن كل واحد يزرع تربيزة وكانت منافسة بينهم مين يجيب أعلي إنتاجية ولما جاء وقت الجمع كانت مشكلة جداً أن كل واحد من الأطفال كان يبكي لأنه حاسس أن كل حاجة من اللي عملها بتضيع كانت ثمرة الفراولة بيخاف عليها جدا وهو بيقطفها بالرغم من أنه هو هو نفس الطفل اللي بيمشي يقطع في الورق وتغير شخصية الطفل، هذا الطفل بعدد 10 سنين أو 15 سنة سيكون نابع عنده وهنبص نلاقي الشخصية كلها تغيرت لأن إحنا بدأنا بالأطفال والشباب.

طبعاً لما نتكلم عن الأطفال هنخش بعد كده علي المدارس اللي هما الجزء المهم بالنسبة لنا أن أنا ممكن أحول المدارس إلي وحدة منتجة وهي وحدة فريدة من نوعها لأن أنا عندي المدرسة فيها التلاميذ وفيها الحصة التعليمية للتربية الزراعية، التربية الزراعية ما فيش في المدارس مزرعة هتبقي حصة فاضيه فبالتالي مابتتعملش أو بتتاخذ في أي حصة ثانية وده بيخلي الطلبة تتطلع متفهمش يعني أية زراعة فلو أنا وفرت مساحة اللي هي علي سطح المدرسة وزرعتها في نفس الوقت هبقي عملت إثراء للعملية التعليمية وفي نفس الوقت عندي أيدي عاملة ببلاش وعملت منتج هيدر عائد علي المدرسة هذا العائد هيفيد في العملية التعليمية وفي نفس الوقت عندي المستهلك اللي هما الطلبة والمدرسين والعاملين ويعني بالتالي الحلقة كاملة من حيث الانتاج والأيدي العاملة والتسويق وبالتالي يعتبر مشروع من مشاريع الوحدة المنتجة.
كما أنه فرصة للمرأة المعيلة التي تربي الأيتام ودي بردة بتدي فرصة لأنها مش محتاجة تكاليف كثيرة أو مساحة كبيرة فتقدر أن هيا تصرف علي أولادها.

دة سطح موجود أمامنا نتمنى أن أسطح بلادنا تكون بهذا الشكل ودة عبارة عن منتزه ممكن يكون موجود فوق السطح ممكن نقدر نطلع فيه في الأعياد بدل أن ننزل حيث تحدث مشاكل كثيرة نتيجة للكثافة التي تكون موجودة أن اقدر أن آخذ أولادي وأطلع السطح بدلا من أن أخرج ونعمل الجلسة بتاعتنا أو الحفلات أو الأفراح علي السطح
طيب ما هي المحاصيل التي يمكن زرعها بهذا النظام؟؟هناك اولا عندنا كل محاصيل الخضر سواء الثمرية مثل الخيار والكنتلوب والطماطم والفلفل والفراوله او ان ازرع المحاصيل الورقيه مثل الشبت والبقدونس والجرجير والملوخيه والفجل او من الممكن زراعه اشجار الفاكهه وكما نرى في الصورة يمكن زرع شجره الليمون في برميل يكون 60 لتر وبالمثل شجره الخوخ والعنب ويمكن زراعه نباتات الزينه او زهر القطف وكما نرى (صورة التوضيح) هناك القرنفل والجرجره او ان نزرع نباتات التزيين الداخلي مثل نبات الجاردينيا الذي نراه على جانب الشاشه وهذا النبات يبدا بمجرد شتله ثمنها 30 قرش مصري وبعد 6 اشهر يمكن بيعه ب8 جنيهات .. طبعا الرفرق كبير جدا .. وفي نفس الوقت لو قارنته بزراعه الارض فتجد انه ياخذ نصف الوقت فقط يعني اني استطيع عمل دورتين في الوقت نفسه
ومن الاشياء المبشرة جدا النباتات الطبيه والعطريه مثل النعناع والزعتر والفجل حيث يزداد بها الماده الفعاله يعني ان النعناع مثلا عندما تشمه تجده مختلف تماما لان الزيوت الطياره تطير بعد 4 ساعات من قطفها لكن لو اننا استخدمناه مباشره فسنستفيد من هذه الزيوت الطياره
طيب .. هذا لو زرعنا الخضار والفاكهه ونباتات الزينه .. فما رايكم لو زرعنا سمك؟؟ بالطبع الناس ستبدا بالسؤال .. السمك يعني مياه كثيره وزفر وغيره طيب اولا لماذا فكرنا في موضوع السمك؟؟ اولا لكي نعمل مزرعه سمكيه على السطح الحوض طبعا سيكون ضيق المساحه وفي نفس الوقت يحتاج تغير المياه دوريا وعندما اغيرها الى اين ساخذها؟؟ الى الصرف الصحي طبعا وهذا لان فيها امونيا وماده عضويه وهي فضلات السمك العاديه .. طيب اليس هذا هو عباره عن غذاء للنبات؟؟اذا لو اني ضممت زراعه النباتمع زراعه السمك وامرر هذه المياه على النبات فسيقوم باخذ الفضلات والامونيا ويعيد المياه نظيفه الى السمك مره اخرى فاكون غير محتاج الى تغيير المياه وفي نفس الوقت ساحصل على النبات بدون استخدام اي اسمده معدنيه او مبيدات لاني لن اسطيع استخدامها كي لا يموت السمك وفي نفس الوقت احصل على سمك نظيف وطازج .. وكما نرى في الصوره فانا اضع حوض السمك واركب له (طرمبه ) صغيره للهواء كي نعطيه الاكسجين ثم نمرر المياه على النبات المزروع على الطاوله وتعود المياه من جديد الى السمك في الحوض وبذلك استطيع الحصول على منتج جانبي جيد
وكما نرى في الصورة الخضراء هي عباره عن مكان الزريعه الذي زرعنا بها وتكون نصف جرام وفي النهايه وبعد 6 شهور استطيع الحصول على سمك من 200 الى 250 جرام
(صوه توضيحيه تظهر على الشاشه )
يعلق د/اسامه : وهذا نظام صغير استطيع وضعه في الشرفه لانتاج السمك مع النبات
(صوره توضيحيه اخرى)
ويعلق الدكتور : هذه الصورة عباره عن احد الفنادق الشهيره اعجبتها الفكره واصبحت تنفذها على نطاق كبير .. وياتي السياح ليختاروا السمك وهو طازج من الحوض وفي نفس الوقت ينتج هذا الفندق الباذنجان
( صوره اخرى)
وهذا عباره عن حوض او حمام سباحه لم يكن مستعمل ومساحته 10م* 4م ملأناه بالماء و وضعنا به حوالي 7000 زريعه سمك بمعدل 150 : 200 سمكه في المتر المكعب .. بينما المعدل المعروف في المزارع العاديه هو من 5 : 7 ايماك في المتر المكعب يعني انظر كم نضاعف الكميه ؟
وعلى حوض السباحه هذا عملنا صوبه كي نوفر الدفئ للسمك لانه السمك لا ياكل في البرد ونحن نريد ان يستمر الانتاج خلال فتره الشتاء والمياه التي تخرج من الحوض نمررها على النباتات كي تنظفها وتعود للحوض مره اخرى
الدش او الهوائي .. ماذا عنه؟ انه مشكله تواجه اسطح كل العالم العربي تقريبا اي انه يكون موجود فوقها طيب وماذا سنفعل هل سنزرع ام سنضع الدش؟ طبعا الاجابه دياما ستؤيد الدش عن الزراعه ... ولكن في الحقيقه عندما قمنا بهذه التجربه اكتشفنا بان الدش هو صديق الزراعه.. كيف؟؟ لانه قام كمصدات للرياح مما يعني انه سيقلل من نسبه الرياح وقوتها وخاصه خلال الاوقات التي تشتد فيها الرياح .. طيب وما ميزه ذلك؟ بالطبع عنما اخفض من الرايح الى جانب ان النبات لن يتمزق ولكن ايضا هذا سيقلل من عمليه البخر في النبات لانه معروف ان الرياح تنقل البخار الناتج من هذه العمليه مما يدفع النبات للمزيد من البخر فبالتالي انا اقوم بتوفير كميه المياه.....

الجدوى الاقتصادية للمشروع
مثلاً الفراولة كمحصول شتوي و الطماطم كمحصول صيفي فسأجد الأرباح ستصل إلى 31%
محاصيل ورقية زي السبانخ و البقدونس و سنرى ربحيتها، لو زرعت متر منها فأنا كل أسبوعين بزرع و بغيرها سأصل لربح 68%
زراعة أسطح المدارس هام جداً و التي فيها 300/400 تلميذ على الأقل و التي سيتعلم أهلهم منهم …. سور المدرسة يتحول لنباتات زينة، ممكن استخدام أي أسوار موجودة
الفكرة بسيطة جداً و سهلة جداً و شكراً

عمرو خالد:
ده كلام الدكتور أسامة و اذكركم بحديث (ص) (ما من مسلم يزرع زرعة يأكل منها إنسان...)
الموضوع ليس صعب بتنفيذه بل بالإرادة و سأقول سأحاول ،طب إحنا حنساعدكم ازاي :
ستجد فيلم كامل كيف تعمل الطربيزة و ما أنواع البذور و كذلك ستجد دورة صوت و صورة كيف تعمل ذلك و ستجد 5 من مساعدين الدكتور أسامة متفرغين أسبوع كامل و تسألهم كل الأسئلة التي تريدها
بعد ده كله أنا ما عنديش نت ، و ما أقدرش أوصلها ، تستطيع أن تسأل عن دورات المعهد للدكتور أسامة
لو شخص مُصر على ذلك ،و ليس فقط للفلوس بل للفوائد الكبيرة و هي خطوة لنتعلم كيف نزرع أكلنا و هو تمهيد لكيف نزرع بلادنا و سيكون نجاح كبير للشباب العربي و الشباب المسلم ..
و سنتفق مع جمعيات صناع الحياة بكل الوطن العربي و لكن لا أريد ذلك
هل أنا مُصر على المشروع، سأدخل للنت أو أذهب للدورة و سنتقابل بعد شهر
إحنا اللي حنعمله بصناع الحياة ما كانش موجود من قبل كده و ليش مدح لنا بل الله تعالى اختار لنا ذلك
تعالوا نساعد بعض إن إحنا ننجح و يا شباب عليكم أمل كبير هذا مشروعكم
أنا مش عارف النهارده سننجح أو لأو أنا منتظر ال feedback و أن نرى بأعيننا السطوح حتى لو الحاجات البدائية ، تخيلوا الجزائر زرعت تخيلوا لبنان زرعت.. يا رب ننجح، لكن الزراعة فيها حاجات كثيرة ، ألم نقل أن الماء قضية خطيرة جداً و إن المواطن العربي يعاني منها لذلك المشروع الثاني النهارده مسابقه عاملاها مؤسسة الملك عبد العزيز و رجاله في مجال المياه لواحد عنده اقتراح لتقليل نسب المياه المستخدمة في الوطن العربي
هذا مشروع عمله أحد رجال الأعمال و الجائزة مليون و نصف ريال و المركز هو مركز فقيه للأبحاث و المسابقة ستعلن يوم 6/15 …
الطريق صعب و الأمر يحتاج لأمل كبير
شدوا حيلكم
الأسبوع اللي فات كان العمل الحرفي و قلنا لأولادنا أن يتعلموا العمل الحرفي
الحلقة القادمة سنعيد أحد الحلقات ، ليس لأنه ليس لدينا كلام نقوله بل ….
صلوا بالليل ابكوا بين يدي ربنا يا رب أعنا على أن نعمل نهضة
و حتشوفوا
و لو كسلنا بعبادته و عصيناه فلن يساعدنا
أشوفكم الحلقة الجاية
و السلام عليكم و رحمة الله و بركاته

كل ما يتعلق يالحلقة من ترجمة ومشاهدة :
http://www.amrkhaled.net/articles/articles644.html

مشكورة ويعطيك العافية على الموضوع المميز جدا .............

الحلقة السابعة : الصحة




اا مجال من مجالات النهضة ..فاكرينهم ؟؟

قلنا أن هما مرتبطين ببعضهما (فكرة الpuzzule) هنعرض عليكم تصور عمله واحد من الشباب ازاي ال 11 مجال بيدخلوا في بعضهم ..لكن الأول خلينا أقول لكم فكرة الـpuzzule ديه أهميتها قد ايه ...

الـpuzzule دايما بيكون عليها صورة من برة ومطلوب أنك تجمع القطع علشان تتطلعها زي الصورة ..فانت أصلا عندك الصورة الأول تعقد تبص عليها وتجمع القطع ..علشان تتطلعها زي الصورة يعني الصورة هي الرؤية بتاعتك وهي الدليل بتعاك والحكاية اللي أنا بقولها ديه مهمة أوي يا جماعة في صناع الحياة عارفين ليه ؟؟؟

لأن أنا هتخيل معاكم المسابقة ديه

احنا هنقسم الجمهور اللي قاعد معانا في الاستديو هنا.. يمين وشمال وهاندي الاثنين نفس القطع بالضبط هي.. هي ..وهنطلب من اليمين يشتركوا مع بعض ويطلعوا الشكل النهائي

وهنطلب من الشمال يشتركوا مع بعض ويطلعوا الشكل النهائي ...

 لكن الفرق بين مجموعة اليمين ومجموعة الشمال حاجة واحدة بس أن أحنا هنيجي لمجموعة اليمين ونعطي لهم الصورة اللي برة الكرتونة وهنجي لمجموعة الشمال اللي معاهم نفس القطع لكن مش هنديهم الصورة ..

 تفتكروا مين هيخلص الأول ..ومين اللي هيطلع شكل صحيح .أكيد.. أكيد اليمين اللي هيخلص الأول .. ليه ؟؟؟

لأن عنده رؤية واضحة وعارف هو عايز يعمل ايه ورايح فيه ..بينما ..الشمال هيبذلوا مجهود جامد جدا بس مش هيخلصوا حاجة وإذا خلصوا..هيخلصوا في وقت رهيب لأن معندهومش صورة ورؤية واضحة

 علشان كده ..مهم أوي يا شباب واحنا بنعمل الـpuzzule بتاعت الـ 11 مجال من مجالات النهضة نبقى شايفين احنا رايحين فين ..أنا عايزك تتخيل بمنتهى القوة والتركيز والتفصيل صورة نهضة بلادنا بعد عشرين سنة ، تتخيل كل التفاصيل علشان لما نركب ال 11 قطعة مع بعضهم ما تزهقيش وتقول احنا رايحين فين لانك فاهم أن كل قطعة منهم بتكمل الصورة ...






وأنا قبل ده تخيلت معاكم الصورة بعد 20 سنة لما تنركب القطع هيكون شكلها ايه ..فاكرين أنا قلت ايه ..قلت أنا شايف الصورة فيها :

• البطالة أقل من 5 %
• أرض بلادنا الصالحة للزراعة مزروعة بالكامل وفوقها أسطح المنازل والمدارس كلها خضرة
• شباب في صلاة الفجر زي عددهم في صلاة الجمعة ..
• عودة الحب للأسرة
• المرأة فعالة في المجتمع مش على هامش المجتمع.. هي قلب المجتمع ...
• التعليم بيطلع ناس فاهمة مش حافظة
• القطار بيطلع بين بلادنا العربية ينقل البضاعة من مصر لسوريا لليمن ..للسعودية ..
• جامعتنا بيجالها الشباب من كل العالم يتعلم فيها ..
• ميزانية البحث العلمي تكفي أن احنا اللي بنقود التطور والاختراع في العالم

ديه الصورة زي ما أنا شايفها بعد عشرين سنة بيكملها الـ 11 مجال

بس أنا برجوكم يا شباب شوفوا الحلم بالتفصيل علشان تصبروا ويزداد أملكم كل ما نركب قطعة في صناع الحياة

تعالوا نشوف فيلم مع بعض عملوه شاب من شبابنا ركب فيه الـ 11 قطعة على بعض
كاميرا ...

عرض انيمشين تركيب الـpuzzule

اللي عملوه اخونا هاني دوناً جميل ... لكن إحنا مازلنا منتظرين الفنانين المبدعين من شبابنا يعملوا انيميشن.. يورينا الوجه الآخر لتركيب الـ 11 مجال
..يعني يعملوا أنيمشين يطلع الصورة علشان كلنا نشوفها وهندي جايزة كبيرة لـ إللي يعمل الحكاية ديه وهنستضيفه هـنا في البرنامج..

لازم نشوف الصورة وتملا كل خيالنا عارفين ليه يا جماعة؟؟

لان بصراحة طريق صناع الحياة طريق طويل محتاج صبر طويل ومليان معوقات ..واللي هيصبرك على طول الطريق أن الصورة ملية كل كيانك ..فاضل تصبر على التركيب ...

النبي يا جماعة ماكانش بيقول للصحابة أن الإسلام هيتنصر وخالص ..ده كان بيرسم ليهم تفاصيل الصورة علشان يعيشوها ويحكي لهم اللي هيصل بالضبط لما الإسلام يتنصر ..
• فاكرين وهو بيقول لعدي بن حاتم ستفتح المدائن ..وما وقفش على كده لكن كمل صورة و وستخرج المرأة من الحيرة إلي مكة تطوف بالبيت يعني تصوره الشديد للستات في المجتمع ...وسينفق المال ويكثر حتى لا يجد من ينفقه ..يعني صورة اقتصادية للرخاء الاقتصادي



أجاسي لاعيب التنس المشهور فاز بأول بطولة ويمبلدون العالمية سنة 92 فاستضفوه أدام كل الجماهير علي الهواء بيقولوا له مبروك أول بطولة ويمبلدون في حياتك ..قال لهم لا انا فزت بالطولة 100 مرة قبل كده
..فالناس ما فهمتش
قال لهم أنا بقالي سنين شايف كل ليلة وأنا نايم تفاصيل اليوم ده

اتفقنا يا شباب ؟؟ صحيح زي ما قلت لكم والموضوع لسه طويل ومحتاج صبر طويل لكن الأمل كبير ..

احنا يا جماعة كل ما بنرمي بذرة نلاقي ربنا بفضله كبرها كثير ..
زراعة أسطح المنازل الله أكبر ..عشرات المدارس ومئات الناس ابتدوا فيه ولسه الأمل كبير ويكفى أنكم تعرفوه 4 حاجات من ضمن نماذج كثيرة اوي حصلت:

1- الدكتورة ميساء عبد العزيز أساتذة في كلية الهندسة جامعة القاهرة متخصصة في التخطيط العمراني ..شافت الحلقة ..و اتفقت مع محافظ الجيزة أن هي مع الدكتور أسامة البحيري مع شباب صناع الحياة في القاهرة هيعملوا تجربة pilot لزراعة أسطح منازل 50 منزل في أرض اللواء وهي النهاردة في الوقت اللي أنا بسجل فيه الحلقة بتعمل معاينة للمنطقة للبدء في المشروع
2- عضو مجلس أمناء مدينة الشيخ زايد للإسكان اتصل بالدكتور أسامة البحيري ..علشان يبدأ المشروع يتنفذ في مدينة الشيخ زايد
3- فتاة من بنات صناع الحياة في بورسعيد راحت قابلت عميد كلية التربية النوعية في بورسعيد واتقفت معاه يتعمل مؤتمر للطلبة فبي الكلية لنشر الفكرة بين كل طلاب الكلية ويدير الندوة الدكتور اسامة البحيري ...
4- فريق صناع الحياة بالسودان .. راحو وزارة الزراعة مباشرة كونوا رابطة أصدقاء صناع الحياة بوزارة الزراعة بالسودان واتفقوا أن كل خريجي جامعة الخرطوم ...والرابطة ديه بتعمل ايه..؟؟,, بتخلي وزارة الزراعة تتفق مع إدارة الجامعة أن خريجي كل دفعة يخدوا دورة في زراعة اسطح المنازل ..

وكثير من الجمعيات عملت حاجات مشابهة ..كل ديه نماذج رائعة لنشر الفكرة لأن الفكرة هتنشر بالعدوى ويمكن من أجمل الأخبار في موضوع الزراعة بدون تربة ...

وأنا كنت في زيارة لليمن الأسبوع الماضي وتشرفت بان دولة اليمن وشعب اليمن ورئيس اليمن كرموني وأعطوني جائزة الاستحقاق من الدرجة الأولى علشان صناع الحياة ومشروعات المرحلة الثالثة وقالوا لي الوسام ده مش علشانك ده علشان شباب صناع الحياة ..
وتم الاتفاق مع وزير الزراعة اليمني على تعميم تجربة زراعة أسطح المنازل في اليمن
والمشروع هيتطور ومش هنسيبه ..



المهم اليوم سنبدأ بالصحة وأنا عارف أن الملفات كترت عليكم ، احنا لغاية دولوقتي قلنا من ساعة لما ابتدينا المرحلة الثالثة ..قلنا الصناعات الصغيرة وقلنا العمل الحرفي والمهني أن احنا نوجه ولادنا ليه وقلنا زراعة أسطح المنازل والنهاردة داخلين في الصحة مشروع جديد

وأنا عارف أن أنتم وشباب وصناع الحياة عاملين تقوالوا يــاه كثير أوي أتلخبطنا ..
لكن هو الموضوع ما بيمشيش كده يا جماعة ، لا يمكن نهضة كل الناس بتعمل كل حاجة ، لكن كل مجموعة تجد نفسها في مشروع... تعمله

احنا بركب الحتة ديه في الصورة الكبيرة وأنت وطاقتك لو عايز تشتغل معانا في أكثر من مشروع مثلا : هتشتغل في مشروع زراعة أسطح المنزل وفي نفس الوقت عندك مشروع صغير أو بتتعلم حرفة




ولذلك أن بقول لفرق صناع الحياة ونوادي صناع الحياة أنتم مطلوب منكم ثلاث حاجات أساسية :
1- نشر فكرة صناع الحياة ..يعني الدور الإعلامي ..نشرها في كل مكان ..ولو ما عملتوش إلا ديه يبقى نجاح كبير .
2- ساعدونا في مشروع حماة المستقبل لمحاربة المخدرات وندربكم عليه
3- كل ما نعلن عن مشروع في المرحلة الثالثة ..مش كلكم تعملوه لكن تقسموا نفسكم مجموعات ..مجموعة الصناعات الصغيرة ، مجموعة الحرف وتشيلوا المشروع ..مش مهم تعملوه قد ما مهم تخلوه الناس تعملوه ...

كل يوم وكل يومين كيف نعمل الفكرة دي وكيف ننفذ، المشوار لايزال طويل، بس هذه كلها بذور أمل، وبتقول أن فيه الناس اللي تحركوا في السودان والبنت اللي تحركت ودكتورة الجامعة اللتي تحركت وعضو مجلس الإدارة اللذي تحرك كل هؤلاء شاهدوا الحلقة وتحركوا، وأنا بقول أن الأمل كبير ويمكن أن فيه حاجة جميلة أنا لسة راجع من اليمن منذ يوم كان عندي مجموعة ندوات في اليمن والحقيقة لاقيت ترحيب وتكريم كبير لن انساه أبداً من أهل اليمن شعباً وحكومة وسلموني وسام الاستحقاق من الدرجة الأولي سلمه لي رئيس الجمهورية وقالوا أن هذا ليس علشانك دة علشان اللي بيعملوه صناع الحياة في اليمن،

واللي لمسناه من شباب صناع الحياة وأن أحنا معاكم كل اليمن معاكم هاتعمل معاكم مشروع زراعة أسطح المنازل، دة كان كلام رئيس الجمهورية الحقيقة كل الكلام دة بيقول أنه صحيح الطريق طويل ولكن الآمال كبيرة وهنقدر أن شاء الله،


النهاردة هيا نبدأ بقي بعد كل التفاصيل دي سبنتكلم عن الصحة هتقولي ياعم أنت لخبطتنا أنت شويه صناعة وشويه زراعة وشويه صحة، إحنا المشاريع كترت علينا شويه عن أسطح المنازل وشويه عن المشروعات الصغيرة واليوم مشروع جديد عن الصحة



لكن خلي بالكم يا جماعة محدش يتخيل أن النهضة بتقوم بأن كل الناس بتعمل كل حاجة، ولكن أنا بحب الحته دي ستات بيوت عندها الرغبة عجبتها حته أسطح المنازل مش علشان الغني والفقر ولكن تبقي رئة للحي بتعنا نشم منها هواء نقي أو علشان ناكل من عمل إيدينا تقول أن أحنا هانشيل الحتة دي، ويجي شاب يقول أنا بحب الصناعات الصغيرة أو أنا مهندس وبحب الحتة دي ويجي دكتور أو ست كبيرة تقول أنا ممكن أساعد في موضوع الصحة فكل واحد يجد نفسة في مشروع من اللي إحنا بنعرضه الرغبة يقول أنا هأشتغل في الحته دي لكن ما حدش يقول أنت لخبطتنا لكن محدش يتوقع أن كلنا ها نعمل كل حاجة إلا لو أنت عندك طاقة زيادة وتقول أنا ممكن أشتغل في دي و دي، لكن متقلوش أنت لخبطتنا وإللي يشوف معانا الحلقات والحته دي متخصوش يصبر للحلقة الجاية. يعني ستات كثير مبسوطين من حلقة زراعة أسطح المنازل وستات كثير منتظره حلقة المرأة وعائلات كثير منتظره الحلقات بتاعتة الأسرة، ونفضل ماشيين في صناع الحياة، لو دي ملقطتش معاك يمكن دي تلقط معاك، ولو دي لقطت معاك يمكن الثانية ما تلقطتش معاك، وحتى الكلام دة ماشي علي شباب ونوادي صناع الحياة في العالم كله. يا شباب مش مفروض أن صناع الحياة كل ما تلاقي حتة تروح رايحة فيها كلهم يا شباب قسموا أنفسكم، دي مجموعة الصحة ودي مجموعة التعليم ودي مجموعة الزراعة وكأن اللي أنا بطلبه من الناس كل اللي بيشاهدوني واللي بأطلبه خصوصاً من نوادي صناع الحياة حاجتين أساسيتين:- أول حاجة يا جماعة انشروا فكرة صناع الحياة فكرة النهضة الدور الإعلامي يا نوادي صناع الحياة أنا شوفت شباب اليمن انشروا الفكرة مش علشان الناس تتفرج علي صناع الحياة إنما علشان فكرة النهضة تتدخل في كل دماغ وكل دماغ فينا تبدأ تشوف الصورة وتقول أة أنا شايف إحنا نفسنا نعمل أية حتى لو لم نعمل. وحتى لو لم ننجح يطلع جيل جديد أتغرس جواه الفكرة يمكن أنا أموت ويمكن حضرتك تموت ولم نعمل شىء بس لو قدرنا علي الدور الإعلامي يا شباب صناع الحياة يا ستات يا رجالة ياللي بتقولوا نفسنا نساعد معاكم خلوا الناس تشوف الحلقة وأعطوا الحلقات دي لشاب أو دكتور أو وزير أو رئيس جمعية، خلي الناس تشوف. الدور الإعلامي رقم واحد أما رقم أثنين هو أن كل واحد يعجبة مجال من المجالات التي نعرضها يتبناه ويقول أن ها أشيلة وأعيش معاه عمري وهأقرأ فيه وهأفهمه وأشتغل فيه ونوادي صناع الحياة يوجهوا الناس للحكاية دي، أنا حبيت أقول كل الحاجات اللي في الأول دي




هيا بنا ندخل في الصحة،


شوفوا يا جماعة أول حاجة نقولها هي الصحة دي ليه مهمة قوي للنهضة هو يا جماعة ما فيش نهضة من غير صحة؟


اظن بسيطة قوي وسهلة قوي، تخيل الصحة دي عمله ذي أيه ذي الدابة بتاعتك دي الركوبة بتاعتك اللي ها توصلك لجنة ونار يعني أنت ها تروح الزاي جنة أو نار ها تروح راكب حاجة، الحاجة اللي ها تركبها دي هي صحتك. الركوبة اللي ها تأخذك لنهضة بلادنا هي صحتك، تخيل ناس تريد تعمل نهضة وصحتها تعبانة، تخيل واحد عايز يمشي ألف كيلو وليس لديه دابة يروح بيها. دي ركوبتك لطريق النهضة جسمك دة وصحتك دي ولما بقول صحتك ما بتكلمش عن صحة البدن وبس، ولكن الصحة البدنية والصحة النفسية هي دي الركوبة اللي ها توصلك لطريق النهضة ومن غيرها مش ها تنفع توصل،


ولذلك يا جماعة العالم كله بيقول لك عاوز تقيس نهضة أي بلد أسأل عن حاجتين التعليم والصحة تعرف الدولة دي متقدمة أو الدولة دي متخلفة. طب لماذا الاثنين دول؟ لأن ببساطة أية قيمة الحياة من غير صحة وأية قيمة العقل من غير تعليم، فالأمة التي عندها صحة وتعليم عندها حياة وعقل وبالتالي الأمة دي تنهض، أبي ماجد الغزالي بيقول (غاية الله من العباد أن يعبدوه وأنَ يعبدوه وليس في الجسد حياة أو قوة) يعني ازاي يعبدوه وهما مش قادرين يقفوا يعني ما ينفعش نهضة من غير صحة.

طب الأول ايه هو مفهوم الصحة .؟؟.


تقصد علاج الأمراض ... تقصد أن أنا لما أيئ أتعالج كويس لغاية لما أخف ، العالم كله وكل الناس كانت فاهمة الصحة أن الصحة أنك ما يبقاش عندك مرض ، أن الصحة أنك تتعالج لما يكون عندك مرض...وفضل العالم كله ماشي على المفهوم ده سنين طويلة إلا علماء المسلمين ..رفضوا المفهوم الضيق ده وقالوا الصحة آخر حاجة فيها معالجة المرض والأصل فيها حفظ نعمة الجسد ...وحفظ المعافأة الكاملة بدنيا ونفسيا لدرجة أن ابن سينا الطبي المسلم المشهور كتب أول جملة في كتابه قبل الف سنة .. وقال الطب سلامة بدن وبرء سقم يعني حفظ الصحة ثم ..معالجة المرض
أي اعتبر أن الأصل في الطب الحفاظ على صحة الناس أي الطب الوقائي اللي معرفوش العالم الا في اخر 100 سنة ، ولما سألوه أنت جبت الكلام ده منين قالهم لان ربنا بيقول
((لقد خلقنا الانسان في احسن تقويم ))
((الذي خلقك فسوالك فعدلك ))


فالأصل أنك مخلوق سليم خلقت سليم بدنيا ونفسيا فحافظ على سلامة صحتك بدل ما تلجأ للعلاج ... فالأصل في الإنسان سلامة الصحة قبل العلاج .. والجميل في المفهوم ده يا جماعة أن كل تركيز الإسلام وكل أحاديث النبي ركزت على مبادي حفظ الصحة والمعأفاة ..والوقاية من الأمراض مش علاج الأمراض ..

وقليل أوي أوي أوي لما الإسلام يتكلم عن علاج الأمراض وطريقة علاج الأمراض عارفين ليه ؟؟
لأن الإسلام جاي لكل زمان ومكان وعلاج الأمراض هيختلف وهيتغير من كل زمان وزمان لكن

الأصل هو حفظ الصحة وديه مبادئها عامة في كل زمان ولذلك من عظمة الإسلام أنه ركز على قضية حفظ الصحة بمئات الأحاديث اللي هنتكلم عنها النهاردة بينما في علاج الأمراض ما دخلش في التفاصيل أبدا ، إلا نادرا لكن حط حديث رائع قال فيه ..."إن الله لم ينزل داء إلا أنزل له شفاء علمه من علمه وجهله من جهله" كأن الحديث بيحث على البحث العلمي وترك للتقدم العلمي اكتشاف العلاج في كل زمان


هو ده مفهوم الصحة ... اللي احنا عايزينه ..الحفاظ على سلامة البدن والنفس .. صحة بدنية ونفسية ثم علاج الأمراض ..

طب الصحة في بلادنا عاملة ايه ؟؟

بلادنا بذلت مجهود ضخم في علاج ومحاربة
كثير من الأمراض ..بنت مستشفيات وكليات طب ، ركزت على محاربة الأمراض المعدية .. زي الحصبة والأنفلونزا والجدري وعملت تطعيمات لكثير من الأمراض خاصة للأطفال ..ونجحت في عمل إنخفاض مملوس في وفيات الأطفال ..نتيجة التطعيمات ديه ..كل ده كويس

لكن هناك جانب آخر خطير..مهم أوي في حفظ الصحة لم يبذل فيه الجهد المطلوب والجانب ده خطير لأن بيسبب أمراض أخطر من الأمراض المعدية وبتموت العالم كله ..الجانب ده هو الأمراض الغير المعدية ..زي ايه ..

1- ارتفاع ضغط الدم
2- السكر
3- السمنة
4- أمراض القلب مثل انسداد الشرايين وتصلب الشرايين،فيسيصاب الإنسان بسكتة قلبية
5- سرطان الرئة
الأمراض ديه يا جماعة زي ما بتقول الwho نسبتها حاليا في العالم العربي 40 % من إجمالي الأمراض وسترتفع إلي 70 % من إجمالي الأمراض سنة 2020، يعني الأربع أمراض دول ..هيشكلوا 70 % من عييء الناس وهما الآن 40 % من عييء الناس في بلادنا

1- ضغط الدم ... بتقول who أن سنة 2000، 333 مليون في الدول المتقدمة و639 مليون في الدول الفقيرة .. نسبة الإصابة بضغط الدم في بلد زي مصر 27 % من إجمالي السكان

2- السكر .. وفيات السكر سنويا 3 مليون شخص ..وفي 6 وفيات كل دقيقة بسبب السكر ...
معدل انتشار مرض السكري في المنطقة من أكبر المعدلات في العالم ، فالاستعداد بين ما عنده المرض السكري فعلا ومن عنده استعداد للإصابة ..النسبة حوالي 25 % من السكان في الوطن العربي ومعنى هذا أن 1 من كل 4 أما عنده مرض سكري أو عنده استعداد للإصابة بالمرض السكري ، وأن في دول الخليج زاد معدل الإصابة بالسكر 4 أضعاف

3- السمنة :
• 80 % من أمراض السكر سببها السمنة ...
• السمنة بتزيد من احتمال الموقت بمرض السرطان 14 % من بين الرجال و 20 % من السيدات ..
• يعاني من زيادة الوزن أكثر من بليون شخص بالغ ...
• أنا من أعلى معدلات الإصابة بالسمنة في العالم في السعودية

4- كل الف مواطن في العالم العربي يصاب منهم من 100 –150 حالة مواطن سنوي مصاب بسرطان الرئة ..
الأمراض الغير معدية يا جماعة أصبحت وستصبح أشد فتكا في بلادنا من الطاعون زمان والإيدز الآن في الغرب ..

University of Pittsburgh

شفتهم الأمراض الغير معدية في العالم عاملة ازاي؟؟

النسبة ديه يا جماعة سنة 2020 وهتبقى عكس الرسمة لان أحنا 70 % من أمراضنا غير معدية


طب هي سببها ايه الأمراض ديه ؟؟


السلوكيات الخاطئة للناس ، سببها أسلوب الحياة الخاطئ اللي اعتاد عليه الناس واللي بتعارض مع التوازن الرباني وفترة ربنا اللي خلق عليها الإنسان ليبقى سليما فاختل التوزان .. ربنا بيقول ووضع الميزان إلا تطغوا في الميزان ... الأمراض ديه يا جماعة غير معدية لكن سببها الإخلال بميزان الله الدقيق عن طريق عادات وسلوكيات خاطئة (يا أيها الناس إنما بغيكم على أنفسكم)
(( والسماء رفعها ووضع الميزان الا تطغوا في الميزان ))

ماذا يعني هذا ؟؟

ان كل شيئ خلفناه بنظام معتدل حتى اجسادكم ولو افسدتوه او ادخلتم ما يفسده ويصيبه بالخلل فان كل الجسن سيفسد فسبحان الله (( ووضع الميزان )) ويعني بالميزان في كل شيء حتى في اجسادكم وليس العدل في الارض فقط لا بل بداخلك ايضا (( الذي قدر فهدى )) كل شيئ مخلوق بدقه متناهيه فالجسم من الداخل يستقبل العادات السيئه التي خالفت الاسلام وخالفت ما جاء به القران
السلوكيات ديه زي ايه ؟؟


1- طريقة التغذية الخاطئة .. الjunk ood و ال fast food ...
فيلم أمريكي شهير .. درس خطورة الأطعمة السريعة على الصحة ... قصته تمثلت أن بطل الفيلم قرر أن يأكل لمدة شهر كامل (فطار- غذاء -عشاء) من محل مكادونالذ ...كانت النتيجه في آخر الشهر أنه أصاب بالسمنة ودخل العناية المركزة ...

تقول منظمة الأغذية والزراعة التابعة لجامعة الدول العربية 840 مليون انسان يعانون من سؤء التغذية منهم 799 في الدول النامية ..

2- التدخين والشيشة : التدخين يؤدي إلي 6 أنواع من السرطنات ويموت بسببه سنويا 4 مليون نسمة ويؤدي إلي اجهاض النساء بنسبة 60 % من المدخنات ..
3- عدم ممارسة الرياضة ...وعدم الحركة أمام المكتب والكمبيوتر طول النهار ..حتى الستات مع الأسف 60 % من نساء الوطن العربي وزنهم زائد لأنهم لا يمارسون أي نوع من أنواع الرياضة ..





University of Pittsburgh

4- عدم النظافة والتلوث البيئي وتلوث المياه ...في عندنا قرى في العالم العربي بتشرب بالكامل مياه ملوثة وكلنا بنشم هواء ملوث للآسف

تعالوا نلخص أحنا قلنا ايه ؟؟؟



قلنا مفيش نهضة بدون صحة .. ومفهوم الصحة حفظ سلامة صحة البدن والنفس قبل معالجة الأمراض وأن بلادنا نجحت في علاج ومحاربة كثير من الأمراض لكن في كارثة عاملة بتزيد اسمها الأمراض الغير معدية هي ايه ..أربعة .. وسببها سلوكيات الناس الخاطئة.. زي ايه اربع حاجات قلناهم ..

الحل فين ؟؟
الحل في الإسلام ..النبي حط كل مبادئ حفظ الصحة والنجاة من الأمراض الغير معدية وده اللي أنا هأحكي لكم في بقية الحلقة ..كم رائع من الآيات والأحاديث للحفاظ على نمط حياة جيد يحافظ على الصحة ..

وسبحان الله ..تقوم منظمة الصحة العالمية تعمل مؤتمر سنة 85 وتصدر إعلان عجيب بيقول ...

أن الأصل حفظ الصحة باتباع أنماط الحياة الإسلامية واتنشر ده في كتاب والكتاب معاي أهوه وضم الكتاب 60 نمط من أنماط الحياة الإسلامية اللي أمر بيها النبي ونصوص القران لحفظ الصحة والمعأفاة والوقاية من الأمراض ...

طيب ... ازاي نطبق كلام النبي ده ونحمي الناس من الأمراض الغير معدية ديه ..ونساعدهم على تصليح سلوكياتهم .(لازم نعمل توعية صحية )

حاليا مفيش توعية صحية كافية في بلادنا لحفظ الصحة والنجاة من الأمراض الغير معدية ..

فين التوعية الصحية في المناهج .؟

لازم الرسائل الصحية تتكرر بشكل غير مباشر تصل إلي الطالب بعدة طرق ،ليست كمادة متخصصة في حفظ الصحة ولكن في مختلف المناهج ، وبالتالي تكون النتيجة أن هذا التكرار يصل إلي الطفل ويتقبله وخاصة إذا طلب منه أن يقوم بعمل للحفاظ علي الصحة..

فين التوعية الصحية في الإسرة والبيت ..رغم حبنا لولادنا ..هل سمعتم عن أب عنده ملف صحي لأبنه يتابع فيه حالته الصحية ويسجل فيه الأمراض اللي اتعرض لها ... والأدوية اللي أخدها ..هل في أب بيعمل كشف دوري لأبنه ..هل في أب بيفهم ابنه خطورة ال junk food والمياه الغازية على صحته .. رغم أن احنا بنحب ولادنا ما بنعملش كده ..

الإعلام ...إعلانات التوعية الصحية ساذجة وغير مؤثرة ... ومفيش ولا إعلان ولا مسلسل ولا حتى لقطة في فيلم تشجع الناس أن هما يهتموا بصحتهم... بل العكس بتعلمهم التدخين والشيشة والسواقة المسرعة اللي بتموت الالاف الشباب
والنتجية ....السرطانات ، السكر ، ضغط الدم ، حوادث الطرق..

مين يحمل كلام النبي اللي هنقوله دولوقتي ويوصله للناس ..إذا كان الإسلام ركز على مبادي حفظ الصحة والنجاة من الأمراض الغير معدية والعالم كله حتى الغرب يعاني من هذه الأمراض والحل عندنا في دينا وربنا بيقول وما أرسالنك إلا رحمة للعالمين حتى غير المسلمين ..النبي رحمة ليهم بهديه الصحي والعالم بيتهمنا الآن أننا إرهابيين مع أننا رحمة ..مين يحمل هدي النبي للعالم

.ولذلك مشروعنا هو ..



ومن هنا ظهرت فكرة مشروعنا ، مشروعنا مش هيركز على الأمراض المعدية ، وعلاج المرضى ، ديه مش شغلتنا في صناع الحياة ، مشروعنا هيركز على الأمراض الغير معدية ...لأن الأمراض الغير معدية دية سببها الأساسي نقص التوعية لدى الشعوب بخطورة العادات الغذائية الضارة بخطورة التدخين بخطورة عدم النظافة بخطورة تلوث البيئة ، بخطورة المياه الملوثة ، بخطورة عدم مزولة الرياضة ,,, إحنا مشروعنا نعمل توعية صحية يقوم بيها الشباب في النوادي والمدارس والجامعات والمقاهي والشوارع والأحياء ...يقوم بيها الشباب اللي بيشوفنا دولوقتي وشباب صناع الحياة ونغير الدنيا في العالم العربي


نعمل حاجة نسميها المنتديات الصحية في كل مدينة وحي في العالم العربي يطوع فيها شباب يعملوا التوعية ديه ، ده المشروع ببساطة وإن كنا هنتكلم فيه المرة الجاية بالتفصيل ..لكن المشروع ده علشان يتم ويقدر الشباب يقوموا بالدور ده لازم نعمل شراكه دولية مع جهات تمدنا بأدوات للتدريب ويتحرك الشباب من خلالها وهي تدعمهم وتقف وراهم ولذلك .. احنا معانا الفكرة النهاردة اللي خبراء صناع الحياة في لجنة الصحة قالوا أن هي ديه الحل للصحة في العالم العربي

الفكرة هي عمل منتديات صحية لمعالجة الأمراض غير المعدية ، معانا الفكرة ومعانا الشباب اللي ينفذوها ..لكن ماعندناش حاجة مهمة أوي الجهات الدولية المتخصصة ...لأن جوه مشروع الصحة الموضوع عامل زي تركيب 3 قطع في بعض (فكرة قوية وشباب ينفذه وجهة دولية متخصصة ترعاها ) فاحنا معانا اثنين ومعناش واحدة زي زراعة أسطح المنازل ودخلت كلية زراعة عين شمس زي حماة المستقبل لما دخلت معانا الأمم المتحدة ..لكننا سنتوكل على الله ونتصل بالجهات الدولية زي منظمة الصحة العالمية ونتصل بوازرات الصحة في العالم العربي ونحط ايدينا في ايدهم علشان ينجح المشروع وده اللي أنا هأعمله من لحظة تصوير الحلقة لغاية ما نقابلكم إن شاء الله المرة الجاية ...


تعالوا نشوف مع بعض النهاردة ازاي الإسلام ركز على حفظ الصحة علشان تبقى حلقة النهاردة هي الركيزة اللي هنبني عليها مشروعنا ، المنتديات الصحية للتوعية لحفظ الصحة وبالتالي للحماية من الأمراض غير المعدية وبقاء المعأفاة لعمل النهضة ..

الصحة نعمة من أعظم نعم الله عز وجل بل هي أعظم نعمة بعد الإيمان وهي –مع الأمنوالحد الأدنى من الاحتياجات الأساسية – ضمان الحياة الطيبة
• قال صلى الله عليه وسلم " نعمتان مغبون فيهما كثيرا من الناس : الصحة والفراغ"
• قال صلى الله عليه وسلم " ما أوتي أحد بعد اليقين خيرا من معافاة"

والمحافظة على نعمة الصحة والاستزادة منها تكون بشكرها وذلك بالعمل على حفظها وتعزيزها وبعدم انتهاج سلوك أو الإقدام على تصرف يؤدي إلي التفريط بها أو تبديلها وتغييرها
قال تعالى ((لئن شكرتم لأزيدنكم))
قال تعالى ((ذلك بأن الله لم يك مغيرا نعمة أنعمها على قوم حتى يغيروا ما بانفسهم)) ...لذلك دور المنتديات الصحية تذكير النايس بهذه النعمة ..

وفي مقابل ذلك كانت الصحة مسؤولية كبرى أما الله عز وجل فالنبي صلى الله عليه وسلم يقول في الحديث الذي رواه الترمذي: أن أول ما يحاسب به العبد يوم القيامة ..أن يقال له "ألم أصح لك جسمك "
وقال حديث صحيح "لا تزول قدم عبد يوم القيامة حتى يسال عن اربع عن عمره فيما افناه ، وعن علمه فيما فعل به وعن ماله من اين اكتسبه وفيما انفقه وعن جسمه فيما ابلاه"

شوفوا معاي بقه ... ازاي الإسلام اهتم بجانب جانب من جوانب الحفاظ على الصحة وعمل النبي توعية زي التوعية اللي اهنا عايزين نعملها ونقلده في المنتدى الصحي ...تعالوا نمسك حاجة حاجة ...

النظافة الشخصية
فمن ذلك النظافة الشخصية عامة كانت أم جزئية أم في عضو عضو ومن النصوص الواردة فيها
• ((إذا قمتم إلي الصلاة فاغسلوا وجوهكم وأيديكم إلي المرافق وامسحوا برؤوسكم وأرجلكم إلي الكعبين))
ويجعل النظافة المتمثلة في الوضوء شرط للصلاة لا تقبل إلا بها ، بل يعطي الثواب الكبير عليها
• اسمع لهذا الحديث (إذا توضأ العبد فغسل يديه ..تتساقط عنه الخطايا حتى تخرج من تحت أظفار يديه)
• واسمع كمان الحديث ده إلا أدلكم على ما يرفع الله به الدرجات ويحط به الخطايا .إسباغ الوضوء على المكاره .... (تعليق عليه يا جماعة إسباغ الوضوء كنت بفكر طول عمري وأنا صغير إيه علاقة رفع الدرجات بأن أنا أتوضا كويس وأغسل إعضائي كويس ما كنتش فاهم ... وأنا بحضر المحاضرة ديه فهمت بس أن إسباغ الوضوء ..فكرة صحية ربطت بالعبادة )
• قال صلى الله عليه وسلم "الوضوء شطر الإيمان" وفي حديث آخر الطهور شطر الإيمان ..إذن النظافة ركن من أركان الصحة يجعلها الإسلام دينا وإيمانا ...
• قال صلى الله عليه وسلم "لا يحافظ على الوضوء إلا مؤمن" إنها استمرار نظافة المؤمن 24 ساعة 365 يوم.. عمره كله ...
ده الوضوء ..طب والغسل ... لمزيد من النظافة والحفاظ على الصحة ...

• قال صلى الله عليه وسلم "غسل يوم الجمعة واجب على كل محتلم –أي بالغ – ويمس من الطيب ما قدر عليه ..
• قال صلى الله عليه وسلم " حق الله على كل مسلم أن يغتسل في كل سبعة أيام : يغسل رأسه وجسده"
• شوفوا قول الله تعالى . على الإغتسال من الجنابة والمعاشرة الزوجية ..نوع آخر من الغسل ما يعرفوش غير المسلمين في العالم كله ... ((وإن كنتم جنبا فاستخروجوا))
((ولا جنبا إلا عابري سبيل حتى تغتسلوا )) ...قصة لطيفة لشاب عربي كان متزوج بفتاة سويدية طبيبة .. أسلمت لهذه الآية ..

ثم انتقل من النظافة العامة إلي نظافة عضو عضو
1. نظافة اليدين : كان رسول الله صلى الله عليه وسلم إذا أراد أن يأكل غسل يده وقال من بات وفي يده دسم فأصابه شيء فلا يلومنا إلا نفسه وأمر بتقليم الأظافر وجعلها سنة من سنن الفطرة وجعل سنة الوضوء تخليل الأصابع
2. نظام الإذنين : طريقة غسل الإذن ..سن نبوية
3. نظافة العينين : كان رسول الله إذا اسيتقظ يغسل زواية العين (كان يقول أن لعينيك عليك حق) ..مين قال كده قبل النبي ؟!! ومين قال كده بعد النبي ؟؟ وجعل حق للعينين ..
4. نظافة الفم :
• قال صلى الله عليه وسلم نظفوا لثاتكم من الطعام ..
• قال صلى الله عليه وسلم السواك مطهرة للفم مرضاة للرب و كان إذا استيقظ تسوك ..السواك هو أول اختراع في العالم لنظافة الأسنان قبل الفرشاة

7- نظافة الأعضاء التناسلية :
حديث "أنهما يعذبان أما أهدهما فكان لا يستنزه من البول ..." (سنة الإستناج)
وعلم زوجاته كيف يعلمن النساء التطهر من الحيض

8- نظافة الملابس :
• وثيابك فطهر ..
• أما كان لا يجد ماء يغسل به ثوبة
• كان لرسول الله حلة خاصة جديدة نظيفة يلبسها كل يوم جمعة

9- نظافة المسكن
• نظفوا افنيتكم .

10- نظافة الشوارع ..
• الإيمان بضع وستون شعبة إدنها إماطة الأذى عن الطريق
• إماطة الأذي عن الطريق صدقة : شوفوا ازاي ربط تاني نظافة الشوارع بالإيمان والصدقة ..
لاحظ كل مبادى النظافة .. والمحافظة على الصحة ..قالها النبي وجعلها دين وإيمان وثواب ...


قارنوا كل هذه التوعية النبوية بواقع المسلمين اليوم شوف شوارع بلادنا وشوارع بلاد الغرب مالهاش دعوة ديه يا جماعة بالغنى والفقر والتقدم والتأخر .. لها دعوة بالحاضرة وبمفهوم النظافة والصحة عند كل واحد ..

حتى في المساجد ..تسجد تشم رائحة لا تتطاق .. تدخل حمامات المسلمين في المساجد وغيرها ..كلها جراثيم ورائحة قذرة ..تدخل بيوت كثيرة من بيوتنا ..تشم روائح سيئة ..تصدقوا أن أيام محاكم التفتيش في أسبانيا لما كانوا بيموتوا المسلمين عارفين كانوا بيعرفوهم ازاي ؟؟
بيدخلوا بيوتهم ..لو لاقوا حمام نظيف يعرفوا أن ده بيت مسلمين …

وكل التوعية اللي فاتت ديه اللي قالها النبي راحت من المسلمين الآن وده من دور المنتديات الصحية
طب تعالوا نشوف حاجة تانية ..إجتناب التعرض للعدوى ..ده برضه جزء من حفظ الصحة

ثانيا : الحفاظ على صحة الجسم
• "المؤمن القوي خير وأحب إلي الله من المؤمن الضعيف"
• "أن لبدنك عليك حق"

ويأمر بالتوزان الغذائي للحفاظ على الجسم من أمراض السمنة..شوفوا كلمة التوزان الغذائي سبق فيها الإسلام الفكر الحديث للمحافظة على الصحة بألف سنة ..
• كلوا واشربوا ولا تسرفو ا
• كلوا من طيبات ما رزقناكم ولا تطغوا فيه
• ما ملأ ابن آدم وعاء شر من بطنه
• بحسب ابن ادم ....


نحن قوم لا نأكل حتى نجوع ... انا ليا واحد صاحبي ما شاء الله سمين قوي كان يقول اذا اكلنما لاااااااااااا نشبع وصل لكن هو النبي مابيقلش كده واذا اكلنا مانوصلش للشبع اقف قبل الشبع تخيلوا اهو ده يا جماعه والله اعرف دكاترة تغذية بيقولوا يا عم انسى نظام التغذيه اللي احنا بنقوله ده هو دكتور تغذية شغلته اللي بياكل منها عيش انسى الكلام اللي انا بقوله اسمع الحديثين دول ونفذهم هيرجع وزنك زي الفل لا نأكل حتى نجوع واذا اكلنا لا نشبع اعملوا خلاص هترجع هو ده نظام الرجيم بتاعك يا رسول الله نظافه دخلنا محافظه على الصحة توازن غذائي دخلنا لأ ده مش كده وبس ويأمر بالرياضه يعلمك رياضه الرمي يقول ارموا بني اسماعيل فان اباكم كان راميا اعملوا الرياضه دي ويعمل سبأ بين الصحابه علشان يشجع الرياضه علشان الدورة الدمويه تجري ويعمل سبق بين الصحابه ومش كده وبس ومش يعمل سبأ وبس ويخلي الستات تجري وكان ياخد السيده عائشة ويخرج بيها للصحراء اجري ياعائشة مش بيهزر معاها وبس ويلعب معاها رياضه لأ ويشجع على الرياضه حتى جوه المسجد ويجيب الأحباش تلعب لعبة التحطيب اللي هي زي بالسيوف او زي عندنا في الصعيد يعدوا يعملوا التحطيب ده ويخلوها يعملوها في المسجد علشان يشجع الرياضه ويخليها كبيره حتى جوه المسجد ومش كده وبس هو نفسه يمارس الرياضه ويجيله المصارع الأول في الجزيرة العربية روكانا فيقولوه انا مش حسلم لحد ماتوريني انت..... أنا بتاع رياضه انا مافهمش غير في الرياضه تقولي دين ماتقولش دين وريني الرياضه فيدخل معاه النبي يقوم النبي واخده وجايبه ارض يقوم قالبه فالراجل يقول انت خدتني بسرعه نلعب تاني يقوم النبي ......

ده المصارع الأول في الجزيره يقوم جايبه تاني يقوم الراجل طالع تاني يقوم جايبه تالت ايه ده ويطلع عمر ابن الخطاب بعده يقول علموا أبنائكم السباحه والرمايه وركوب الخيل لأ ده مش كده وبس ويحرم عيك الاسلام أي غذاء يضر صحتك الجنك فود الرد عليه الآية كام مره جت الآية دي في القرآن:

( يَا أَيُّهَا الَّذِينَ آمَنُواْ كُلُواْ مِن طَيِّبَاتِ مَا رَزَقْنَاكُمْ وَاشْكُرُواْ لِلّهِ إِن كُنتُمْ إِيَّاهُ تَعْبُدُونَ )


ومش كده وبس ويتملي القرآن بانواع الأغذيه المفيده يكلمك عن العسل. يكلمك عن السمك. يكلمك عن التين والزيتون. ويكلمك عن العنب لدرجة طبيب أغذيه يقولي انا اخدت كل الأغذية اللي القرآن ذاكرها بعدد مراتها عمل دراسه بعدد مراتها واكتشف ان التوازن الغذائي عجيب اشمعنى الأغذيه دي هي اللي ربنا ذكرها في القرآن بالعدد ده والنسب دي دراسه طويله مش ده وقتها لكن انظروا شوفوا الآية


(يُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَآئِث ) أي حاجه تضر صحتك حرام الخمره حرام ليه علشان ايه علشان نفس المعنى ده وتبص تلاقي في الآية

(يَا أَيُّهَا الَّذِينَ آمَنُواْ إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ)

كل مسكر حرام كل مخدر حرام ماكثيره مسكر قليله حرام ماتقولش ده بؤ صغير اللي كتيره حرام يبقى ....... أي خبيث مايدخلش بقك علشان صحتك نظام عجيب دين يحرم حجات علشان خاطر حضرتك وصحتك ومش كده وبس يجي يحرم لأ ومش الأكل وبس يحرم الزنا والشذوذ الجنسي ليه لأنها نفس الحكايه علشان صحتك شوفوا الآية


(وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً )

انت اول واحد حتضر مش اجتماعيا وبس وصحيا كمان طب ازاي صحيا يقوم النبي يقولك حديث تاني واخدين بالكم كمية الحجات اللي الني قالها في موضوع الصحة شوفوا الحديث دوّن خطير جحدا ( لم تظهر الفاحشة في قوم قط حتى يعلنوا بها إلا مشى فيهم الطاعون والوجاع التي لم تكن مضت في اسلافهم ) .. الإنس .. شوفوا الكلام الواضح اللي قاله النبي من 1400 سنة خلي بالك احفظ صحتك ومش كده وبس الدخان الشيشه يحطلك النبي قاعده جامعة شاملة


( لا ضرر ولا ضرار )

اوعى تضر نفسك او تضر الآخرين أي حاجه تضرك او تضر الناس زي التدخين والشيشة فهي داخله في الحديث ده ايه يعني لا ضرر ولا ضرار حرام تضر نفسك وتضر الآخرين لأ مش كده وبس يا جماعه ده أكتر دين اتكلم عن خطورة تلوث البيئة الاسلام شوفوا يا جماعة الإسلام اتعامل مع قضية تلوث البيئة ازاي حاجه والله عجيبة ياخوانا اتعامل معاها على ثلاث مراحل اول حاجه ماتلوث البيئة الموجودة تاني حاجه ماتسيئش استغلال البيئة فاتخلصها بسرعه ثالث حاجه نمي البيئة والثلاثة في الاسلام اول حاجه ماتلوث البيئة من اول دددخان السجاير لدخان المصانع للنفايات النووية اللي بيرميها الغرب في بلادنا كل دوّن داخل في ماتلوث البيئة الناس اللي مابتصلحش الحنفيات بتاعتها واللي مش عارف ايه تقوم نازله الميه على جرانها ويقولك مش مهم كل دوّن داخل يقولك النمبي صلى الله عليه وسلم ( من آذى المسلمين في طرقهم وجبت عليهم لعنتهم )

وجبت عليهم لعنتهم اللي يؤذي السلمين في البيئة بتاعتهم حط بقى الحديث ده (وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا)

خلي بالك اوعى تؤذي المؤمنين في طرقهم العنوان بتاع الحديث ده هو ده اللي حنشتغل عليه في البيئة

سادسا...والصحة النفسية سبق لها الإسلام
أن الأمراض النفسية التي انتشرت في العالم وخاصة العالم الغربي ..أصبحت تشكل هاجس كبير جدا ..وطبقا للتقرير الأخير الذي صدر عن الصحة النفسية سنة 2003 أن 1 من 4 يعانون من الأمراض النفسية بحلول عام 2020 ..بما يقدر ب 400 مليون شخص في العالم ..يعانون من المشاكل النفسية

يا جماعة مرض الإكتئاب الآن بقى بيصيب الشباب الصغير حتى البنات في ثانوي في بلادنا

شوفوا المبادي العديدة اللي وضعها الإسلام للصحة النفسية
 زي الرضا عن الله
• (قال صلى الله عليه وسلم "من أصبح منكم آمن في سره ، معافي في جسده ، عنده قوت يومه، فكأنما حيزت له الدنيا بحذافيرها ")
 ومنها التوكل على الله وأثره على قوة النفس وإطمائنها ..و
 يربط الصحة النفسية بالبدنية ربط نادر فيقول لم يوتئ حد بعد اليقين خير من المعأفاة ...
 ومنها العبادة وأثرها على استقرار النفس زي الصلاة ..أرحنا بيها يا بلال وزي الذكر ..
• إلا بذكر الله تطئن القلوب
• فأذكروني أذكركم ,,
• وزي أذكار الهم والكرب ...ولذلك كثير من الأحاديث والآيات القرآنية أتت لإراحة النفس المسلمة وطمأنتها
"من أصابه الهم والكرب من قال لا اله إلا الله العظيم الحليم ..لا اله إلا الله رب العرش العظيم ،لا اله إلا الله رب السماوات ورب الأرض ورب العرش الكريم "... ذهب عنه الحزن والغم والفر ونحن نطالب كل طبيب وكل مقدم للخدمة الصحية أن يرفق بمرضاه ..
مريض القلب مثلا عنده مشاكل نفسية ..فالدراسات تؤكد أن معظم مرضى القلب يعانون من مرض الاكتئاب .. إذن لابد أن يعالج الإنسان كوحدة كاملة متكاملة ..ولا يجزأ ..

كل ده داخل في عمل المنتديات اللي هنشأها ..هنساعد الناس بالإسلام على تحسين صحتهم النفسية
 التشجيع على الزواج
• (ومن آياته أن جعل لكم من أنفسكم أزواجا لتسكنوا إليها )
• ويضع مواصفات للزواج النجاح لضمان الصحة النفسية
أ‌- فرق السن (خطب أبو بكر وعمر فاطمة فقال النبي أنها صغيرة فخطبها علي فزوجها له)
ب‌- وزي انظر إليه فأنه أحرى أن يدجون بينتكم
ت‌- وزي تزوجوا الودود الولود ...
ث‌- فأظفر بذات الدين ... ويقول وعاشروهن بالمعروف وخيركم خيركم لأهله
ج‌- وزي تخيروا لنظفكم ..بمعنى اسال عن عائلتها أنها مناسبة ويدخل فيها كمان أطمئن على صحتها واطمني على صحته لضمان صحة أولادكم ..يعني فكرة الإطمئنان الطبي على صحة العروسين سبق ليها الإسلام بألف سنة ويلحق بكده ..اهتمام الإسلام بالصحة الجنسية ...فيشجع على علاقة الزوج بزوجته .. (وفي بضع أحدكم صدقة ويأمر بمراعاة الناحية النفسية للزوجة في لقائها مع الزوج "وقدموا لأنفسكم "
• ويأمر بتعحيل الزواج للشباب لنفس السبب "إذا جاءكم من ترضون دينه وخلقه فزوجه"
• ويشجع على الإنجاب والذرية لمزيد من الاستقرار النفسي

تخليوا هذا الدين العظيم ماسباش حاجة في صحة الأنسان البدنية والنفسية ازاي احنا ضايعين كده مين يطلع الكنز ده وينقله للناس...
شفت مشروع المنتديات الصحية لو نفذنتاه هيتطلع عظيم قد ايه ..اللي هيوعوا الناس بأهمية كل اللي فات ده وينفذه ويحولوا كلام النبي اللي في كتب الحديث لواقع مطبق في حياتنا يخدوا بيه ثواب وينبهر به العالم أن ده ديبنا

 لا وحاجة كمان جميلة في الصحة النفسية ..دين يأمر الناس بالترويح عن القلوب بالفسحة .. (روحوا عن القلوب ساعة بعد ساعة) – يا حنظلة ساعة بعد ساعة

 ويعمل حاجة في الصحة النفسية رائعة ... يفتح باب الأمل على مصرعيه أمام المرضى (ما أنزل الله داء إلا وجعل له دواء) ليبقى الأمل في البحث العلمي ...اكتشاف الدواء
 ويشجع على النوم بالليل ... لأثره على الجهاد العصبي ..جعل لكم الليل لتسكنوا فيه والنهار مبصرا ...

لكن أعظم حاجة عملها في الصحة النفسية للبشر كلهم ..من غيرها مفيش صحة نفسية ..يؤمر بالحرية اللي هي اساس الحياة ...والفتنة أشد من القتل يعني الفنتة اللي هي سلب الحرية أشدة من القتل اللي هو سلب الحياة ..يعني الحرية في الإسلام أهم من الحياة نفسها ...
ويرفض اللي اتخلوا عن حريتهم طوعا ,وكرها "إن الذين توفاهم الملائكة ظالمي أنفسهم "

سابعا : وفي حاجة تانية عجيبة أوي يا جماعة ..يركز بشدة على صحة المرأة لأنها أكثر عرضة للمرض خاصة فترة الحمل ((حملته أمه وهن على وهن ))
فيوصي الرجالة ... ويقول استوصوا بالنساء خيرا .. أحيانا الستات بعد الحمل وزنها بيزيد فتفاجئ بتغير معاملة الزوج ليها .. .

ثامنا : ويركز على صحة الطفل ويوصى الناس بالطفولة ..ليس منا من لم يرحم صغيرنا .. ويقسم بمرحلة الطفولة فيقول ..((لا أقسم بهذا البلد ..ووالد وما ولد ..))
ويشجع الستات على الرضاعة الطبيعية في آية كبيرة في صورة البقرة علشان العلم الحديث يثبت أهميتها للطفل "والولدات يرضعن أولادهن حولين كاملين"

شفت كل اللي أنا حكيته النهاردة .... ده إسلامنا ورؤيته للصحة ..شفتوا ازاي مفيش نهضة من غير صحة .. شفتوا ازاي النبي وهو بيعلم الناس العقيدة والجهاد ..علمهم الصحة في نفس الوقت وشبك كل في بعضه ..زي الpuzzle فطلعت صورة النهضة الجميلة ..

كل ده اللي أنا قولته النهاردة ..هتحولوا المنتديات الصحية لواقع عملي ..هيكلموا الناس في النظافة في الإسلام وأثرها على الصحة ، هيكلموا الناس في خطورة العادات الغذائية الضارة وال junk food هيكلموا الناس في خطورة السمنة..هيكلموا الناس فس أهمية الرياضة .. هيكلموا الناس في دوام الكسف الدوري على ولادهم وعمل ملف صحي ليهم ولاودهم ..هيفكروا الناسس أن الصحة نعمة ..

هدف المنتديات ..زيادة الرصيد الصحي للأمة ..احنا اتعودنا على كلمة الرصيد المالي لكن الرصيد الصحي .أهم من الرصيد المالي والكلمة ديه مش من اختراعي ده قالها النبي اغتنم خمسا قبل خمس وقال ..خذ من صحتك لمرضك ..
المنتديات هي حمل الأمانة عن النبي المنتديات هي ترجمة الرصيد النبوي الضخم الهائل الرائع إ‘لي واقع عملي ,,

وأريد أن أختم بمثال بسيط
منظمة الصحة العالمية ماذا تقول ..
يقول الدكتور هيثم الخياط المدير الإقليمي لمكتب الصحة العالمية ...
أن اللغة التي يفهمها أبناء هذا الإقليم –حين أتحدث عن أقليم شرق المتوسط فأنا أتحدث عن إقليم يمتد من المحيط الأطلسي إلي الهمالايا ، من المغرب العربي غربا إلي أفغانستان شرقا- شعوب هذا الإقليم تفهم أكثر ما تفهم بلغة واحدة هي لغة الدين




لمشاهدة وتحميل الحلقة اضغط هنا

مجموعة كتب الهدي الصحي

المنتديات الصحية : شارك الآن

شارك باستقصاء صناع الحياة الأسبوعي

جزاك الله الف خير فعلا حلقة الصحه رائعه جدا ...
جزا الله جميعا خير الجزاء واثيبهم واجعلهم ممن تنهض الامة على ايديهم ..

شاااااام نفتقدك كثيرا اين انت غاليتي؟؟ !!