حبيبتي الغلط الي تسويه في نفسك انك تتأثري نفسيآ من تصرفاتها وهالشي حرام لان لنفسك عليك حق ... انا كنت مثلك اتأثر اذا زرتها من تصرفاتها وشكاواها وحتى الي اجيبه مايعجبها تتعمد ترميه على الشغاله وتشوفني وتبتسم تشوف ردة فعلي ترتاح اذا حزنت وتأثرت ... وهالتعامل متكرر دوم الى ان وصلتني لحاله نفسيه كل مازورها ابغاها ترضى بشتى الوسائل وماترضى ... لين عودت نفسي اني ماتأثر واعود نفسي انها هذي طريقتها ولازم استحمل ... مهما غضبت وتضايقت انا اكون هاديه مالي ردة فعل وهالشي ساعدني شوي
امس والله كنت عند دكتوره انجليزيه لان شعري كثير يتساقط عاد وسط الكلام تقولي الضيق والقلق من مسببات التساقط قلت لها انا اعالج نفسي لجل عيالي وامي حتى اساعدهم قالت لي غلط لان الام خاصه اذا كبرت في العمر ماتقدرين عليها وحنا كبشر مو كلنا طاقتنا للتحمل وحده... تقول امها قبل لا تتوفى بسنين دوم تبكي وماتبي حتى تستحم او تتنظف فتقول انا ماعدت اتعب نفسي معاها لانها رافضه وانا هذي حدود طاقتي
ولان ابوي موجود هو يعرف لها وانا جيت هنا اشتغل
تقول انا ماعرف طبيعة دينكم لكن العقل يقول شي ماتقدرين عليه لا تضغطين على نفسك لانك بتمرضينها.
فأنتي ياحبيبتي لا تضغطين على نفسك كذا بتخسرين صحتك واسرتك ان كان عيالك او زوجك
الله خلقنا بطاقه محدده مانقدر نتخطاها
مرني نفسك على التقبل ولا تلومي نفسك ابدآ انتي انظلمتي من صغرك وحاولتي تبري بأمك لما كبرتي وهذي طاقتك
الخطأ من امك مو منك ... انتي عليكي الاحسان لها بالكلام والفعل الي تتحملينه... والله يحنن قلبها ويتقبل عملك
مابين العقوق وراحة البال
متابعة النقاش، صفحة 3