شاركي في النقاش

سجلي الدخول لإضافة تعليق.

التعليقات

181

  1. @ala_slaty_2006

    السلام عليكم

    بصراحه انا ما عندي استفسار

    بس حبيت اشكرك على مجهودك مع البنات ما شاء الله ما لقى شي ما اسالوا عنه
    ودائما الجواب عندك
    والمهم انك ما تمدحين او تذمين شي انتي ما جربتيه بنفسك

    يعطيج العافيه وعساج عالقهوه ان شاء الله

  2. @el_hamba

    حبيبي سمبوسة الكويت
    أنا معاج بالديرة وعمري ما سمعت عن دكتور اسمه عماد حمدي
    يامعودة أنقذيني مع إني ما أجب الرجيم لأن جربت أكثر من مرة وفشلت أنزل 7 كيلوات وبعدين أمل وما أكمل البرنامج
    من 4 شهور سويت رجيم دكتور يوسف الخضر ونزلت 7 كيلوات بشهر ونص وبعدين زهقت والحين رجع وزني مثل أول 107 كيلو وطولي 164 متزوجة لدي بنت وولد وما أفكر أحمل بعد
    والحين صاير فيني إلتهاب بالمفاصل ودي أضعف لأن الألم ذابحني كل عظامي وجسمي يعورني وما أقدر أمشي والعلاج مو نافعني كله مسكنات ما كو حل
    شنو أسوي مليت من صغري وأنا بتمبة :hahaha: :hahaha: آكل أو ما آكل نفس الجسم قطيعة حتى الملابس ما نقدر نشتري
    دكتورالجراحة بمستشفى السلام نصحني بحلقة للمعدة بعد ما جربت الرجيم وفشلت وأخذت بأستشارة منه حبوب الزينيكال وما أستفدت شي فقال أحسن حل تحزيم المعدة
    المشكلة إن زوجي:arb: رافض العملية تـــــــــــمـــــــــــــــــامــــــــــــــــــا ويقول سوي رجيم :10_8_11: :10_8_11: :7_5_131: :7_5_131: حسباله الرجيم سهل يزهق ويقطع القلب


    وللعلم عندي جهاز المشي بالبيت بس أمل منه نص ساعة ماقدر اكملها وعندي بعض جهاز البطن بس كأنهم زينة بالبيت

    ساعدوني أنقذوني

  3. @ahl_dloaa_4

    السلام عليكم

    شحالك بناااااات

    لو سمحتوووووووووووووو انا ابي اسوي رجيم مليت من شكلي


    ابي احد يشجعني


    ردوووووووووو علي

    مع السلامة

  4. @smbos_alkoyt

    صاحبة الموضوع
    الا صلاتي-2006
    السلام عليكم بصراحه انا ما عندي استفسار بس حبيت اشكرك على مجهودك مع البنات ما شاء الله ما لقى شي ما اسالوا عنه ودائما الجواب عندك والمهم انك ما تمدحين او تذمين شي انتي ما جربتيه بنفسك يعطيج العافيه وعساج عالقهوه ان شاء الله
    وعليكم السلام ورحمة الله وبركاته

    عفوا يا حبيبتي والله يقدرني وارضي الجميع
    وأنا بالنسبة لي المصداقية شي مهم جدا عندي عشان لا أظلم أحد
    والله يعافيك ويخليك

  5. @smbos_alkoyt

    صاحبة الموضوع
    El Hamba
    حبيبي سمبوسة الكويت أنا معاج بالديرة وعمري ما سمعت عن دكتور اسمه عماد حمدي يامعودة أنقذيني مع إني ما أجب الرجيم لأن جربت أكثر من مرة وفشلت أنزل 7 كيلوات وبعدين أمل وما أكمل البرنامج من 4 شهور سويت رجيم دكتور يوسف الخضر ونزلت 7 كيلوات بش…
    عزيزتي الدكتور عماد حمدي مو موجود بالكويت هو دكتور مصري وريجيمه معروف في جميع الدول العربية ولدية كتاب خاص بهذا الريجيم هوه قاسي صح ولكنه فعلا فعال

    الارادة آخ منها لو تصير عندك راح تسوين بنفسك العجايب انا مره التزمت بالريجيم ونزلت 17 كيلو بثلاثة اسابيع وصرت قمر والحين رجعتلي الارادة لاني انا بعد قمت اعاني من المفاصل وقالولي لازم اضعف انا ادري ان العمليات تجذب لانها تنحفك بس همن راح تنحرمين لان تحزيم المعدة يقلل من الكمية اللي تاكلين منها ويغير نوعية الأكل اللي تقدرين تاكلينها يعني همن حرمان وكل اللي اعرفهم نزلوا بس 25 الى 30 كيلو بس وما نزلوا اكثر من شذي غير التعب والألم والمراجعات لو تشوفين ويهها شلون يخرع بعد العملية زوجك يا عزيزتي خايف عليك من العملية وما ينلام هذا تخدير كامل يعني شي مو هين لو صار شي اسم الله عليك عيالك شنوا بيكون مصيرهم
    حبيبتي ما كو احسن من الريجيم الطبيعي عشان انتي تتعودين على اسلوب حياة صحي ومريح وانتي راح تصيرين خفيفة وحلوة باذن الله
    وانا عن نفسي ما انزل الا كيلو واحد بالاسبوع اذا قطعت نفسي اثنين وهمن راضية
    والله يوفقك ويوفق الجميع

تابعي تجارب أخرى من هذا القسم.