كيف تقبلك لموضوع انك متأخره بالحمل ؟؟؟ 😪😪نفضفض لبعض

الله يجبر قلبك جبر هو وليّه سبحانه ونحن كذلك ..

بنات انتم كم سنة لكم؟
انا زي صاحبة الموضوع سنتين واربع اشهر
والموضوع عند اهلي والحمولة وكل الناس طبيعي مررره مره
يجي عمي يرسل علي اصمم له بشارة ولده ولا يقول هذي متأخره حرام اجرحها
تجي خالتي تبشرني بحمل بنتها وتقول نبيها سكاتي الحين بي لاني قريبه منها تعلمني وعادي كنت انقهر اقول المفروض انا يندس علي
يسولفون قدامي بسوالف اللي يوه الحمله هذي ماكان ودنا فيها بس الله كتبها ولأ كأن فيه وحدة قاعده تراكض تبي حمل وعاجزه
وام زوجي زي ماقلت ماتسال ابد انا ملقوفه اباها تهرج عشان أرتاح لا تسألني ولا تسال ولدها ابد ومره بس اللي قلت لها من نفسي حللنا ومافينا شيء قامت هي غيرت المووضوع
ويوم سلفتي حملت مادريت عشان مع كورونا بس جيناها وقدها بتولد قالت فلانه منومه بتلد وعادي يعني زي اي وحدة
ماعمري تحسست ويوم أقرا بالنت معاناة البنات استنكررررررر
واهلي ما اعلمهم وش سويت لانهم مايبوني اسوي ولا شيء يقولون مافيكم شيء ارتاحي بس الله ما اراد صرت ما اقولهم وش تعالجت فيه عشان لا يقولون مو زين وانتبهي ووو
خلاص مرتاحة الحين محد يعرف ولا احد مهتم بموضوع تأخر حملي غير انا وزوجي
اما الدعاء يدعون لي قدامي دايم اهلي
لكن صديقاتي وحمولتي لااا ابدا محترمين مشاعري
وشكرًا لله حطني بين مجتمع صراحة اعتبره راقي
او ان السنين لسه باولها الله يعلم 😂
الله لايطولها يارررررب ويرزقنا جميعا باسرع مايمكن على اهون سبب وبصحة وعافيه يارب

بالنسبه الي كنت متقبله الموضوع وراضيه فكل شي وعندي امل انو بيوم الله راح يرزقني وهذا اللي كان مصبرني املي بالله بس بعد سنتين ابدأت الاسئله والاحراجات والناس اللي ما بترحم وانا بطبعي اخجل وكثير حساسه بكل شي واحترم الكبير وما اعرف ارد
ف قررت ابتعد عن الناس يعني كل شخص كان يسالني او ينصح كنت اقطع علاقتي معه واللي ساعدني بهل شي انو انا بعيده عايشه فغير بلد الحمدلله
المشكله الناس يعتقدون انو هم الوحيدين اللي يسألوا ما يفكرو انو في الف واحد غيرهم يسال
كانت مواقفي كثيره مع الناس
مثلا زوجة عمي كانت كل شهر تتصل وتسالني ما صار شي ؟ انا اعرف انها من حبها لي تسالني بس كنت اتضايق لحد ما صارت مشاحنات بيني وبينها وبطلت تسال وقللت اتصالاتي معها وصرت ما ارد كثير ع مكالماتها واتحجج بالشغل
الموقف الثاني ام زوجي هيه مرأه متدينه كثير تصوم وتصلي وكثير مؤمنه انصدمت لما جت زياره ف اول يوم الها بعد ما زوجي راح الشغل بدت تسالني وش مشكلتكم راجعتي دكتور؟ وانا اقولها اي وقالو انو مافينا شي مع انو كان السبب من زوجي بس انا ما حبيت ابين لها وقلت لها كل شي ربنا كاتبه يصير وكل تاخير فيه خير النا اكيد. كان جوابها ونعم بالله ولكن اكيد في سبب لا بد تكيس او مشاكل فالرحم كانت تضن مني السبب
ومرا بنت عمتي قالت لي علمي زوجك كيف يسوي اطفال يمكن ما يعرف ☹️ طبعا هيه كمان تاخرت بالحمل وكانت ما تتكلم بالموضوع ابد وانا ما اسالها رغم علاقتي القويه فيها بس لما ربنا رزقها بطفله والحمدلله بدت تسال وتتدخل كثير كمان
والموقف الاخير ناس اصدقاء النا حكت لي قصه عن ما يصير عندها اطفال ف كانت تاخذ حبوب وهرمونات كثير لحد ما صار الها كانسر وماتت.. يعني تخيلو انكم تسمعون هيك قصه وش يصير فيكم؟ وانا كنت في مرحلة الابر وحبوب الهرمونات ف كثير خفت
وبعد وبعد كثير مواقف بس هذول الاكثر اللي تأثرت فيهم وقررت ابعد عن الناس حتى ام زوجي صرت ما اتصل فيها كثير رغم انو زوجي كان واقف معي وقال لهم لو في عندكم سؤال اسالوني الي ولا تسالو زوجتي اتركوها في حالها هيه ما مأذيتكم الى ان بطلوو طبعا كانت امه واخته نفس الشي
فعلا قلل ناسك يرتاح بالك وهذا اللي سويته وصار عندي صاحبات ثنين كثير نفهم بعض وما نسال ابدا اي سؤال شخصي اسفه طولت بالكلام

يارب. الله يجزيك خير
انا لي ٧ سنوات بداية زواجي اول سنتين مابيتكلمو الى حد السنه الرابعه
واتمنى انه اهل زوجك مو مثل الا عندي يضايقوني ويضايقو حتى ولدهم
الحمدلله حمدا كثيرا ربي يكتب لنا الحمل القريب عاجلا غير اجل يارب ياكريم

صدقيني طول ما انتي حاسه بالنقص بتحسين ان الناس كلهم يجرحونك وبتكوني حساسه من اي شي حتى لو سؤال عابر
قوي نفسك من جوا اول شي بقوة يقينك بالله بانه رح يرزقك حتى لو تأخرتي بيجي يوم وتشوفين هالشي صار بإذن الله
الشي الثاني لازم تخلي موضوع العلاج والسعي شي خاص فيك وفي زوجك ولايطلع لاي احد كان لو قريب لانه ببساطه اذا الناس حتى لو المقربين منك جدا يدرون وش تسوين وايش تأخذين بيزيد توترك وتنضغطين زياده لانه طبيعي يسألون حتى لو من باب الاطمئنان
ثالثا ابتعدي عن الجمعات الي تضايقك وتكدرك وتعلمي فن الرد
مثلا لو احد سأل
قولي مافينا شي بس الله ماقد اراد وان شاء الله لاحقين مع ابتسامه 😊
ولاتروحين جمعه وانتي متضايقه او حزينه طبيعي الحساسيه بتزيد
فضفضي على سجادتك جربي والله ان تشوفين العجب في القوه الداخليه
والاهم انك تحبين حياتك و واقعك زي ماهو
ركزي في ايجابيات حياتك واستانسي والحياه ماكملت لاحد