الريجيم وهبوط الضغط

وعليكم السلام
ضروري تراجعي طبيب بخصوص الخفقان وإنخفاض الضغط والدكتور المختص اكيد بيشوف لك الخطة المناسبه عشان تنحفي ويعالج مشكلة الهبوط والخفقان

وعليكم السلام 
ممكن توضحين نوع الرجيم اللي تسوينه ؟ 
لان الدوخه والخفقان في الرجيم دون الايام الاخرى دلالة انك تتبعين نظام غذائي خطأ 
على سبيل المثال ما تاكلين بروتين وورقيات خضراء وخضار يعني طعام صحي يحسسك بالشبع ويعطي جسمك الوقود اللي يحتاجه عشان يعمل بشكل سليم مثل المغنيسيوم والبوتاسيوم والحديد وغيرها .
او انك تقطعين الملح من اكلك وهذي اكبر غلطه يسونها الناس يظنون ان الملح له علاقه بزيادة الوزن او حبس السوائل وبالعكس الجسم يحتاج الملح خاصة البحري الخشن او الهملايا فيها املاح ومعادن تفيد الجسم واغلب حالات الدوخه في الرجيمات سببها حاجة الجسم للاملاح لانه فقدها مع السوائل ومع الرياضه

شكرا على الرد عزيزتي .....الهبوط من دون ريجيم....من عمري ١٥ سنه بلش عندي الهبوط بسبب ضغوط الدراسة لاني طالبة مجتهده وصرت اذا اتاخر بوجبه او اجوع ادوخ وبعمر ١٨ لحد ٢٢ بلشت عندي حالات اغماء .....الى عمر ٢٢ كان جسمي مثالي و وزني ٥٨ كيلو لكن بسبب حالات الاغماء الي دصير بالجامعه كنت اجبر نفسي اكل وخاصه الحلويات حتى ميهبط ضغطي وفعلا تخلصت من الضغط والاغماء وتخرجت من الجامعة و بعمر اكتشفت وزني زاد لل ٧٤ كيلو عمري حاليا ٢٥ سنه تركت الحلويات وبلشت اكل تمر وزني قل لل٧٢ بس اذا اضغط ع نفسي زيادة بالريجيم يرجع يتخربط الضغط ...(ضغطي اذا طبيعي ١٠ واذا اتمرض وادوخ ٨ )

الهبوط من عمر ١٥ سنه لاني كنت طالبه مجتهدة و بشكل مبالغ... راجعت اطباء قالوا لي اكلي ملح! ببلدي و بمحافظتي ما في دكتور تغذيه جيد ...بالنسبه للخفقان عندي انحراف وتنفسي من الانف و ظروفي حالياا متسمح اسوي العملية الا بعد كم شهر ...كنت ادور على ريجيم لان ما اريد ايزيد وزني اكثر من هيج

اول شي تأكدي اذا ما عندك سكري او فقر دم عشان تعرفين سبب الاغماء وتعالجينه 
والافضل انك تنظمين مواعيد وجباتك وتكون ثابته وما تفوتينها 
واهم نقطه ركزي على نوع الاكل اللي تاكلينه يعني اختاري اصناف كربوهيدراتها منخفضه قد ما تقدرين مثل السلطات الخضراء والخضار والبروتين الحيواني وقللي النشويات خاصة البيضاء المطحونه مثل الخبز والمعجنات لانها تنفخ على الفاضي مافيها قيمه غذائيه 
استبدليها بالشوفان الكامل او البر وكميات بسيطه 
واطلبي من الطبيبه تعطيك فيتامينات ومعادن استخدميها شهر الى ثلاثه شهور عشان تعطي جسمك الغذاء اللي يحتاجه وان شاء الله تقدرين تنحفين بخير وسلامه