وزني زاد 17 كيلو شلون اسكر فمي

السلام عليكم حبايبي، بنات مثل ماقريتوا بالعنوان ،، انا مو مشكلتي شلون اضعف ، انا مشكلتي شلون اسكر فمي عن الاكل اوفر فضيعة
المشكلة انه امي تقول ابلعي ولا تتعشين و تقولي امشي بالحوش وتقولي ابلعي بس لاتكثرين الله وكيلكم سويت كل هذا بس مااقدر شهيتي اوفر مفتوحة حتى لو في عزيمة اروح عشان العشاء ادري كلنا كذا بس فيه شي اسمه عيب انطري شوي خوذي شوي من السويت وخلي الفطاير انا اقوم ووقف وابلع حتى بالدوام كرهت البنات فيني مااسولف حتى سالفه امشي وابلع ودايماً بجماعتنا عند خوالي اقعد اخر وحده حتى انه خالتي صايرة تسولف معاي وتلمح لي انه كلنا نحب الاكل بس اهم شي الصحة مو اقعد طول عمري اضيع وقتي بالاكل لازم اسوي شي اطلع اروح اتمشى وكلامها صح يعني انا زين مني اعرف اسمي لانه كل حياتي مع الاكل احس اوفر فضيعه لدرجة قلت لا امي ابي حبوب منع الشهية ارفضت رفض تام قالت مستحيل لانه يضرك ويلعب بجسمك وبشهيتك فقررت اني افتح لكم قلبي والسؤال الاهم ابي خلطه تمنع الشهيه ليمون اي شي رجاءً
ادري بتقولون روحي عند تغذية او شوفي يمكن دود في بطنك لكن امي رافضة وتقول خرابيط مع انه وزني زايد 17 كيلو