كلنا محد سلم من التعاسة او الالم ...الكل يدخل ويكتب لنا بيت شعر تجربتة مع صديق اوعزيز

اي بالله اخطو ،ا والخطا اللي جابهم " عين الصواب "
مبطي وانا اشوف الطمع يكشف رداهم واستره
مايملي عيون الحسود بها الزمن غير التراب
ومن لا يتــــــوب من الخطا تحرم علية المعذرة
اللي من اولها خراب ... اكيد تاليها خرااااب
والبندق اللي ماتثور في هدفـــها........ تذعرة
ودك ليا جاتك الغلطة من الناس القــرب !!!
الصــاحب اللـي ما كسبت محبتة مــا تخـــسرة
مشكلتي اني ما عرفت احسب لصدتم حساب
قلطتهم صدري على ذكـــرى قصيد وحــنـجرة
صوت صول بمنبرة ، وخطاب ما مثله خطاب
والطيبة اللي زعــزت صــوت الخطيب ومنــبره
مافيه دمع صوبوه احبــابي بوجهــي وخــاب
ولا زرق حزني على غالي ، ولا فـتـج انحـــره
كل الزهاب اللي معي .. ذكرى من اصحاب الزهاب
واللي بقى لي من عذاب ...اشرس طريقي واخطره
لا ني نجنيت الغرق ... عديت من فوق السحاب
لا اكثــر اصــحاب ورق ... ماشـــفت للطيب اثــمرة
والله ماحطيت بين الحقد والخوة حجاااااب
حتى غدو ربعـــي يحدوني على الضــــيق اشكــــره
البارحة ثارت علي رقاب وآوتني رقاب
الــبـــــارحة ياثــــقل دم الــبــارح ويــا محــقــــره
أهب اوجه الحسد وشلون جمعهم وغاااب
كـيف السـنين اللي عــطـتـني بعـثـرتـهـم بـعـثـــرة
اثر المصايب ماتجيك الا من الناس القراب
وبـها الـزمـن حتى الخوي اللـي تــثـق فيه احذره
لا بارك الله في رفيق .. تزعله كلمه عتاااب
ولا جـمـع الله الـرجال اللـي تـفـرقهم ( مــــــره )
عودت نفسي كلما شددت في يمة ركاب
ما اصـد وجهي عن الطريق الا لـيـا جـبـت اخبره
الصاحب اللي مايجي من صحبته غير العذاب
نـذر علـي ان مـا هـــجـرني ... ولا أنــا بـهـجـره
من يفتح لفرقاي باب .. افك له عشرين باب
واذا خــويــي مـــا قــدر خـــوتـي مـــا اقـــــدره
إن روحوا فانا بري منهم إلى يوم الحساب
وان جرحوا قولوا لهم ما حركـوا في شــعــره
شفتهم لهم السنة ... ولا خذوا مني جواب
أحــسن دوا للي يحــاول يستفــزك ... تـحـقـره
انا جمعت اوراقهم بكتاب ... واغلقت الكتاب
يــاوقـت لــم اللـي تـلمه وانـثــر اللـي تـنـثـره
ماكنت احاتيهم صغر ... عاد احاتيهم شباااب
إن مــــا ذخـــرتي لليـــوم الاسود مـــا اذخـره
عقب اكتئاب البارحة ماعاد انا حمل اكتئاب
الطيب جرجرني ، وانا ماني بـنـاقص جرجـــرة
اللي يخاف من الظما يترك لنا طرد السراب
واللي ماهو بقد الظلام ووحشته .. لا يســهره
انا .. تجرعت العطش لين احترق وجهي وذاب
انـــا .. كــسرت بخاطري قبل الصاقة تـكسره
انا.. خسرت اللي غيابه غير عن كل الغياب
انـــا .. غفرت لعــالـم .... متستحق المــغفرة
انا .. اكثر انسان تعلم من كثر ما اخطا وصاب
انـــا .. آخـر لســان يتكلم في زمــان الـثـرثرة
انا .. القصيد اللي فزع من دفتره .. مليون ناب
وانــا .. الوحيد اللي جمع مليون ناب بدفتــره
جفني وجرحه السهر حيلي وهدته الصعاب
دمعي هدر.. ضحكي ندر.. عمري وضيعت اكثره
شيبت بعقول العرب .. هيبت روس مل تهاب
جمهرت ناس عمرهم ما يعرفون ( الجمـــهـــرة )
( ماصرت ذيب ) الا لأن اللي حواليني ذياب
ماكنت اغيب " الا لأن العفــو عــنــد المــقــدرة "
ترى حلاتك لا حملت لصاحبك كلمة عتاب
إن مــــانـطـقـت ابـهـا بـوجـهـه .. مــا تذمه بظهره
في ها لزمن مايملي عيون الحسود الا التراب
ولا الحـظـيـظ .. الــطـلـقـة اللـي مـاتـصـيـبه تذعره
ودك لا من جاتك الغلطة من الناس القراب
الــصاحب اللــي مـــا كسبت محبته ... مــــاتــخسره

قصيدة / لشاعر حامد زيد ( الجمهرة )

اتمنى تعجبكم وابي اشوف ردودكم وابيات من القصيد عن تجاربكم مع صديق او اخ :44:

10 تعليق 1,920 مشاهدة

شاركي في النقاش

سجلي الدخول لإضافة تعليق.

التعليقات

9
  1. حلو الموضوع .. تسلميين :26:
    موقفي صار بين وبين صديقتي ..




    وش يفيد العذر من بعد الخطيـه

    بعد ماصدقت بي هـرج النمايـم

    العذر مرفوض .. والغلطه قويـه

    والخطأ ماهو خطأ لاصار دايـم

    تعتذر وتقـول زعلانـن علّيـه

    وللجفاء ياصاحبي بانت علايـم

    أسألـك بالله وش سويـت بيـه

    ليه تلحـق حبنـا ذل وظلايـم

    مخلصٍ لك وأنت ناوينـي بنيـه

    نيـةٍ خلـت محبتنـا قسـايـم

    الزمـن دوار .. والدنيـا رديـه

    وأنت فيها بين مخطي وبين لايم

    أسمعيني .. دام صارت سرمديه

    ووصلّت مابيننـا حـد الشتايـم

    الخيانـه بيّنـت ميـه .. بميـه

    وعندكن مثل التسوق والعزايـم

    عز نفسي غايتي والروح حيـه

    رافع راسي ولا ارضى بالهزايـم

    والعذر مرفوض من بعد الخطيه

    بعد ماصدقت بي ( هرج النمايم )
  2. صاحبة الموضوع
    الدخيله.... صعب ان الشيء يرجع زي ماكان وصدقيني ان الانسان لما ينجرح من انسان او يشوف منه موقف نفسه تعاف كل شيء ........... لأن الزجاج اذا انكسر صعب تجمعينه وترجعينه زي اول حتى لو قدرتي يبقى الشقوق واضحه ......"
    آه من جرح الصحاب يذبح ويدمي القلب ... وانشاء الله تكون آخر تجربه لك يا الدخيله ......."
    تحياتي للجميع ... ومشكورين على المرور ............................
  3. @a7b_omy

    هذا قصييده تعجبني مررررررررره وتعني بنفسي شي مرره كبير


    على طاري الجـروح إللـي تفـزِّزْ بالحنيـن اجـروح
    و ( دمع ٍ ) هَيَّضَهْ ( دمع ٍ ) و ( هَم ٍ ) ما انوجدْ زَيَّـه

    رجفْ قلب المِسا – لحظةْ - خَنَقْ كَفْ المُواجع ( روح )
    و ذاب امن الحزن ( فجر ٍ ) فَزَعْ مـن فَـزَّة ( بنيَّـه )

    على ( انقاض ) الفرح فاقت.. لِقَتْ (طِفل الحلم) مذبوح
    يلـوِّنْ دَمَّـه الطاهِـر جنـون ( الواقـع ) وْ غَـيَّـه

    بكَتْ .. تِسترحِمْ الواقـع يـداوي صُبحهـا المجـروح
    خَذَلها .. و زَوَّد اجروح الصباح - ابقسوتهْ - .. كَيَّـه

    ألايا(حزنها)كافي..تترجم والشقى مشروح !!
    تأجج جمرة اشواقٍ بوسط اضلوعها حيه

    شِكيتْ او ما شِكيتْ .. او ( هي ) شِكتْ آلامها بوضوح
    : ( إذا مات الشجر مَحْـدٍ يـدَوِّرْ فـي العَـزى فَيَّـه )
    قصيدي .. يا قصيدي .. لا تِحاول .. مـا يفيـد البـوح
    تفاصيـل الحـزن أكبـر مـن اللـي تكتـب ايْـدَيَّـه


    و لكنِّي على طـاري الجـروح إللـي تِقِـض اجـروح
    بكيت .. و خَطَّت ادموعي ( حروفـي المُبْهَمَـه ذِيَّـه )
    =========================

تابعي تجارب أخرى من هذا القسم.