يوميات المجموعة الثانية (من وزن 70 إلى 79) / رشيقات2007(2)

مساء الخير كيفكم عساكم بخير انا مستمره برجيم وبي اكتشافي الخطير لسد الشهيه
انا اشربت شوربه الساعه 8 مساء والحين جالسه اشرب عصير طازه مشروبي هو شاهي اخضر مركز الصباح والله انه يسد الشهيه وبس
هاوش رايكم تصدقون نزلت عليه بس من امس واليوم ومن اسبوع وزني رافض ينزل بسبب الدوره والحين يوم خلصت بديت اشرب الشاهي المركز وراح اكتب نتيجتي بكره ياليت اكون نزلت اكثر

يا بنات انا تعبانهمن رجيم ام عوشي احس بدوخه و خموووووول

والمشكله اني ارضع مرررررررره تعبت

لكن ما اقدر افكه لاني حلفت واقسمت اني ما افكه الا يوم الاربعاء ان شاء الله

السلام عليكم بنات بسئلكم عن شرائح الاناناس الي تجي بالعلب مسموحه بالريجيم ولا لازم يكون الاناناس طازج؟؟؟ادري الافضل يكون طازج بس مو متوفر كثير واليوم في السوبر ماركت لقيت الي معلبه بس قلت اسئلكم اول وش احسن نوع لعصير الاناناس الربيع او نكتار؟؟؟

مبروووووووووووووووووووووووووووووووووك لكل اللي نزلت أوزانهم ...واشكر كل اللي باركولي على الكيلو والله انكم وايد طيبات الله يبارك فيكم وينولكم اللي في بالكم.... :)

حبيباتي والله اني مليت من الوزن الثابت وحاسه اني يمكن ما بقدر أكمل الاسابيع القادمه .... لازم انزل وزني بسرعه لاني اريد احمل ولو حملت ووزني كبير تدرون مع الحمل بيزيد أكثر .....

تدرون يمكن من باكر اتبع رجيم اللبن والتمر بس مع تغيير بسيط يعني باشرب الصبح قبل الدوام كوب شاي وفي خلال الدوام يمكن اشرب بعد كبتشينو بس بدال (7تمرات وكوب حليب الفطور) وعلى الغدا والعشا باكل نفس النظام يعني في كل وجبه (7تمرات وكوب حليب ).... بجرب يومين لو نفع بكمل أكثر

انا وايد احبكم:pinklove2 ويعيبني متابعة يومياتكم لانها تخلينا نتشجع :26: :26: :26:

حبيباتي والله ان الوزن غريب مرات نلتزم ونحرم عمارنا وآخر شي نلقا الوزن ثابت ولا راضي يتحرك ومرات تقولين خبصت وبيزيد وزني وفي اليوم الثاني تلقينه نازل ....... يعني حسب المزاج

بس والله ان الرشاقه حلوه يعني السوق صحيح مليان كل المقاسات بس مرات تستحين يوم تقولين للبياعه عطيني لارج أو اكس لارج تصدقون ماشي مثل المشي ينحت الجسم بس لازم الاستمرار لفترات طويله ............

رومنسيه شكرا على المشروب اللي يسد النفس وان شاء الله من باكر بجربه عسى انه ينفع ويسد هالنفس اللي دوم مفتوحه :09:

بروح انام :03: تصبحون على خير

اهلين اختي انا جربته وجاني دوخه وخمول وبعدين تركته الازم علي الوحد صحته وانتي كمان ترضعين حرام جربي رجيم ثاني يكون اخف :)