مشكلتي مع أهلي ... ليتني بعيدة عنهم

السلام عليكم ولله ياختي انا مثلك اعاني بس انا عارفه ان اهلي مايكرهون عيالي بس ليش يسوون كذا مدري اخوي الله يصلحه قبل ما يتزوج يحسر في بناتي وكان الناس يقولون عزوبي ما يعرف وش العيال الحين تزوج لو تشوفين وشلون يتكلم مع بنته بدلع المهم خف شوي عن عيالنا بس المشكله الحين انهم قالوا لي تعالي سافري معنا ورحت معهم واستغربت تصرفاتهم هو وامي تدليع في بنته وعيالي ضرب فيهم وانواع السب لدرجة ما ينادونهن الا بعياره وسكت لين جا مره ورحنا السوق عيالي ما يفهمون صغار وتقدمنا بالمشي اخوي هو وبنته ولحقته بنتي الصغيره ام سنتين والتفت عليها وضربها وقالها يامتخلفه عاد انا وصلت معي اوكيه يابنات اهلنا وعلى عينا وراسنا لاكن اذا شفتي اخوك يدلع عياله وعيالك يهينهم وش بتسوين المهم رديت قلت المتخلفه بنتك وطير عيونه وزعل ليش اقول عن بنته كذا حلال عليه وحرام علينا جت امي تناقشني في الموضوع عاد امي عايش معها في البيت قلت لها ترضين اطق بنته قالت لا قلت ليش طيب انا بناتي تمدون يدكم عليهم ورجعنا من السفر وحاقدين اتصل على امي تقول انا مشغوله وتصكها ورحت الاستراحه رازين خششهم ولا يتكلمون معي وش رايكم؟

((((اوووووف ))))) هذااااااااااااااااااا هو اللي يبغاه الشيطان منك وانت الان قلتيها فأتقيفي نفسك هذه أشياء عاديه الكل يتعرض لها بس شكلك حساسه زياده وبعدين معليش في اسلوب أحلى من كذا وأنت أعرف بمعاملة أهلك وعامليهم بالتي هي أحسن وأخوانك يمدحون أسلوب التطنيش والمجامله والمدح الأعمى وكوني لهم أختاً حقيقيه أما والديك فأدركي رضاهم وهم أحياء قبل أن يأتي يوم تندمي على كلامك هذا وتتمنين أن يعودواحتى لو زعلوك يصير عسل على قلبك بعدين وين بر الوالدين وين من أحق الناس بحن صحابتي إن شاء الله تكونين أخذتي نصيحتي بصدر رحب وبقلب ـأخت تريد الخير ورضا الله قبل رضا الناس تقبلي تحياتي ولك حبي وتقديري والله يخلي لك والديك

معليش اختي انا مااتدخل فيكم بس كذا حرام والله تخوفونهم ترى بسم الله يجيهم شيء وينزرع الخوف فيهم ويعيشون شخصيتهم مهزوزه عاقبوهم احرموهم بس اسلوب التخويف هذا حرام والله حرام ترى فيه اطفال كثير ماتو من الروعه والا بسم الله صارلهم شيء من اهل الارض انا خفت وانا وش كبري كيف هم ياحرام ؟؟
ارجو تتقبلين رايي بكل رحابة صدر بس والله رحمتهم

اختي الكريمه انا ماراح ازيد على خواتي فقد كفو ووفو
بس انبهك على حاجه عظيمه انه مايجوز عليك تتحسبين على اهلك هذولا مهما كان اهلك واكثري من الاستغفار ..

اختي بعطيك الحل المختصر
لاتروحين لأهلك الا مرة ف الاسبوع مثلا
اريحلك
وواصليهم بالتليفون خلال ايام الاسبوع
بكذا تكونين ماقطعتي رحم وريحتي راسك
وسلامتك