شاركي في النقاش

سجلي الدخول لإضافة تعليق.

التعليقات

1,859

  1. @aaml_hyaty

    ام تقى الدين
    على فكرة ج-ليبيا الصورة رااااااااااااااائعه بارك الله فيك والله وحشتنا بلادنا:(
    السلام عليكم:)
    كيف حالكم اليوم ان شاء الله تكونوا كلكم بخير
    حياة حلوة:26:
    الحمد لله على سلامة بنت خالتك وان شاء الله ربي يعوضها خير اهم حاجة هيا
    تعرفي قاعدة ما جربتهاش الكيكة لما انجربها نقولك
    امواج :26:
    الحمد لله على سلامتك
    ام محمد:26:
    كيف حالك وحال الصغار وابو محمد باهي اللي طمنتينا على امواج ربي يطمنك وينوضك بالسلامة ان شاء الله
    ليبية 100 100:26:
    كيف حالك وحال الصغار تعرفي حتى انا كنت نبي نسالك بنقولك شن ديرتي خشيتي امتحانات والا لا انا توا قلت خلي ناخد كورس انجليزي بعدين نفضى للاسنان مدام موضوع الصغار مؤجل خلي نستغل الوقت وان شاء الله ربي يسخر
    :26: باقي الاخوات ان شاء الله تكونوا بخير    :26:

  2. @lyby100_100

    السلام عليكم

    كيف حال الجميع ان شاء الله بخير...بس وينكم معقولة نفس الصفحة من امس الجمعة؟؟؟؟؟
    ان شاء الله خير....

    المصباحى
    نحن بخير والحمد لله ربي يقدرنا على عيالنا في هالغربة ... كيف حالك انت وعيالك ان شاء الله بخير:) ...
    نحن هنا في المانيا ما يديروش امتحان لا شي لانه عبارة عن تدريب عملي وبعد اربع سنين يعطوك شهادة تسمى, الفاخ, ما يعادل دكتوراة بس تكون عملى ولازم اتديري ورقة عمل بيش قدري اتدرسي بيها في الجامعة بس انا ما نبيش اندير هذا كله توا غير ناخد اللغة لغة اتزعم الكبد :09: سامحونى على الكلمة بعدين يمكن ناخد حاجة ساهلة:42: ...
    وربي يقدم اللي فيه الخير...نخااف اتطير النية وما اندير شي....
    :(
    باقي البنات كيف حالكم ان شااء الله بخير

    :26: سلامات:26:

  3. @aaml_hyaty

    ليبية100 100
    السلام عليكم كيف حال الجميع ان شاء الله بخير...بس وينكم معقولة نفس الصفحة من امس الجمعة؟؟؟؟؟ ان شاء الله خير.... المصباحى نحن بخير والحمد لله ربي يقدرنا على عيالنا في هالغربة ... كيف حالك انت وعيالك ان شاء الله بخير:) ... نحن هنا في الما…
    الحمد لله انا بخير:26:
    صار هكي في المانيا روعة ما فيش امتحانات غير تدريب يختلف على اهنا في بريطانيا اهنا امتحانات لين يدرهولك كبدك وما يخلوكش تمسي شئ الا اذا كان بتاخدي كورس عملي واهنا غاليين هلبة الكورسات
    ربي يعينك على اللغة الالمانية بصراحة صعبة
    ايه الواحد كان مدارهاش بسرعة واقحم روحه النية اطير هذا علاش قلت انا خليني نستغل الوقت قبل ما نجيب صغار خايفة بعدين لما نجيب نفشل ومعاش عندي نية وخاصة توا بابا يكلم فيا ويقولي ما تنسيش تكملي قرايتك

  4. @hyah_hloh

    ليبية100 100
    السلام عليكم كيف حال الجميع ان شاء الله بخير...بس وينكم معقولة نفس الصفحة من امس الجمعة؟؟؟؟؟ ان شاء الله خير.... المصباحى نحن بخير والحمد لله ربي يقدرنا على عيالنا في هالغربة ... كيف حالك انت وعيالك ان شاء الله بخير:) ... نحن هنا في الما…
    السلام عليكم
    كيف حالكم شنو اخبارك
    كل وحده تخبرنه علي اخر خبر :42:
    يارب تكونوا بخير جميعا
    هي حياه حلوه تغيب كل يوم حضور
    باهي درجات السلوك كامله نحصله صح والي لا
    اخر اخباري عاد اني من امس الصبح معاش اتصلت بيه بنت خالتي خايفه نضعف والي شي ونخبره
    وهي مزالت في العنايه الاخبار تصولني من خالتي ربي ينوضه بي السلامه
    واني اليوم قاعده ندور من معهد الي معهد ماهو المعهد لاول سحبت ملفي منه حصلت معهد كويس بس موصلات مافيش الله غالب
    هذي اخباري
    امواج ام محمد عيوني غاده شنو اخباركم
    ام تقي الدين ليبيه100100 امل مصباحي اهلين بيكم
    توه الغياب ماشاء الله
    مرام هناء نجيمه اريام الحنين ليبيا قلبي تقبرصتي ومشاء مزال بس خايفه انسي
    تعالو طمنونا عليكم

    ام تقي الدين
    لو يتعبك البحث علي الموقع والله ماهو ضروري
    غاده
    شكرا علي صوره ونزلي صور تانيه تعرفي اني نسمع عليه بس ماعمري شفته قبل
    اني بعد نجي لي ليبا نبيك دهورني فيه هههههههههههههه
    امل
    الله يسلمك بس بعد تجربيه خبرني شنو طلع حلوه او لا حتي كان حلوه نجربه
    ليبيه
    شنو شكلك توحشتي قرايه خليهم يكبروا شويه صغار ويخشوا روضه وانتي بدي اقري حتي انتي
    توه سلامات
    سلامي للجميع
    عطله سعيده

  5. @amoag_albhar_1

    حياه حلوه
    السلام عليكم كيف حالكم شنو اخبارك كل وحده تخبرنه علي اخر خبر :42: يارب تكونوا بخير جميعا هي حياه حلوه تغيب كل يوم حضور باهي درجات السلوك كامله نحصله صح والي لا اخر اخباري عاد اني من امس الصبح معاش اتصلت بيه بنت خالتي خايفه نضعف والي شي …
    السلام عليكم ورحمة الله وبركاته ...
    الحمدلله انكم بخير كلكم ...
    والحمدلله حالي بالمسكنات "اللهم لك الحمد والشكر" ابسط حركة فى الحوش ولا نسوق السيارة ظهري ينوض عليا حشاكن نقعد نمشي مقوسة وكرعي اليمين انكر فيها كران ومش قادرة انحركها "بسم الله على مرضي الظهر والمشلولين" الله يكون فى عونهم ويشفيهم ربِ وان شالله بإجره يارب ...

    وحشتوني يابناااات واجد نقول اليوم انخش ونهدرز ... نلقي روحي ملوحة على الكرسي وراقدة ولا انتوجع والحمدلله على كل حال ...

    ويوم بعد يوم اندير فى تحليل هرمون الحمل فى الدم والصورة قالولي توا انكلموك مازالو ماكلموني عليها وظهري من يوم الاثنين حشاكن انشلبت منه ومعاش قدرت لا نطبس ولا نوقف كويس والكرع انكر فيها كران امشيت الثلاثاء مستعجل للعيادة وشكو فى الاول جلطة فى الرجل وبعد الكشوفات قالت عندك انزلاق غضروفي :icon33: وماليش علاقة بالحمل !!! شكلي رافعة جاحة ثقيلة او متحركة بالغلط :icon33: ... ومنها حشاكن وانا نعاني بالمسكنات حبتين كل 6 ساعات ومرات انقول انتحمل الالم ولا ناخده بالكي يأثر على الحمل لكن نلقي روحي ناخد فيه من غير ارادة من الالم "اللهم لك الحمد والشكر" ... واليوم من الصبح قلت مش واخدته وعيالي خاطرهم فى بنكيك درته لهم الا انا زي المدمنة ناخد فى الحبوب من الوجع ... والراجل قداش منه وهو يعاني برا وجوا :icon33: ... يارب سهل امري يارب ووييسره ... وكملت المضاد الحيوي بتاع التهبات البول اكرمكن الله اليوم نحس فى حرقان البول مرة اخري :( ...
    وهذي اخباري امس كلمتني ام محمد الله يبارك فيها الصبح وكنت نغسل فى الحمام وانا كملته من هنا ومعاش قدرت نفرد طولي وقعدت نزحف على ركابي من الوجع والالم لغاية ماخديت الحبوب :icon33: وعيوني سهار رنت عليا بعد المغرب وانا فى حالة ... الله يبارك فيهن البنات واللهِ لما نهدرز معاهن ننسي الوجع وينطلق اللسان خخخخخخخ التهدريز ينسي فيا وكان نلقي نمسكيهن ومايسكرنش التلفون خخخخخخخخخ ...
    والسيارة انسوق فيها تقولنش عمري ماسقت !!! سوقة حرفة مغير مسكت الفرنوات قريب انخش فى القزاز ... :icon33: ...

    واللهِ ليكن وحشة وشكله الوحم جايني عالنوم ومنسطلة وقالو حبوب الظهر حتى هنا يخدرن وانا مانقصني !!!

    قلت انطمنكن وان شاالله انحاول انخش كل يوم وتوا نحاول نحفظ سورة المرسلات وبعدين انكمل يلى فاتني ...

    توا انحاول نقرا ردود البنات ونسلم عليهن ونتلاقو مرة اخري ان شاالله ...

تابعي تجارب أخرى من هذا القسم.