ابغى انحف لا تقولوا نظامك هذا انتحاااا ر

بنات من جد عندي عشرين يوم بس
ابقولككم عن نظامي لاتقولولي صعب ولا مضر او او او او .......الخ اعرف هالكلام كله
وباخذ معه فيتامين
لو قعدت عشرين يوم بس
على عصير برتقال مع مشي كل يوم ساعه
كم تتوقعوا انزل
الله يسعدكم
ادري انها قاسي بس والله محتاجه انزل واجد دبه انا دبه بمعنى الكلمه وملكتي بعد عشرين يووووم
وش اسوي احس اني بنهار من التفكير يمديني انزل كل يوم كيلو يعني كم بالتقريب راح انزل على هالنظام
الله يوفقكم حالتي ماساه:(

18 تعليق 1,872 مشاهدة

شاركي في النقاش

سجلي الدخول لإضافة تعليق.

التعليقات

18
  1. @shoarma_lhm

    بتموتين لين ملجتج ياختيه ما قلنا تسوين عمليه انتحاريه

    تريقي فواكه تغدي لحم ولادياي ولا سمج مشوي ويا سلطه عقب امشي و لا تعشيييييييييييين صدقيني بتنزلين كل يوم كيلوو <<< الرجيم من تاليفي بس صدقيني بييب نتيجه الي عطيتج اهون من الي بتسوينه
  2. @aarbyh_1

    صاحبة الموضوع
    شاورما لحم
    متآكده ان هالنظام ينزل كل يوم كيلو طيب انا وزني صعب ما ادري
    خايفه ما انزل ودي شي ينزلني كل يوم كيلو


    انسكار امرآه
    والله لو ادري كان ضعفت من بدري كل شي صار بآسبوع بسرعه بسرعه ما ادري
    ابي اتدارك عمري ضيق الدنيا كله فيني اخرت موعد الملكه عشرين يوم بالقوووووه
    طيب وش اسوي طيب اقلها عشره كيلو بس لازم انزل حالتي يرثى لها
    احيان للظروف احكام
    مشكوره عالرابط بدخله وبقراه



    بس خلاص انا عزمت عالعصير وبس من بكره دعواتكم بنات
  3. @algory_68

    لالالالا.....وضعك مش طبيعي....حتى لو نزلتي كم كيلوا علىهاالنضام ....اسمحي لي بتصيرين شيفه يوم الملكه..شوفي سوي زي ماقالت شورما لحم وخلي مشيك كل يوم ساعتين..ويمكن تنزلين 6أو7 كيلو......وصدقيني تراه بيتغير جسمك وبيصير فيه فرق........بس أخاف اتنزلين العشرين ولا يعرفك الرجال...ترى شوفي >>>>>>يمكن يغير رايه...وأكيد هو راضي فيك كذا..فيه رجال يفظلون( المربربه) وبعدين أهم شي صحتك.......................زالله يوفقك ويسهل أمورك
  4. @aarbyh_1

    صاحبة الموضوع
    جوري ياقلبي ادري اني بصير شيفه وبصير شينه مره انا لمن اسوي ريجيم اسبوع وجهي ينتهي بس ماعلينا المكياج بيغطي التعب الارهاق اهم شي انحف ابسوي المستحيل في هالعشرين يوم اخاف يهون المعرس صدق لو شاف الشحوم واللحوم بالملكه اااااااه ياساتر مو قادره اتخيل شكلي شلون بيصير احس يجيني ضيق



  5. عربيه
    صدقيني لو تمشين يوميا ساعه بنهار وساعه بالليل
    مع اكل صحي مثلا خذي من دايت شوب ولا سوي بالبيت اكل صحي بدون سكر ولا دهون ولا زيوت

    او نظام صديقتي ماشاء الله عليها تفطر تفاحه او برتقاله
    والغدا بيض مسلوق مع سلطه وخلاص مافيه عشا اذ جاعت مره مره تاكل اناناس وباقي السهره بس مويه مويه وتمشي ساعه يوميا وتسوي رياضه وتغير جسمها في اسبوع سبحان الله

    بيتغير كل شي جسمك صحتك بشرتك

    اقولك هالكلام دامك مره مره متحمسه ومقرره ولا الود ودي اسويه بس ماعندي هالاراده ماشاء الله تبارك الله

    لكن لو بتسوين الي براسك مو بس وجهك بيتعب يوم الملكه بيبين في نفسيتك غصب عنك ونظراتك وشكلك العام ومشيك وكل شي بتصيرين على غير طبيعتك

    انا يابنت الحلال سويت فيها قويه وقررت يوم كامل ماكل غير لبن وتمر
    آخر الليل مقفله معي وصرت فجأه عصبيةةةةةةةةةةةةةة لاحد يحارشني ياويله looool
    الله لا يعيده من يوم


    ..
    .



تابعي تجارب أخرى من هذا القسم.