~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

السلام عليكم ورحمه الله وبركاته.
صباح الخير اعليكم كلكم كيف حالكم وحال اعيالكم واهليكم ان شاء الله بخير وعافيه.
انا ليا ايام اعليكم وفى بالى سنه سبحان الله ,الجؤ عندنا ايضيق الخلوق مغيم ومطر ما تقولوش احنا فى الصيف ,ولكن الحمد لله اليوم ان شاء الله احسن ان شاء الله يدفاء الجؤ والايام الجايه.
سلم من نشد اعليا وسلمه ليا ولى احبابه.
قرين استار .
الله ايبارك فيك وفى اهلك وان شاء الله ما نفقدك ومن كلامك الحلو.
امى الحمد لله الواحد ما ليه الا ربى والدعاء واهى مازال تمشى للعلاج الكيماوى عفانا الله واياكم بس غير ماتنسوهاش من الدعاء .
كيف البيبى ,الله ايعينك ويقدرك اعليه وان شاء الله تمشى للبلاد بسلامه الله وتكون الرحله ممتعه وسهله اعليك وعلى البيبى.
اموله
كيف حالك وحال اهلك عساهم بخير وشنى الجؤ عندكم اتقولى الشتاء دخل من جديد.
ام الاء.
كيف حالك وحال الاء ان شاء الله بخير ,وان شاء الله ربى يسهل اعليك ويعطيك ما فى بالك .
وسطيه
كيف حالك وحال اهلك , وشنى العزومه طلعت حلوه ان شاء الله يجمع شملكم اكثر واكثر وان شاء الله لمه خير.
امواج البحر
وين اديارك يا غاليه ولا انسيتينى لا معندكش حق ترانى امشى للوالده اهنا واشكيلها منك.
المهم ان شاء الله انتى والعيال بخير ونعمه.
ليبيه100100
وين غطستى شنى اخبار العرس المهم ان شاء الله انكم بخير وعافيهز
ليبياج
سلمك نشاده ,والله ايبارك فى عمرك ,كيف الاهل فى ليبيا وكيف الحمو امعاهم ترانى اسمع عليهم انهم بينشو من النو , الله ايكون فى عونهم.
ليبيا قلبى
حمدلله على سلامة بنت اختك ,ان شاء الله حسن توى.
ام محمد
كيف حالك وحال الصغار ان شاء الله بخير كيف الاهل عساهم طيبين, شنى اسمعنا درتى اعزومه وانا معزمتينيش , ترانى احرج وبعدين شنى ايرضينى ؟
مدام على
كيف حالك وحال اهلك ان شاء الله بخير وشنى اخبار العرس السنه هدى ولا مازال ,كل شى تسخير من رب العالمين.
مشيمشه
كيف حالك وحال الصغيويره ان شاء الله بخير وصحه ,كيف اهلك عساهم طيبين ,ان شاء الله اسمع اعليك اخبار زينه.

السلام عليكم

كيف حالكم اليوم يا بنات

امل
كيف حالك اليوم وان شاء الله مش كساد حتى اليوم

نجيمة
كيف حالك يا غالية وشنو اخبارك وكيف حال بنتك توا ان شاء الله ماعاد دايرتلك احتفالات في الليل
بالنسبة لاكل الاطفال انتِ اسألي مكتب الخطوط اللي بتسافروا عليها وهما اكيد يقولوا لك ... وكيف ماقلتي يمكن في سفركم اتباتوا ليلة ترانزيت لو في فندق اسهل من انهم يشحططوكم في المطار لكن خلّي معاك لبسة احتياط ليك ولبنتك في شنطة تكون معاك توقعا لأي شئ
وان شاء الله توصلوا بالسلامة

ام الاء
كي حالكم وشنو اخبارك
وربي يسهّل لك ولادتك

ام دانيا
اهلا بك وكيف حالك وين غطستي الايام اللي فاتت
وشكرا لك على خبر بنت اخت ليبيا قلبي
والحمد لله على سلامتها


اطفالي حياتي
ان شاء الله لاباس على امك وربي يشفيها
بنقول لك على المعالج الهاشمي اللي في عمان
في ناس هنا سمعت عليهم بنتهم صغيرة تقرا في الابتدائي لما داروا لها التطعيم مرضت وقعدت ماعاد تتحرك ولا تاكل ولا شئ وتاعبة بكّل وبعد الكشوفات قالوا عندها سرطان عافانا الله واياكم وكل المسلمين وقالوا لهم نوعه البركاني يعني مايطلع شئ عالجسم لوين يتفشى فيه كله ولما خدوا له من الهاشمي علاج وتوا قالوا حالتها تحسنت وبدت تتحرك وحالتها احسن من قبل هلبه ... وحتى لما جي لليبا داروا برنامج في لاتلفزيون جابوا فيه زوز نساوين تعالجن بعلاجه
نقصد لو تجربوا لأمك وبالك يكتب لها الشفاء

وان شاء الله ربي يشفيها ويعافيها

وسلامي للجميع