ياااااااااااا هلا و يا مرحبا و الله فيكن يا بنات
يالله رحبوا فيني تراني عضوه من الوزن الثقيل أقصد بالمعلومات الي تخص النحافه مش الوزن :09:
تراني عصقوله شراتكن :(
لكن حبيت أفيدكن من تجربتي مع النحافه انا الحين وزني 50 و طولي 164 و خاطري اوصل 57 قولوا يارب..
المهم
الصيف الي طاف كان وزني تدرون كم ؟
44 و قلت بسوي نظام و لازم أزيد و فلا زدت :)
تبون تعرفون كم ؟؟؟ ما راح تصدقون قولوا ما شاء الله زدت لين 53 و الله يا بنات
9 كيلو ب 20 يوم فقط يعني كل يومين أزيد كيلو كنت مستانسه من الخاطر :icon28:
بس يا فرحه ما كملت خلصت الاجازه و رجعت الجامعه و انا أقعد بسك الجامعه و لان تخصصي صعب و أتعرض لضغوط وايده بسبت الدراسه خسرت نصف الي زدتهم :icon33:
و قررت هالصيف أرجع مره ثانيه و بعزيمه لا تقل عن السابق و تفاجأة اليوم دشيت و لقيت هالموضوع قلت لازم أشارك معاكن :42:
تبون تعرفون نظامي ؟ طيب حاضرين هذا النظام :
في الصباح الباكر " و يا حلاة الي يقوم الصبح يكون جدامه اليوم بطوووله ياكل و يلعب و يسوي الي يريده " كنت أكل أقل شي سندويشتين ..حتى لو غصبت عمري .. تكون بيض و جبن او فووول او مربى و شاي بالحليب..
عند الضحى أشرب عصير و أكل حلويات من الدكان خخخ
و أنتظر الغدى و أكل لين ما أقول الحمد الله
العصر أسويلي صمون بيض او أكل كافيهات او أشرب عصاير تكون سعراتها عاليه مثل عصاير ربيع
و الي فيها شوكولا .
العشى أتعشى اي شي ما اقول لا
لييييييييين أترس هالكرشه و يكون ما في مكان بمعدتي و سبب هالشهيه المفتوحه اني أخذ التالي :
حبوب صينيه << مفعولها قوي لكن ما راح أجربها مره ثانيه بسبب أضرارها الحمد الله ما صابني شي لكن قلت في نفسي يا دار ما دخلك شر أبعد عنها أحسن من جي ماراح أدخلها في نظامي الجديد
و معاها حبوب ميسوجور << ترقد وااااااااااااااااااااااايد و تفتح الشهيه بس مب شرات الحبوب الصينيه بالمفعول
و أخذ حبوب خميره << بس الي كانت معايه مو من النوعيه الزينه انغشيت فيها الصراحه
و أخذ حبوب كبد الحوت << ما أحس ان لها مفعول كبير مادري أحس حتى لو شلتها من جدولي ما راح تفرق النتيجه
و الأهم من هذا كله و هوووو سري الخطييير بعد ما أتعشى و أترس الكرشه مثل ما قلت أغصب عمري أخذ بودره عباره عن فيتامينات و بروتينات اسمها forcevel و اضيفها لعصير التفاح النقي الي بالسوبر ماركت و أشربه و طعمه لذيذ مع عصير التفاح أما مع اي شي ثاني يع يع :09:
و كنت أسهر و أكل كافيهات و عصاير و الأهم فاكهه أموووووت ع الفاكهه
و مرات كنت أكل ع النهار رز بلبن الي يعملون المصريين
كنت أرقد و أنا واثقه اني راح أصحى و انا زايده كيلو :42:
و كل مره أقيس وزني تقريبا كل ربع ساعه خخخخخخخ و الله كنت مستانسه ع النتيجه بس الله يسامح الجامعه ادعولي اتخرج هالسنه و افتك ..ياااااااااااااااارب و توفق الجميع
الحين برجع أكل مثل السابق لكن بدون الحبوب الصينيه و حبوب كبد الحوت
راح أشتري ميسجور و البودره و حبوب الخميره فقط
أرجع أكثر من الفواكه و البيض ..
صح تذكرت الي تبي النتيجه تكووون سريعه تاكل كيما عند الفطووور تعرفون البقوليات تسمن بسرعه
و تعرفون الأندوومي بعد تسمن و تنفخ بسرعه أعرف بنات سمنوا عليها
يالله برجع أشوفكن بعدين
@التحـــدي الأخيـــــــــــــر للنحــافـــــــــه@
متابعة النقاش، صفحة 701