بسم الله الرحمن الرحيم
السلام عليكم ورحمة الله وبركاته
خلاص لازم ابدأ اودع المتن خلالالالالالالالالالالاص
وقفت مع نفسي وقفة وخلاص تعبت بسنا متن
27 سنة متن على الاقل سنة وحدة ضعيفة اجرب اشرايكم نبدأ مع بعض
مفكرة لرجيمنا وهو مش رجيم هو تغذية واعية
تغذية واعية =نزول وزن +ثبات وزن+ صحة وعافية ونضارة
احنا من نبدأ الرجيم واحنا نفسيتنا تتعب
خلاص ابدؤأ تغذية واعية صحية يعني
فطور ملوك
وغدا وزراء
وعشاء فقراء
3 ساعات قبل النوم
* رياضة حاولي كم دقيقة اول ما تصحين وبعدها شوي شوي زيديها
حتى لو 8 دقايق مثل كتاب جورج كروز
* كثروا الماااااااااء لترين حاولي تبدين شوي شوي لو انك ما تحبين الماء
* ضروري تفاحة قبل النوم
* نحتاج كالسيوم يعني حليب قليل الدسم واذا ما تحبين طعمه حطي نسكافية
سكر سبليندا يجنننننن
* حاولي اذا حبيتي تاكلين رز نقيسه بثلاثة ارباع كوب الروب..اي شي بخاطرك لو كبسة وكثري من السلطات وان شاء الله ندخل برة الكتان وزيتها بعد يمدحونه كثير
* حاولي ضروري تشوفين لك هواية تشغلك عن الملل وبالتالي تبعدك عن الاكل والتفكير فيه
* عندنا يوم مفتوح كل وحدة تقرره لنفسها ..واي شي يدخل بخاطرك لا تخربين نظامك اكتبيه بورقة واكليه بيومك المفتوح
هذي مذكرة مفتوحة لكل البنات من كل انواع الرجيمات ..
اهم شي نفضفض احنا بحاجة لبعض علشان نوعي بعض ونساعد بعض الاجانب عندهم نوادي ونوادي يجتمعون بها الناس اللي يعانون من البدانة وكثير منهم نزلوا بهذي الطريقة انهم يساعدون بعض
يارب سهلها بنبدأ من بكرة لحد يوم العيد
كل وحدة تفضفض يومها وايش اللي مضايقها وايش مخططها اللي بخاطرها تقوله
ياااارب ياكريم تكرمنا يارب خاطري بهالعيد القى شي قدي وحلو ويناسب عمري وافاجأ هلي وزوجي
شاركي في النقاش
سجلي الدخول لإضافة تعليق.
التعليقات
298- , والله ابا أبدا بس أرضع عادي وتسلمين
- انا معاكم مليييييييييت من السمنة وان شاء الله نكون بالعيد رشيقات ونستانس باللبس الجديد :) والله العمر يمشي واحنا ماندري ذبحتنا السمنة وانا هالمرة عندي ارادة بسبب كلام سمعته من اهلي :( يقولون كل عمرج قضيتيه بالرجيم ماشفناج ضعفتي وقررت اسوي رجيم من غير لا اعلم احد بس شلون؟ اكيد بيعرفون ؟ ماعندكم نصيحة؟ شقول اذا قالو تعالي وحطو اكله احبها؟ صج ماابيهم يدرون لان اذا دروا بيضحكون علي وتهبط عزيمتي؟ :(
حبوبة العين , والله ابا أبدا بس أرضع عادي وتسلمين
اي اكيد حيااااااااااااك حبوبتي
والرضاعة احسن طريقة تنزل وزنك وتشد بطنك
ربي يسهلها عليك يارب*رتووجه* انا معاكم مليييييييييت من السمنة وان شاء الله نكون بالعيد رشيقات ونستانس باللبس الجديد :) والله العمر يمشي واحنا ماندري ذبحتنا السمنة وانا هالمرة عندي ارادة بسبب كلام سمعته من اهلي :( يقولون كل عمرج قضيتيه بالرجيم ماشفناج ضعفتي وقررت اسوي …
وربي هذه جملة اختي بعد سمعتها تقول لها عمتي احنا سنتين نشوفج رجيم ولا ضعفتي ولا شي
مسكينة تحطمت من قلب
احسن شي تسوين بالخش وتعالي فضفضي عندنا حبوبتي
قال صلى الله عليه وسلم: ((واقضوا حوائجكم بالكتمان))
عندي النصيحة حبيبتي افا عليك
قولي لهم احس بلوعة وكبدي قالبة علي والا معدتي تعورني والا بلاعيمي تعورني
صدقيني مرت اخوي ضعفت كذا..كانت تخاف من الحسد وكله تقول معدتي صايرة حساسة ماتستحمل يومها صار محد يجبرها على الاكل يخافون تمرض عليهم ههههه خوش خطة
شدي حيلك عندنا من بكرة للعيد تثبتين نفسك- رووووعه الموضوع
بالفعل هذا الي محتاجينه ،، تغيير العادات الخاطئة
والتغذية الواعيه مطلوبة
مشكورة والله يعطيج العافيه
:26:
مواضيع مشابهة
تابعي تجارب أخرى من هذا القسم.