تعالو ندردش شوي عن احوالنا في رمضااااان

انا زواج بنت خالتي بالعيد يعني ضروري ان شاء الله انحف قبل الزواج فأنا مضطرة اني اكمل الدايت برمضان اذا ما انشفحت وانهبلت وصرت اكل كل شي
بس يارب يساعدنا وننحف

اسهل طريقة للرجيم في رمضان ان يكون رمضان حقيقي كما جاء في السنة وليس كمااصبحت عليه العاده

يعني لو التزمنا بفكرة رمضان نفسها وهي ( زهد ) الطعام والشراب رغم الجوع اعتقد لن تكون هنالك مشكلة ..

اعرف اشخاص كثر يكون رمضان بالنسبة لهم فرصة لفقد الوزن وليس العكس..

يعني نلتزم بالفطور والسحور ونحاول نقلل او نمنع ما يكون بينهم من ( حشو ) خاصة في العزائم التي يفترض ان نقلل منها تماما اثناء الشهر وليس العكس ونفرغ نفسنا للعباده..

كذلك لا ننسى صلاة التراويخ اتمنى من الجميع ان ينوي من الآن لا تلفزيون في رمضان هذا العام ولا مسلسلات وسوف التزم بالتراويح يوميا في المسجد قدر الاستطاعه..

صدقوني لو عاملنا رمضان على هذا الاساس ونفذنا هذا البرنامج سوف نخرج منه بببضع كيلوات ناقصة وآلاف الحسنات التي ستساعدنا فيما بعد.. ومايدريك ربمافي احدى سجداتك تدعين دعوة مستجابة تقلب لك حياتك رأسا على عقب ...

ولا تنسونا من دعائكم في رمضان

هلا بنات
كيفكم والشهر عليكم مبارك واجعلنا ممن يصومونه ويقومونه
والله يابنات اني جالسه اهوجس من شووي وش بيصير برمضان نظامي ..حرام المجهود الي اسوويه يرروح بشهر... فمدام المساله نقاش بعلمكم وش نيتي باذن الله
اول شي بجيب لي شاهي جامو صح طعمه الله بالخير بس بخلطه مع شاهي اخضر وهذا بعد التراويح يوميا
عصير الاناناس والكيوي هذا عن تجربه رووعه يحرق ابو الدهون... وكل ثلاث ايام بااخذ شاهي الضيافه
والمشي باذن اله باذن الله لازم ماتركه على الاقل نص ساعه يوميا .. والسحوووووور الي بعده النوم وتربية الشحم... لازم يكون خفيف جدا ولو يكون بدري افضل
ياليت نخليه سلطات او ساندوتش وعصير وبعدها شاهي اخضر والحمدلله ...
بنات دام المساله كلها مقلي في مقلي لازم المويه الحاره واليمون والله انها رووعه
واللي ناويه تمشي كل يوم وتشرب الجامو لاتحرم نفسها من الاكل بس تقلل
وهذا الي عندي وابي اشووف ردكم

الف شكر لكل دبدوبه ردة 00 والله كلامكم يحمس
بس ماشفت احد قالنا عن طريقه حلوه وخفيفه00 نسويها في رمضان 00 ولا ناوين تدبون مع الاهل في اكلهم000 وين البقيه وحماسهم الحلو000
بالتوفيق جميعااااااااا

السلام عليكم اخواتي ومبروك رمضان مقدما والله يعيده علينا وعليكم واحنا في صحه وعافيه ورشيقات أيضا الموضوع مررررره حلو لاني فعلا جالسه اكلم نفسي يوميا يارب ايش اسوي في رمضان لأني باديه ريجيم من هذا الشهر وما ابغى اخربه بس الحمدلله انا واهلي اتفقنا انه هذي السنه لازم نخفف المحمر والمشمر وانه مانبذر لانه زي ماانتوا عارفين المبذرين اخوان الشياطين
عموما احنا الاكله الاساسيه عندنا زي ماتفضلت وحده من الاخوات قبلي هي الشفوت ايضا لازم يوميا على الفطور وي لذيذه مره وقليلة السعرات الحراريه وايضا السمبوسه ناويه احطها في الفرن مااقليها خلينا نجرب واشوربه شي اساسي بس بحاول اخفف الدهون فيها يعني طبخي كله بيكون بزيت دوار الشمس وكمان يااخواتي لازم نحط في بالنا شي واحد رمضان مو للاكل والشرب فقط وين التفرغ للعبادات والله يوفقنا واياكم على صيامه وقيامه
وآسفه على الاطاله:)