توني متهاوشة مع زوجي ومدري هل انا على حق او لا ؟؟ ساعدووني



السلام عليكم ورحمة الله وبركاته


تراني مستئذنة من الأخت مايا لكتابة مشكلتي

<< بنت خالها


انا متزوجة والحمد لله وعندي بنوتة صغنونة عمرها سنة

قبل شوي تهاوشت مع زوجي على السرير ونفسيتي تعبت من الكلام الفاضي

وقمت اكتب لكم وابيكم تساااااااااعدوني

انا موظفة وراتبي والحمد لله ممتاز ومن عائلة مرتاحة ماديا وزوجي راتبه اقل مني ولكن عنده دخل آخر واغلب الدخل رايح على ديونه الخارجية منها لمحله ومنها ديون زواجه اللي استلفها ومن عائلة اقل من المتوسط


يعني باختصار اهله على قد حااااااااالهم

المهم قبل كم يوم جاني يقول ابحول لاهلي 3000 ريال لانهم محتاجين وطلبوني

قلت له ايه ليش لا حول لهم


اهله حالتهم المادية قليلة وابوهم متوفي من مدة طويلة عنده اخ اكبر منه مدرس وعليه قسط سيارة وقرض البنك يسدد فيه ويدفع ايجار بيتهم ومصاريف اخوانه


وعندهم اخ كبيرر توه متوظف براتب 1700 اعتقد مع انه جامعي بس مالقى غيرها بمدينة ثانية

والمدرس... امه واخته اللي متخرجة من الثانوي واخوهم الاخير اللي بالثانوي عايشين معه بمدينة غير الرياض


المهم ............


بعد يومين قال لي تراني حولت لهم 6500 ريال بصراحة ذهلت قلت له بس ترى حتى بعد حنا محتاجين كان حولت لهم الحين 3000 والشهر الجاي 3000 لاننا حتى حنا بصراحة مزنوقين


قال وش اسوي كل شوي يدقون علي وهذولي اهلي فسكت وماقلت شيء


قبل شوي على السرير سالته


عسى ماشر كنت تكلم اهلك بعصبية


قال لا بس اختي قهرتني قلت له ليش ؟ الحمد لله امورها زينة وزين قبلوها بالجامعة مع ان نسبتها ضعيفة بالثانوي

قال ايه انتساب وش تبي تقعد في بيتها احسن ........ المهم من هالكلام


قال لي اصلا انا حولت لهم 2300 دفعة اولى عشان تسجل في دبلوم الحاسب الالي عشان تلقى وظيفة


وكل شهر ابحول لهم 800 ريال رسوم الدورة لمدة سنتين

وقعدت البنت في البيت من غير شغلة او دراسة مو زينة ابيها تستفيد وتنفع نفسها

بصراحة يابنات انا هنا مت من القهر


قلت له معليش حبيبي بس ترانا حنا اولى


قام عصب وقال انتي وش ناقصك ؟ مرتاحة وكل شيء عندك فيه غيرك فيه غيرك محتاجين

عاد انا ارتفع ضغطي وقلت له كل مااقول لك شيء تقول مرتاحة وعندك


انت متزوجني عشاني موظفة والا وش سالفتك ؟ كل شوي تقول مرتاحة وراتبك عندك

معليش 800 هذه انا وبنتك احق منها اقلها يااخي مصاريف بيتك

الي ثلاثة ارباعها اشتريها من جيبي الخاص

يااخي حتى بنتك ماعمرك شريت لها ذهب تلبسه لغاية ماوصلت لعمر سنة ماعمري ذكرت

انك شريت لها اسورة او سلسال تلبسه وكل شوي تقول انا علي ديون وعلي ديون

بس ماراح يجي العيد هذا الا وانا شاري لهاا

واختك ماراح تاثر على ديونك هذه ؟؟


المهم تهاوشنا وقال خلاص قفلي على المووضوع


وبصرراحة انا ماعرفت اناااااااام والله من القهر كان ودي اتهاوش

بالله عليكم انا غلطانة ؟؟؟؟


اوكي اخته مااختلفنا واهله مااختلفنا وهم محتاجين ماديا بس عاد مو لدرجة الاستغلال


وناسين انه متزوج وعنده زوجة وبنت والا هم بعد يقولون موظفة وتستلم خليها تصرف من جيبها


والله يااااااابنات انقهرت وحسيت نفسي مغفلة

اغلب مقاضي البيت واشياء بنتي ولبسي من جيبي وحتى بعض اغراضه انا اشريها له

واعطيته كثيررر من راتبي لما يحتاج وهو حبيب كثيرر معنا لكن دائما اسمع العبارة المشروخة انا عندي ديووووووون ........ صح عندك ديوون بس لما اهلك يتصلون ويقولون ارسل على طوووول ترسل ماعمرك قلت لهم ماعندي والا على ديون وانا كل مااقول شي تقول اصبري انتي مو محتاجة

هو مايقصر انا كان عنده بس عااد مو دائما .. دائما انا علي ديوون


لكن بالنهاية صدمني


مو معنى اني موظفة والا اهلي مرتاحين انه يترك اغلب مسؤلياته


انا اساعده من باب انه زوجي ومديون لكن اتفاجا بخبر دراسة اخته وانه بيتكفل بمصاريفها

مع اني قبل فترة قلت له السواق اللي يوصلني بياخذ 800 او اكثر قال ايه مو مشكلة ادفعي له

والشغالة اللي عندي الله يخليه ابوي متكفل فيها من والى


بالله يااااااابنات تكفون ساعدوني


صح زوجي يداري خاطري ويقدرني ويحبني ويخاف على زعلي بس احس انه مدري استغلالي او انا فاهمة غلط ............


اهله ايه بس حتى انا زوجته وفيه بنته والا ليش متزوج ؟ يقول انتي وقفي معي

وكل كم يوم يقول قرفت من الديون وش اسووووووووووووووي؟؟


وش يعني الزوجة توقف مع زوجهاااااااااااا وهو مديون ؟ معقولة لهالدرجة ؟ والا كيف

انا والله مو مقصرة وهو بعض الاحيان مايقصر بس اغلب الوقت انا اللي اصرف وهذا يقهرني


ويحسسني بضغط نفسي رهيب


من جهة ماودي اثقل عليه بمصاريفنا واقول زوجي ولازم ااساعده ومن جهة اقول لا مو دائما صاير اغلب شيء انا اللي ادفع ماااااااااااااااااصارت



وش رايكم ؟؟ كيف اساعده والا انا مو غلطانة


113 تعليق 35,679 مشاهدة

شاركي في النقاش

سجلي الدخول لإضافة تعليق.

التعليقات

105
  1. @toooth_3

    بالعكس انتي ما غلطتي

    وكل اللي سويتيه صحيح

    والمشكله الحين انه تعود انك تصرفين على نفسك

    الله يكون بعونك
  2. @emanampeman

    شوفي حبيبتي
    ما فيه مشكله برأيي الخاص
    زوجك معك ما شاء الله تبارك الله
    بس من الناحية المالية هنتا المشكلة
    عنده ديون وانتي واقفه معه وانتي راضية
    قال ابعطي اهلي -انتي ما عند مشكله- الي ما فيه خير لاهله ما فيه خير لزوجته وعياله
    المشكله صارت عند فلوس دراسة الاخت ومعك حق
    بس لا تزعلين لان واضح من كلامك ان زوجك مو راضي بعد بس منحرج مع اهله
    اي ان هذي المشكله ما راح تتكرار-مسألة الفلوس
    انتي اجلسي مع زوجك بوقت رايق وانتبهي تكون المشكلة في الليل وفي غرفة النوم
    وتفاهمي معه بنفس الكلام الي قلتيه
    .....
    ثانياً حبيبتي بما انك مبسوطه معه وهو عارف تضحياتك له
    مو مشكلة تخليه يساعد اهله وخليه يساعدهم برضاك وعلمك احسن من يسويها من ورك
    اهله هم اهله مستحيل ينكر لهم
    وانتي الله يسامحك لا تعودينه يشيل يده من البيت او من بنتك ..انتي مو مشكله عندك راتب ..بس البيت و البنت له ولازم يصرف
    الله يسخر لك ما تملكين وما لاتملكين
  3. صاحبة الموضوع


    الـــ عديل ـــــروح


    اهلين اختي .. اشكرك على تواجدك

    المشكلة اساعده لانه زوجي وماعمري فكرت بشيء مو زين واتمنى ان تفكيري كان على صواب

    ^^^^^^^^^^^^

    توووته@

    اشكرك من قلبي اختي


    يمكن اكون غلطت بس نيتي كانت حسنة والله


    ^^^^^^^^^^^^

    eman&eman


    الله يسعد ايامك ويرحم زوجك ويغفر له ويلحقه بالصالحين


    شاكرة لك جدا جدا تواجدك اختي


    الي ما فيه خير لاهله ما فيه خير لزوجته وعياله


    صح وهذا اللي تذكرته يوم علمني بسالفة الفلوس


    دراسة اخته كانت فكرة زوجي نفسه وهو اللي مقترحه على اهله


    لان ماوده اخته تجلس بالبيت

    وتصير على النت 24 ساعة وتسوي اشياء غلط على كلامه


    معليش مااختلفنا بس حنا بعد مالنا ذنب

    انا بجد والله تعبت والحين حاسة بالقهر لانه نام وهو زعلان مني


    وانا زعلانة منه


    هو يحبني ومقدرني بدرجة كبيررررة ويخاف على زعلي كثيرر

    وصحيح علمني بسالفة مصاريف اخته بس يوم فتحت السالفة معه قالها

    بس كمان انا مو مسؤولة عن اخته للدرجة هذه

    جامعة وقبلت انتساب خلاص تركز بجامعتها ودراستها

    وانا والله مو مقصرة حتى مع اهله واهلي مو مقصرين بعد

    لكن بجد قرفت من رمي المسؤولية


    يوم قلت له اوكي وحنا اعطينا 1000 ريال كل شهر مصاريف البيت ومصاريف البنت

    قال اكتبي اللي تبينه من لوزام البيت وانا اشريها وقالها وهو معصب وقال تصبحين على خير


    وانتي الله يسامحك لا تعودينه يشيل يده من البيت او من بنتك ..انتي مو مشكله عندك راتب ..بس البيت و البنت له ولازم يصرف

    اهو مو مقصر يجيب بعض الاشياء للبيت بس طبعا اغلبها مني انا

    وبنته كل حاجيتها مني انا


    طيب ساعديني وش اسوي ماودي احس بتانيب الضمير اني اثقل عليه


    وبنفس الوقت ماودي اضغط على نفسيتي اكثر من كذا
  4. حبيبتي

    هذة مشكلة كل الموظفات تقريبا الرجال يشيل يده من الصرف ويوكله لزوجته الموظفه للأسف

    انتي ما غلطتي انه حسستيه انه بعد هو مسئول عنك وعن بنتك وبيتك

    لكن برأي علشان يحل هالمشكله لازم يتفاهم مع اهله ويحدد مبلغ محدد لهم كل شهر ولا يزيد

    عليه ويقول انا ماأقدر ادفع اكثر انا عندي ديون وبكذا يقدر يظبط الوضع مع اهله

    بس انتبهي تكونين حادة معه بهالموضوع لانه ذلحين يعلمك بكل شي لكن بعد كذا يخاف يقولك

    عن المسأل الماليه مع اهله

    وهذا ادهى ويقهر اكثر فخلي الأمر تحت عينك أحسن

تابعي تجارب أخرى من هذا القسم.