سمبوسة البف ابيها تطلع لينة ومقرمشة بنفس الوقت شلووون + اش الافضل ببيض او بدون

اختي العزيزة m&m حعطيكي طريقة البف اللي اعتمدها من سنوات لينة مرة وتقرمش لما تنقلي 000
المقادير/3 كأس دقيق+2م ط سمنة او زبدة+بيضة +ذرة ملح +كأس ماء

الطريقة/ضعي الزبدة على الدقيق وافركيها بالاصابع ثم اضربي البيضة وضيفيها على الدقيق ثم اضيفي الماء بالتدريج حتى تحصلي على عجينة لينة واتركيها ترتاح ربع ساعة ثم ابدأي باستعمالها مع حشوة اللحم المفروم والبيض المسلوق 0 ان شاء الله تعجبك0

الف شكر لك ياماسة
طيب الله لايهينك ابي اسوي اربع او خمس كاسات شلون اضبط المقادير
وينفع استبدل السمنة بزيت
ولك جزيل الشكر
وسؤال بعد احدى الاخوات بالمندى تقول انه عجينة البف لازم تكون شديدة مو لينة ( انا مادخلت مزاجي الفكرة بصراحة ) بس قلت يمكن عندها خبرة انتي وش رايك

هلا اختي :)

انا سمبوستي ولله الحمد مشهووود لها وخصوصا البف

شوفي ياقلبي 3 اكواب طحين + نصف كاسة زيت + شوي ملح + تقريبا ثلاثة ارباع الكوب موية

بس انتبهي فية اسرار للبف لازم تحطينها ببالك وهي :angry2:

1- تفركين الزيت مع الطحين علشان يطلع فيها زي الفقاعات وانتي تقلين

2-العجينة تكون قاسية شوي

3- اخر شي والاهم انك وانتي ترقينها رقيها خفيفة مرررررررررررررة وتحشينها باي حشوة

4- واخيرا الزيت يكون حامي وانتي تسقطينها حاولي بيدك الثانية تقلبينها بسرعه على الجنبين

باذن الله راح تدعين لي استخدمي الخطوات بدقة وراح تنجح معاااك:icon28:

على فكرة

اذا تبين تضاعفين الكمية وعندك عزيمة

6اكواب طحين وكاسة زيت وشوي ملخ وكوب تقريبا ونص موية

واتنمى اذا طلعت حلوة ومضبوطة تدعين لي ولولدي

بانتظارك عيوني

نفس الطريقة بس انا احطها من غير مقادير والزيت احاول انه يكون قليل شوي
اهم شئ العجينة تطلع قاسية والا ماراح تظبط معاك لأنها لو طلعت لينة بتروحين فيها بتلزق في كل شئ وخليها فترة ترتاح اكثر من ساعة ولا تحطين بيض ابدا

نفس طريقتي <<<ومنذ مبطي