مرحبا يا بنات.. شو الأخبار؟
أول شي بدي منكم تشوفوا هالحلقة من خواطر 3.. ما بعرف اذا بتابعوه بس هالحلقة بالذات بكتني.. مشان الله انتبهوا و لا تكبوا أكل بالزبالة.. حراااام
فيديو YouTube
كيفك هنودة؟؟ هلأ أنا قاعدة على النت و غسان عم يحكي مع خالته على التليفون :) روح قلبو يحكي معها.. و بس آخد منه التليفون بيصرخ علي "دودو دودو" بيسمي اختي دودو..
صاير كتير أزعر و عم يرفع ايده علي.. صحي عم عاقبه بس ما عم يمشي الحال و الله.. كتير صاير عصبي و كل شي عنده NO شو ما قلت بيقلي NO ما في على لسانه غيرها.. بس عن جد لازم تشوفيه كيف قاعد ماسك التليفون متل الكبار و عم يطق حنك و رافع رجل على رجل :)
لوليا.. تسلمي يا رب..و الحمدلله يللي انبسطتي مع ضيوفك.. يللا شديلنا همتك هالكم يوم بالعبادة.. الله يتقبل من الجميع..
زنزون.. لك ألف ألف الحمد الله على السلامة..هيك هاه نورينا بطلتك..
و يا ستي شو ما بدك اسألي أنا بالخدمة.. بس طبعاً اذا بعرف الاجابة :)
و نحنا السوريات كلنا منحس حالنا قريبين على بعض.. نادراً ما اتعرف على وحدة سورية و ما نصير صحبة ضغري.. لك جارتي من أول يوم شفتها و عرفت انها شامية, ضربتها صحبة معها و هلأ بحاكيها كأني بعرفها من سنين مو من شهور.. يمكن أنا كمان باخد وش بسرعة.. مشان هيك ما تزعلوا مني اذا أخدت وش زيادة.. إلي طمع فيكم بنات بلدي..
نجاح و سارة.. الله يتقبل منكم أعمالكم بهالشهر الفضيل.. و الله أنا منحوسة ما زارتني الإخت إلا هلأ :( يللا ان شاء الله بلحق على الأقل آخر 3 أيام...
و لكل البنات الباقيين.. الله لا يحرمنا من طلاتكم علينا.. بعرف الكل مشغول مشان هيك ما حدايق حدا. اذكرونا بالدعاء بس ما تنسونا..
سلامات
مجلس السوريات الجديد عامر بذكر الله عزوجل
متابعة النقاش، صفحة 375