يوميات المجموعة الأولى (من وزن 69 وأقــــــــل) / الرابحه الكبرى2007 ج1

ماشاء الله 16 صفحه كتير كدا مش هلحق احفظكم
يلا اعرفكم بنفسي مره تانيه انا كنت حطيت نبذه عني في موضوع بنفسجيه
خليني اكتبهلكم تاني قصة حياتي
بس اوعوا تزهقوا مني

شوفوا هروح لبنتي وارجعلكم تاني
وعوا حد يمشي



رنرووون و دموع الندم اخباركم ايه ان شاء الله اموركم كلها بخير وتكونا فكرني

و رجعتلكم من تاني

انا يا حلوين كنت في المسابقه قبل سنه مع رنرون و دموع الندم وكان قبل زواجي بكم شهر ووقتها كان وزني 64 واظن وصلت ل 58 وبعد كدا تزوجت و حملت وولدت من شهرين بنوته عسوله ادعولها ربنا يشفيها ويعافيها قادر على كل شيء وبقى وزني 65 هدفي الاول اني انزل للخمسينات والكرشه تروح لان بقى عندي كرشه خفيفه بعد الحمل
لكن انا عمري ما بمشي على رجيم لاني مقتنعه ان الرجيم نظام فاشل لانه بيخلي الشخص يشعر بالحرمان ومجرد ما وقت الرجيم ينتهي خلاص الانسان يرجع ياكل كل اللي كان محروم منه غصب عنه و ترجع ريما لعادتها القديمه
لكن انا مقتنعه ان افضل شيء هو التخفيف وانتي اللي عارفه نظام اكلك وازاي تخففي منه
وكان فيه كتاب اشتريته من جرير اسمه استطيع ان اجعلك نحيفه كانت نصحت بيه اخت في المنتدى والكتاب رائع وافضل نصيحه فيه انك لازم تلغي كلمة رجيم من حياتك وتمشي على نظام غذائي صحي مدى الحياه يعني تغيروا طبيعة الاكل نهائيا وتعدل نظام غذائكم وبدون حرمان
ودا فعلا اللي انا عملته في المسابقه الاولى وكنت راضيه على النتايج اللي وصلتلها كنت بس ماشيه على تخفيف و على الخفيف وكنت بخبص بس عشان انا اللي عارفه نظام اكلي كنت عارفه اني مخففه وان وزني هينزل واللي كان يشوف اكلي مستحيل يقول اني عامله رجيم والمشي في الاسواق كان مساعدني كتير لكن حاليا مش لاقيه اللي يمشي معايا وخصوصا ان بنتي مريضه صعب اخرج بيها كتير بس ناويه ان شاء الله اشتري اوربت تراك واجربها
وانا عندي ادمان بيبسي و شاي والبيبسي الحمدلله بطلته نهائي من كم يوم والشاي ناويه ابدله بشاي اخضر
دي كل حكايتي و ربنا يسهل لان جوزي مايساعدش اي حد انه وزنه ينزل خالص
ياريت كل واحده فيكم تشرحلنا طريقة نظامها وهل هي مقتنعه بيه او لا وايه اللي بتطبخوه على الغدا لان دي مشكلتي العويصه
والحمدلله ان احنا من المجموعه الاولى ويارب وزننا ينزل بصحه وعافيه