همسات قلوب .. حبيبتي احسن شئ انك توحي لنادي صحي لكن انتبهي يعد الولادة الطبيعية لازم تنتظري 3 شهور عشان تبدي تسوي تمارين رياضية و في تمارين مخصوصة لفترة النفاس عادة يعطوك اياها في المستشفى .. اللي اتذكره منها التالي : تمرين عضلات الرحم : اشفطي عضلات الرحم لداخل و عدي للخمسة (الله يعزك كانك ماسكة نفسك من الحمام:01: ) و بعدين ارخي هذا تمرين ضروري جدا جدا جدا عشان عضلات الرحم تشد مرة ثانية و تسويه كل ما تتذكرين حتي و انت ترضعين البيبي( ان شاء الله ) سويه يعني كل ما سويتيه اكثر كان احسن :27:
تمرين تنشيط الدورة الدموية : ممكن البدء فيه اول يوم بعد الولادة و يكون بتحريك الاقدام و انتي نايمة حركة دائرية ( بس الاقدام )
الباقي و الله ما اتذكرهم بس اريد اقولك على تمرين ممتتتتتتتااااااااااز لشد البطن لكن اصبري لين تخلصين نفاس و سويه و هو كالتالي : نامي على ظهرك و ابداي برفع رجليك الى اعلى لين تٌشكل زاوية قائمة مع جسمك بعدين نزليهم للارض شوي شوي لين تصير بشكل زاوية حادة و ارجعي ارفعيهم بدون ملامسة الارض ان شاء الله تكوني فهمتي التمرين تراه يشد البطن و الخواصر بعد
همس القلوب2005 .. حبيبتي في نوعين واحد يكون كرسيه مايل شوي و بظهر يمكن هذا اللي تقصدين انه مريح و الثاني مثل السيكل العادي يعني مرتفع و كرسيه صغير بدون ظهر و اتوقع هذا اللي قصدك مب مريح انا شخصيا افضل اللي مب مريح :o لاني احسه يحرق اكثر لكن اذا كنت من النوع اللي ما يحب الرياضة و التعب خذي المريح تراه بعد مش بطال بس جربي الكرسي قبل لان في بعض الكراسي تعور الظهر :11:
همسات قلوب شوفي يا غالية التمارين حل لكنها حل بطئ اما اذا كنت تريدين حل اسرع في كريم من ماركة sisley اسمه anti- cellulite كريم و الله العظيم ممتاز و مجربته اكثر عن مرة و عمري ما وصفته لحد و اشتراه الا شكرني عليه .. بس مشكلته انه غالي شوي قيمته 390 درهم عشان كذا احس ان البنات في المنتدى مترددين يشترونه و بعدين ما يفيدهم بس انتبهي تستخدمينه الحين و انت حامل و عندي نصيحة لك بخصوص صدرك لان واضح ان جسمك عنده قابلية يترهل بسرعة انتبهي تهملي لبس حمالة الصدر اثناء الحمل و الرضاعة و لا بتشوفين صدرك في اسبوع وصل لبطنك :11: و صعب انك ترجعيله شكله اللي كان عليه قبل الحمل واظبي على تمارين شد الصدر خلال فترة الحمل و الرضاعة و خصوصا خصوصا في فترة فطام الطفل
nana balie حبيبتي في تمرين للصدر و تنفع للزنود وايد سهل و مفيد و هو عبارة عن تجيبين كرة متوسطة الحجم و تمسكينها بشكل موازي لصدرك و تضغطين عليها تعدين لين الخمسة و ترخين الضغط و هكذا 40 مرة في اليوم تمرين 2 تمرين الضغط : الجثو على الركبتين مع وضع اليدين على الجانبين والنزول بالاكتاف ببطئ للارض و الارتفاع ببطئ 20 مرة
رياضة للارداف الداخلية : نامي على ظهرك و ارفعي رجولك افتحي و سكري 20 مرة ( مثل المقص ) و اذا تحطين اثقال خفيفة يكون احسن و اذا ما عندك اثقال البسي حذاء الرياضة :27: