شاركي في النقاش

سجلي الدخول لإضافة تعليق.

التعليقات

1,232
  1. @asyr_zogy_1

    هلا بنوتات صباح الخير اخباركم واخبار الرجيمات ان شاء الله مافي تخبيص بكرة الميزان وان شاء الله نكوون نازلين ....فطوري كالعاده مرتديلا وجبن وماء وخيار


    الغداء بيكون قطعتين همبرغر وسلطه وماء ماخبصت ماشيه تمام بس صار لي يومين مالعبت رياضه ان شاء الله اليوم باعوض

    ان شاء الله كلنل نضعف بصحه وعافيه يارب
  2. @daaaaa_alkhyr

    صباح الخييييييييييييييييييييييرات

    شحالكم بنات وشخبركم ويا الهمه والنشاط والالتزام
    الحمدلله ما دام قدرنا نمسك اسبوعين بنقدر نواصل ان شالله

    الحمدلله الحين الجو حلو وفرصه للمشي
    فخلونا نشد الهمه قبل ما يجي الحر ويكسلنا
    يلا بنات نعم للرشاقه والصحه لا لا لا للكسل والمرض والخمول

    انا اعندي بنت عم ما شاللعه عليها عيالها كبار ومعرسين وقدرت تنزل وزنها تقريبا 25 ك
    صارت تمشي كل يوم ساعه وتخفف اكل عاد حليلها حرمه كبيره ل عندها خبره بالرجيم ولا بالاعشاب ولا غيره

    قالت صرت اكل من اكلنا بس شوي واشرب ماي وايد وامشي وعلى فكره كان عندها الضغط والسكري والحين انضبط ولله الحمد والمنه


    يلا يا اخواتي الي ضعفوا مو احسن منا تراهم مثلنا ناس يشتهوا الاكل والشرب لكن قووا ارادتهم واصروا على هدف لازم يحققوه


    يااااااااااااارب تزهدنا في الاكل وتجعلها اخر همنا
    يارب يا كريم
  3. @kl_alghla_4

    دعاء الخير
    صباح الخييييييييييييييييييييييرات شحالكم بنات وشخبركم ويا الهمه والنشاط والالتزام الحمدلله ما دام قدرنا نمسك اسبوعين بنقدر نواصل ان شالله الحمدلله الحين الجو حلو وفرصه للمشي فخلونا نشد الهمه قبل ما يجي الحر ويكسلنا يلا بنات نعم للرش…
    مساء الخير ..

    اخباركم ..

    <<< مفتشله حدها .. :44:

    تكفون اللي تبي تكفخني تكفخ :mad: وروني العين الحمرا..


    امس كنت طالعه مع اهلي نزلناهم زواج ومالي خلق احضر زواجات ..

    المهم رحت مع ابوي وخواني الصغار ..

    قالو يبون عشاء ..

    وقفنا عن هارديز <<< صبر ماجت الطامه ..

    ويون طلعوا اللا ابوي جايبلي وجبه ..

    دوريني معد تلاقيني .. الوجبه قدامي ومسميه لي ..

    والريحه أأأأأأأأأأأأة بس .. انواع العذاب ...

    حاولت وحاولت ..

    لين تعبت .. خذيت البرجر وقصيته بالنص .. كليت نص وخليت الثاني ..

    وخذيت لي شوي ببسي دايت ..

    وكذا حبه بطاطس مقلي ..

    <<< انواع الغزو المسلح ..

    << عدوان ثلاثي غاشم على غفله .. :icon33:

    وبعدها رحنا نتمشى ..

    وخواني يخذون فشار بالكرميل والملح ..

    هنا انا قلت لا والف لا ما اكل .. والحمد لله قدرت اصبر ..

    وقعدت افر بالمجمع فر يقلبي تعبت ابوي وخواني .. بس كله عشان احرق اللي كليته .. ولو اني ادري ما راح يطير بسهوله ..

    بس الشكوى لله .. المهم رحنا السيارة ..

    وخواني ما خلصوا وناستهم .. يبون تشوكلت ..<< ياقلبي هضمت عشاهم بالمشي ..

    وانا ادري لو بيجيبون بطب معاهم .. وقتها قلت لبوي .. لا خلاص كفايه يتدلعون بس ..

    ماعليك منهم .. :mad:

    بس بعد محاولات خذو وانا طبعا اطالع للجهه الثانيه .. << انواع العذاب النفسي والجسدي ..

    والحمد لله ماخذيت ولا اهتميت .. تدرون ليش .. قعدت افكر العشاء الله تعشيته شلون بيروح .. هل بنقص بالميزان بكرى ان شاء الله ..

    <<< وهذا التفكير سد نفسي وبقوة عن اي شي ..

    واول ما رجعنا البيت ..

    خذيت لي كوب من الخلطه عل وعسى تنجدني شوي ..

    وبس ..

    والحين قمت وقاعدة اخذ من الخلطة برضو على الريق ..

    وسلامتكم ..

    شدو الهمه ..

    بكرا الميزان ..:27:

    بالتوفيق للكل ..
  4. @asyr_zogy_1

    كل الغلا تيبن تكفخ ههههه يالله نعديها المرة بس عليج عقاب ماتخبصين كلش في الاسبوع الثالث تراني اشوفج شدي حيلج مانبي نبي نكون رشيقات وكل من يشوفنا مايعرفنا مشتاقين نلبس وندلع ونكون خفاف شدوا حيلكم والهمه بكرة الميزان وان شاء الله لو كيلو بعد نبيه نبديها خطوة وان شاء الله نوصل
  5. @kl_alghla_4

    أسيرة زوجي
    كل الغلا تيبن تكفخ ههههه يالله نعديها المرة بس عليج عقاب ماتخبصين كلش في الاسبوع الثالث تراني اشوفج شدي حيلج مانبي نبي نكون رشيقات وكل من يشوفنا مايعرفنا مشتاقين نلبس وندلع ونكون خفاف شدوا حيلكم والهمه بكرة الميزان وان شاء الله لو كيلو بعد…


    الله يعين غدا يوم الحسم ..

    بكرا الميزان يا بناااااات شدو حيلكم ..

    الله يعيننا الله لو اكسر حاجز ال100 واصير 97 او 98 .. اللللللللللللللللللللله ..

    ان شاء الله يا رب :44:

    << ميت خوف من اللي هببته امس ..



    تامرين امر .. اللخبطه الجايه بتكون بعد اسبوعين او ثلاث اسابيع ..<<< من الحين تخطط

    اي وربي ودي ارجع لدوام الكليه ويكون شكلي غير ..

    ادري ماراح اتغير حيل .. بس على الاقل بدايه ..

    والتغير الكبير ان شاء الله بيكون على العطله ..

    الله وتدخل سنه رابعه بلوك جديد :icon28: << احلامها ..

    يلا بالتوفيق ..

تابعي تجارب أخرى من هذا القسم.