يوميات المجموعة الرابعة (من وزن 90 وأكثـــــر ) / رشيقات2008 ج2

أنا إن شاء الله بأوزن بكره وأكتب لكم النتيجه وإن شاء الله أكون نازله وأعوض الأسبوع الماضي أدعوا لي يا بنات....

مساء الخيييييييييييييييييييير

<< توي اقوم بعد دوووخه الدوام ..

وطبعا ما وزنت بكرى عندي موعد بالمستشفى بوزن هناك..

لان اللي عندي محتلينه ما رجعوه

<<< بتصير قضيه فلسطين على غفله ..

المهم اليوم افطرت بيضتين وبس ورحتلدوام ع 7 وشوي دوامي بدا على 8 خلصت على 12 ووصلت البيت دايخه ما شوف الدرب ..

خبري قلت لهلي ابي جبن قريش ماجابولي وهو كان غداي ..

ما جابوه يلا على النوم .. بلاها الغدا ..

والحين قمت من ساعه وشوي شفت باب الحارة .. ووقت مع اهلي قلت اجي اشوف البنات واوزانهم ..

^^^^^^^^^^^^^^

سلطانه خير وبركه يوم قفلتي الباب لاني بجد محتاجه انام ..

تخيلي نمت ساعه وشوي وقمت بالغصب وعلى طوووووووول شور دافي مع البرد واكيد الختام مااااي بارد .. عشان الجسم مايترهل والبشرة ما تروح وطي ..

^^^^^^^^^^^^^

هيومه مبروك النزل بس شدي حيلك مو قلنا شطورة وابو الشباب مدحك قعدتي شدي حيلك واعتبري ان اللي سويتيه اقول من 10 % من اللي تبينه وانك مع الايام بيصير هذا نظام حياتك ..

اجل تشتغلين بارامكو ؟؟ اللي بالظهران ..

اجل بجيكم بكرا ... عندي موعد بالعلاج الطبيعي ..

<< اثار طيحه للحين توجعني ..

>>> طلعت من الربع ..خخخخخخخخخخخخخخخخ

^^^^^^^^^^^^^^^^

اسورة ..

مبروك النزول ان شاء الله اكثر واكثر ..

والله يعينك على بنات هالوقت وربي اسمع سوالف اقول انا ماكنت اسوي كذا ..

حتى خوايت اللي بالثانوي يقولون لي سوالف انصدم منها .. انا ماطلعت من الثانوي الا من 3 او 4 سنين يصير هالتغير كله ,,

والله حاله الله يعينك .

^^^^^^^^^^^^^^^^^^

راح العمر ..

بالتوفيق حبيبتي بس شدي حيلك ..

وهالله بالنظام الغذائي عشان جسمك وبشرتك وشعرك ...

اني ممكن تضعفين كذا بس وش فايدة نعدل شي ونخرب شي ثاني ..

بالتوفيق

^^^^^^^^^^^^^^^

الوفاء اخيرا شفناك ..

بالتوفيق يا قلبي ولا تطولين علينا ..

وربي لك وحشه ..

والف مبروك النزووووول ..

شدي حيلك وودعي ال90 ..

^^^^^^^^^^^^^^^^

غادة دااانه شدو حيلكم ..

وان شاء الله كلنا نكون ضاعفين هالأسبوع ..

وبالتوفيق ..

واسمحولي ان نسيت احد .. دوخه اول يوم دوام مهي مخليتي ..

الحمد لله بكرا اجازة << ما صدقت بدت عندها بكرى اجازة ..

شرايكم راحه على الاخير مووووووووو

خخخخخخخخخخخخخخخخخخخخخخخخ

من موجود الحين ؟؟؟

الله يبارك فيج يا كل الغلا وبالفعل لج غلا كبير (:

والله يوفق الجميع


واتمنى الاسبوع الجاي اكون نازله 2 إلي 3 كيلووووووووو بإذن واحد احد

والله يوفقج واتكونين نازله نزول حلوو هالاسبوووووووووع


وانا موو جوده الحين ..(:

سبحان الله ..

دخلت وانا شايفه اني اخر رد بصفحه المواضيع ..

قلت اقول ادخلي يا بنت وحمسي الموضوع لا ينام في الصفحه الثانيه ..

واجي الاقي احلى مفاجأة الوفاء موجودة ..

ان شاء الله يا ربي ..

يا رب توصل كل وحدة للي تبيه .. بصحه وعافيه ..

وان شاء الله اكون نازله بكرا من جد اليوم لبست لبس من زمان مالبسته ووقتها كان مفصل جسمي .. والحين لاوالله امشي وانا واثقه .

احس عمري من جد ضعفانه ..

الله يتممها واعرف كم نقصت بكرى ..

ابي اكسر حاجز ال100 من دووووون رجعه ان شاء الله .. قولو امين ..

وان شاء الله رجيم الدكتور اسامه حمدي اللي ماشيه عليه يجيب نتيجه ..

يا الله يا رب ..

الوفاء ..

شخبارك ؟؟

وين كنتي غاطسه الفترة اللي طافت ..؟؟

لاتكونين زعلتي من خواتك وقلتي اغيب واشوف غلاي ..

حرام عليك لا تعيدينها نهون عليك ؟؟

ان شاء الله بتكسرين ال 100 وما بتشووفينهاا ثاني ابدا ابدااا

وحلوو الشعوور لما تلبسين شي كان مش قيااسج (:


انا امس لبست قميص عمري ما لبسته شرته ماما من زمان ما اعرف كم سنه ولا انلبس وقعد بالكبت لين أمس لبسته قدام بنات خوالي وخالتي كنت اقيس والكل قالي حلوو إلبسيه ولبسته ورحت التجمع بيت جددتي

والحمد لله إلي يمدح من هنيه وإلي يقول ما شاء الله من هنيه وإلي يقول ضعفانه ومن هالكلام إلي الواحد اشتاقله من زمان ما سمعه


(:


وانا اخباري تمام والحمد لله .... اليوم رحت السوق وشريت احم احم ملابس داخليه اصغر بمقاس من مقاسي (:


واشوف الملابس واقول لا صبري مو الحين تشترين لما تنزلين اكثر باذن الله بتشترين احسن


وما خاتفيت عندكم بس كنت احس بشويه ضيق فإبتعدت شوي ..... بس ما اتهوونون علية والله ....... الاني معاكم اتحمس اكثر واكثر ........ واقدر اعبر عن إلي إبخاطري قدامكم الانكم تفهمووني واتعاانووون مثلي ........


ومع تشجيعكم إلي ما ستغني عنه

وتشجيع الدكتووووووووور

والحمد لله رب العالمين لين اليوم نازلة 15.2 كيلوووووو

والحمد لله كما ينبغي لجلاال وجهك وعظيم سلطاااااانك