من تبدأ معي الرجيم تكفوووووووون :(

حبيبتي راح ابدء معاك ونتشجع

واذا على الامساك كلي زيتون 7 حبات على الريق

االله يعينك حبييتي .... وان شاء الله تنحفي....

اذا عالتخفيف انا وياج.... بس انتي عرسج في شهر 7 يعني الفستان ولبسج لازم يكون جاهز قبل شهر 7..... يعني بالكثير نهاية شهر 6... يعني بالعربي عندج شهرين واشوي عسب تنحفين....

انا اقول سيري عند اخصائية... لانه هالشي بيفيدج تنحفي اكثر... وتلزمي نفسك على نظام واحد.... لانه بيني وبينج التخفيف ما يفيد بعض المرات لانه الوحده تقول قطعة حلاوة ما تأثر.. أو اذا كليت شيبس ما ياثر... وهالشي يزيد ويزيد مع الايام....

وما اريد احبطك بس هالشي لازم تعرفينه ولازم تسوين ريجيم بس مب قاسي بسبب فقر الدم اللي عندج ((الله يشفيج ويعطيج الصحة والعافية ان شاء الله))


والخل وايد حلو ..... عن تجربة أقول انه حلو للترهلات وللخطوط....


والبدله حلوة بس مع رياضة.... وامشي كل يوم.... ابدي بالمشي البطيء لمدة كم من يوم.... وزيدي السرعه بعد فترة...



وخليكي من كلام خطيبك اذا كلامه يسبب الاحباط..... اهم شي انتي تشوفي نفسك ملكة جمال في يوم عرسك..... وهالشي يباله اراده....


وافضل انك ما تشوفيه الى يوم العرس.... واذا سألك كل يوم عن الريجيم جاوبيه وقولي كل شي ماشي تمام....


وعالامساك أشربي الملينات.... في الأسبوع مرتين أو ثلاث مرات... على حسب الامساك اذا كان قوي او بسيط.....


وان شاء الله اكون افدتك وما احبطتك......


والله يعطيكي الاراده والقوة والصحة والعافية.....

موفقه ياعسل

وبالنسبه للامساك لبن أكتيفيا مررررررررررررررررررررررررره ممتاز من جد ينظم عملية الهضم عن تجربه

يسلمووووووووووووو الله يعطيكن الف عافية يابنات

والله يجزاكن الف خيررررررررررررر

كلامكن كله استفيد منه وررربي

شوفي يالحبيبة ..... أنا مثلك تزوجت وأنا متينة (كان وزني 75) وزوجي يحب النحف
نصييييييييييحة مجربة ......
إنحفي قبل لا تتزوجين بأي طريقة ..... قطعي نفسك ..... صومي ..... موتي من الجوع بس لالالالالازم تنحفين
وخلي عنك دلع البنات وليش هو يقول لي كذا وكذا (معليش سامحيني بس لأني حاسه بوضعك)
ترا أنا اكتشفت وبعد سنين انه من حقه يطلب هالطلب والدليل كلام نبينا اللهم صلي وسلم عليه(والتي إذا نظر إليها سرته) مو ....والتي إذا نظر إليها ....كدرت خاطره

هالكلام أقوله لك ولنفسي ولأي وحدة مو مقتنعة إن الرجال من حقه يطلب هالشي بزوجته >>>بالعكس هذا دليل إنه إنسان كويس وصريح (مو دفش وسطحي)ولا تبغين الرجال اللي يضحك عليك ويقول لك أنتي كذا عاجبتني >>>وتتركينه لل:30:
يوسوس له وإنتي تعرفين الباقي

لأ........ إنتي ملي عينه (جعل عيونهم الفقع هالرجال ) وخليه يحس إنك الجميلة الوحيدة بهالوجود
وهذا الإحساس لن يتم بدون جسم والله لو ان خشمك سلة سيف وعيونك عيون المها وبياضك بياض الثلج ما يشفع لك مع رجال هاليومين إلا الجسم سوا زوجك أو غيره
حتى اللي يقال له ديموغراطي:15: ويقول أنا أحب المتينة هو قصده الأجسام الوسط الرويانة مو الأجسام أبو قطع سندوتشات عالأجناب وسلوليت عالأفخاذ ويدين تقل مصارع
حبيبتي السمنة ممكن تسبب لك تعاسه بحياتك الزوجية .... ممكن تأخر حملك(وروحي عيادات النساء وشوفي البنات اللي قاعدين بالإنتظار أغلبهم سمان) .... حتعيقك عن القيام بأعباء البيت اللي تحتاج خفة ورشاقة

أرجوك أرميها ورا ظهرك وأدخلي الحياة الزوجية برونق حلو وحافظي على جسمك دايما نحيف دام زوجك من طقة زوجي
اللي رغم إن توي جايبة له توأم بعملية قيصرية وهاااالكني انحفي انحفي انحفي
ويا شيخة الله يعيننا ويكتب لنا الأجر ويسخرهم لنا بس ((لا تستهينين بالموضوع خذيه جد جد جد دام زوجك كذا )))

بالنسبة للإمساك عبيها خس لين تقولين آميييين وإنتي تشوفين كولي سلطة كثيييير وبالعافية
وبالتوفييييييييييييييق لك يااااارب الله يتمم لك على خير ويسعدك دنيا وآخره وآسفة عالإطالة