ملف للاكلات المصرية

صيادية السمك/
نصف كيلو سمك بلطي مقشر ومقلي
2بصلة كبيرة مبشورة
ملح- فلفل-زيت

يحمر البصل في الزيت حتي يحمر لونه يضاف 3كوب ماء والملح والفلفل ويترك ليغلي
يضاف السمك ويترك يغلي لمدة 5 دقائق ثم نطفئ النار يغرف ويقدم مع الارز الصيادية
وممكن ان تشرب الشوربة

:cook:

الارز الصيادية

بصلة كبيرة مبشورة
1كوب ارز
1طماطم مبشورة
ملح -فلفل-زيت
ماء


تحمر البصلة في الزيت حتي تحمر
تضاف الطماطم وتقلب
يضاف الارز والملح والفلفل
يضاف الماء بحيث يغطي الارز ويقلب
يترك علي نار مرتفعة حتي يغلي ثم تهدا النار حتي يستوي
يقدم ساخنا مع الصيادية
يمكن ان يقدم مع السمك المقلي:cook:

شكرا اختي عاشقة الرومانسية علي الرد

المهم انا قصدي صينية الكوسة في الفرن


و كمان عندي مشكلة إني لما بعمل أرز الصيادية مش بيطلع غامق! زي مامتي لما بتعملوا ، وتفتكري ممكن نزود شويت كمون و ثوم علي الرز عشان يعطي طعم السمك و لا ايه رأيك ؟؟؟

وانا اشتريت سمك فيليه امبارح و عاوزة اعملوا في الفرن عندك طريقة حلوه كده ؟

واللهي انا أسفة أني تعباكي معايه ، جزاك الله كل خير حبيبتي علي نفسك الرائع في الأكل المصري اللذيذ !

:cook: :24:

اختي ام جنان تعبك راحة انتي تؤمري
بالنسبة للرز الصيادية ممكن تغمقي البصلة علشان يطلع غامق وانا افضل اني لا اضيف له ثوم او كمون


بالنسبة للسمك الفيليه ممكن تعمليه صنية بالثوم والكزبرة الخضراء
ثوم مفروم وكزبرة خضراء مفرومة وملح وكمون وفلفل اخضر مطحون
تتبلي السمك بالخلطة السابقة وترصيه في الصنية المدهونة زبدة
وتضعي قطعة من الزبدة علي الوجه وبعض الماء
تغليه علي النار الاول علشان ما ينشفش وبعدين تدخليه الفرن
الطريقة دي سهلة وسريعة
وبالهنا والشفا:27:

صنية الكوسة باللحم المفروم

1ك كوسة مقطعة حلقات
نصف ك لحم مفروم
2 بصلة مبشورة
2كوب عصير طماطم مصفي
ملح -فلفل
1ملعقة سمن
الطريقة
نضع البصل مع اللحم علي النار حتي يغلي
نضيف الطماطم والملح والفلفل والسمن
نتركها لتغلي حوالي دقيقتين
نضع الكوسة ونقلب ثم نضعها في صنية ونزودها بالماء اذا احتاجت
ثم ندخلها الفرن علي نار متوسطة حتي تستوي:24: