شاركي في النقاش

سجلي الدخول لإضافة تعليق.

التعليقات

348

  2. @marybyl_hoaaa

    ااااااااااااااااااااااااااااااااااااااااااااااااااه ه ه
    ولدي ضاع دقيقه بالمنتزة
    على طول على لساني
    اللهم اني استودعك ابني فاحفطه لي <<<<<<<<<دعاااااا مهم يحفط الله ولدك باذنه
    وناادور واصيح حتى لقووووووه وهو قاعد يلعب كورة ماشالله مااهتم ونا بنفقع من الصياح

  3. @am_ogh_alsaad

    انا لله الحمد والمنه لحد الان ما ضاع احد من عيالي و إن شاء الله ما احد يضيع منهم
    بصراحه ابوهم حريص عليهم لدرجه القلق وانا كمان حريصه بسسس هو مرعب في حرصه
    لدرجه انهم صاروا على طول يدوروا لبعض ويحرصوا لبعض
    وطبعا هذي الاشياء مقدره تحصل للشخص حتى لو كان حريص
    بس اذكر مره كنا في جده وتركت عيالي عند اهلي عشان ارتاح ولا يجيبوا لي القلق هم وابوهم
    لكن صادفت وحده ضيعت ولدها وكانت تدور زي المجنونه في سوق القناص وطبعا السوق مفتوح
    صارت تدور في المحلات والشارع طالعه نازله والمشكله انه ياحبت عيني ماهي قادره توصف
    ولدها للامن ولا تعطيهم اوصاف الملابس اللي لابسها الولد بس تصرخ باسمه ومو قادره تكلم
    احد في الجوال عشان يجي يشوفها ويساعدها لا نها نسيت الرقم السري حق الجوال

    يعني تعطلت قدرتها على التذكر من الروعه والله اني بطلت اتسوق وقعت ادور انا وزوجي والناس
    معاها لين قالنا رجل امن انهم حصلوا الولد وانا خلاص قلت لزوجي رجعنا البيت نفسيتي تعبانه ومسكني
    صداع فضيع لين ثاني يوم وانا نايمه واشرب بنادول عشان الصداع
    وقعدت اقول اذا انا كذا حسيت وهو مو ولدي اجل هي ايش حست اكيد اكبر من احساسي بكثير
    ساعتها صرت اقلق زي زوجي واكثر كمان وقعد يقولي زوجي هذي اللحظه اللي ما ابغى اجربها


    الله لا يورينا مكروه في عيالنا ويحفظ الموجود ويرد الغايب يارب

  5. @aayon_saad

    ام وجه السعد
    انا لله الحمد والمنه لحد الان ما ضاع احد من عيالي و إن شاء الله ما احد يضيع منهم بصراحه ابوهم حريص عليهم لدرجه القلق وانا كمان حريصه بسسس هو مرعب في حرصه لدرجه انهم صاروا على طول يدوروا لبعض ويحرصوا …
    بسم الله الرحمن الرحيم :

    يوه قطعتوا قلبي أنتوا و مواقفكم ، ما أدري وش فيني كل ما قريت قصة ضياع أتخيل عيالي على طول ، الله يحفظ لنا عيالنا يارب..

    عيالي يم ويم سووا فيني مواقف مرعبة ، بس أنا اذا تجيني مثل حاجة باردة تنصب في ظهري و ما عاد أقدر أتكلم أو أتحرك ،، الله يرحمنا برحمته..


    بنتي يوم كانت صغيرة ضاعت كم مرة ، مرة لما كان عمرها سنة و عشر شهور تقريبا ، المشكلة ما ضاعت لا في سوق و لا حاجة ، كنت في زيارة لجدي أسلم عليهم ، و كان بيتهم في حارة نصفها قديم و كله هنود و عمال ، المهم أنا كنت داخل عند مرة جدي ، و أبونا كان في المجلس ، المهم خلصنا و قلنا بنروح أنا كنت حامل في السابع ، بنتي كانت تروح و تجي بيني و بين أبوها هي جاتني و قالت لي بابا يقول يا الله ( عيالي بسم الله عليهم يتكلمون بدري ) المهم أنا أحسب أبوها طلع قلت يا الله خلاص روحي مع بابا با ألبس غطوتي ، هي طلعت و لما طلعت ماشاء الله قابلت أبوها وهو طالع من المجلس لحاله قلت وين البنت قال مو معك ، قلت يمكن داخل فرجعت لهم داخل أدور عليها ما لقيتها ، ندور عند المراجيح ما لقينها ، بغيت أنهبل ، طلع أبوها و خالي يدورون عليها و المشكلة ليل ، لقوا أولاد يلعبون ، سالوهم: قالوا انهم شافوها مع أثنين في سيارة مرت من هنا ،، و يرجعون لنا ، بغى ينهبل أبوها خاصة أنه البنت بتجنن و انا ملبستها فستان أحمر على أساس عيد و طالعة تهبل ، أنا بس أطل في الشارع و عظامي ترجف..

    الا خالي راجع وهو يقول لقينها ، و أبوها شايلة ، أتاري الاثنين الله يجزاهم خير لقوها وسط الشارع و الحمدلله أنها لابسة أحمر و الا كان راحت صدموها لانها كانت صغيرة ، فركبوها معهم و صاروا يدرون بها ، أنا من الروعة حضنت بنتي و طلعت حتى ما قلت مع السلامة و لا طمنتهم ، و طول الوقت بس أبكي و أحضنها ،، و من الروووعة تأخرت ولادتي لانه حسيت أنه ولدي طلع على فوق ...

    و زوجي يقول حبيت أهل جيزان من بعد ما لقوا بنتي لانهم كانوا أثنين من جيزان ، الله يجزاهم خير و يرزقهم الجنة و يوفقهم وين ما كانوا...

    هذا مرة...


    المرة الثانية ، كنت طالعة للسوق مع أهلي و كانت بنتي تقريبا 3 سنوات ، و كان معي ولدي في عربيته ، المهم قابلنا خالي فطلب من أخت تروح معه تختار لبنته ربطات شعر زوجته موصيته عليها ، بنتي لحقتهم فقلت لأختي أمسكيها ، المهم غابوا عن عيونا لانه جلست أن و أمي نرتاح على الكراسي الى أن يجون ، لانه خلاص مخلصين و بنمشي ، المهم شوي رجعوا خالي و أختي ، و بنتي مو معهم قلت وينها ، قالت أختي الباردة: أنا قلت لها أرجعي لأمك ، و راحت و خلتها و البنت وش عرفها ؟؟ مشت ماعاد تدري وين تروح؟؟

    أنا جاتني نفاضة خاصة أنه أبوها مو معانا ، فقال: خالي هدوا هدوا ، الحين بجيبها لكم أجلسوا أنتم هنا ، و يروح يدورها أناري لقاها هندي تبكي ، و جلس يدور فيها و تدرون من لقاها ؟؟؟؟؟؟؟




    حزروا









    عماتها كانوا معانا في نفس السوق صدفة لقوا الهندي يدور فيها و أخذوها منه ، بس على طول لقاها خالي معهم و سحبها منهم ، و قال لهم أنا خالها ، و طبعا البنت عرفته ،

    و جابه لي و أنا خلاص جلست رجولي ما عاد تشيلني بس أطالع في اللي رايح و اللي جاي ، و لما جابها حضنتها و جلست أبكي و انا و اياها على الارض ،،ن

    و بعدين فضيت لأختي و هاتك يا هواش و تهذي ، و ما قصروا الباقيين فيها تستاهل ، أجل أحد يقول لبز 2 سنوات أرجعي لأمك و هي بعيدة و يروح عنها ، و الله بغيت أذبحها..

    و كل ما ذكرته الحين يضيق صدرها و تقول و الله كنت مهبولة..





    هذي بنتي ، أما ولدي فله كم موقف بعد ، شوي أحكيهم لكم.. و بعدين بقولكم على أكبر موقف ضياع في حياتي..

    شوي بس و راجعة..

تابعي تجارب أخرى من هذا القسم.