التجمع الثالث لستات البيوت الشاطريين جداااااا

مادو فعلا كلامك صح
الصابون مصنوع ن\من الزيت وانا فعلا امتنعت عن استخام الخل
فى الحمام بكتفى بالكلور لكن بستخدم ملح اليمون مع الفيرى
لازالة الدهون فى المطبخ لكن محتاره هل الفتوى تنطبق ايضا على ملح الليمون
اتمنا باقى المجموعه تفيدنا
مادو ما تنسنيش فى الدعاء انتى وباقى البنات

عروس
ربنا يفك كربك ويهديكى الى الفعل الصواب وتحسمى اى مشكلة بما يرضى الله تعالى
وبما فية الخير لك ولاولادك ان شاء الله

صديقاتي الاعزاء...

مش عارفه بس بقى لي نص ساعه بحاول اكتب و مش عارفه

عموما انا حاسه اني مش بقيت مفيده بالنسبه لكم و غالبا بتتخطوا اي مشاركه بحاول اتواجد فيها

عموما انا متابعاكوا و هفضل بحبكوا جدااا

عطر
بالعكس انا بحب مشاركاتك جدا
بالعكس كثرة المشاركات واختلاف الاراء
بتجعل الموضوع مفيد
وكلنا بنتعلم من بعض يعنى لو كل
البشر متشابهين فى كل شىء
الحياه فعلا حا تكون صعبه جدا
فلازم كلنا نكمل بعض واكيد
كل واحده فيها ميزه مش موجوده عند الاخرى
وبحب تعليقاتك جدا وفى رساله حا اكتبها
اتمنى تردى عليه

صباح الخير يا بنات
الاولا
طبعا لازم ادعوا لعروس النيل
يارب يفرج كربك يا حبيبتي
و يهديكي للخير
و ييسرلك الخير باذن الله

ازيكوا كلكوا يا وحشيييييييييييييييييييييييييييييييييييين
ماحدش بيسال عليا غير عروس النيل و مادو
شكرا يا حبايبي و الباقييييييييييييييين وحشييييييييييييييييييييين

ههههههههههه
ماشي

ع العموم
انا باشتغل و امي بتشتغل و ح اقوللكم رايي في عمل المراة
اولا انا حاسة ان الموضوع بيختلف من شخصية لاخرى يعني انتي تقدري
تنظمي وقتك بطريقة كويسة ولا لا؟؟؟؟؟؟
لاني ما باشوفش شغل البيت بياخد وقت كتير لو انتي منظمه وقتك كويس
ثانيا الزوج و مدى تفهمه لعمل مراته يعني مش قاعد لها ع الواحده
و لو قصرت يقعد يانبها و فيه كمان رجاله ماشاء الله بيساعدوا كمان في شغل البيت
و مسئوليات الولاد يعني بيبقى عامل مساعد للمراة
ثالثا طبيعة الشغل يعني لو الشغل بيحتاج مجهود ووقت كبير خارج البيت
ولا شعل طبيعته مريحه نوعا لان مافيش شغل سهل
ومدى التفهم اللي بتلاقيه من مديرينك وجو العمل نفسه
لو كان الجو دايم التوتر يبقى قلته احسن
ربعا مدى المساعدة اللي بتلاقيها من اللي حواليكي
يعني
-الزوج
-الام
-الحما
-اخواتك او اخواته
لو حد من دول ح يساعدك وولادك سنهم صغير طبعا بتفرق
انما لما الولاد بتكبر بيبقىاعتقد من السهل تنظيم الامور
و امي كانت معودانا نتحمل مسئولية نفسنا من و احنا اطفال
يعني ترتيب غرفتنا
صندوق اللعب
عمل الواجب
يوم الاجازة كلنا بنرتب البيت مافيش فرق بين ولد وبنت
بس طبعا الولاد كانت مهماتهم خفيفه جدا
انتوا عارفين الحاجات دي بتفرق جدا

خامسا مدى حاجتك و حاجة اسرتك للمرتب بتاعك
يعني اوازن بين حاجة البيت للمرتب و حاجته ليا
لو البيت محتاجني اكتر بالتاكيد ربنا بيرزقنا من حيث لا نحتسب
ومش حابه ان اساس الشغل يكون الفلوس
لان برضه اي فلوس مش ح تعوض لو الولاد فاشلين

و عندي كلمة اخيرة في الموضوع ده
باحس ان المراة العاملة بيبقى عندها رغبة انها تعوض جوزها وولادها عن غيابها فترات عن البيت
و الله فيه ستات بيوت ما بيعملوا شغل بيت كويس ولا بيربوا ولادهم كويس
مش علشان ستات بيوت ولاعلشان موظفين انما علشان هما مش ستات بيوت شاطرين

وبعدين فيه نماذج كتير لستات بيوت و للسيدات عاملات ناجحين
فزي ماما زوزو ما قالت انا مع الراي ده كل حاله ليها خصوصيتها