قعدة ستات..(التجمع الرابع لستات البيوت الشاطرين جدا)

نور المستقبل تنورينا وتشرفينا
مادو انتى حبيبتى بجد من قلبى
انا بفكر نعمل حضور وانصراف للتجمع وانتى تشرفى عليه
وال يتأخر علينا نعاقبه ايه رايك
بالنسبه للمكرونه بشاميل بعمل معاها بطاطس بيوريه وسلطه
صينية الجلاش ممكن بيوريه وحا اجرب طريقه جديده انى اعمل شعيريه
بالخضار لو حابه اكتبها
بالنسبه للباذنجان حا يعجبك جدا والولاد حبوه وخليهشرائح وسط
لاتخين ولا رفيع واسالى براحتك وانا معاكى
سلام

مساء الخير عليكو والف مبروك على تجمعنا الجديد

البنات الحلوين اللى مش بيسلقوا اومال بتطبخوا بأية بمية وماجى؟؟؟؟؟؟؟
طب شوربة الخضار والملوخية يا جماعة ماينفعوش من غير شوربة

انا بسلق عادى بس بشوح اللحمة بعد كده مع توم وفلفل حامى او بارد عشان الاطفال وملح وفلفل اسود بتبقى رائعة

او مع بصل وفلفل وطماطم بتبقى حلوة جدا

والفراخ كنت سالقاها امبارح وحمرت جزء مع اروز وملوخية بواقى امبارح عملتها النهاردة مع بصل وفلفل ورشة هيل ورشة جوزة الطيب وملخ وفلفل وكارى وعملناها ساندوتشات كانت تحفة ما شاء الله

نور المستقبل
منتظرينك كل يوم
عين
ازيك؟
عروس
عملت الباذنجان يا جميل وعجب جوزى جدااااااااااااااااا
بصى لو قصدك الشعرية شوربة قوليها يا ريت
عشاان انا بموت فى الشوربة
وانا بعمل جنب الصولنى دى شوربة لسان عصفور وبطاطس محمرة وفى ناس بتعمل لحوم تانية جنبها

روشانا

نفس سؤالى والله ليهم

يعنى يا بنات لما اتجوزتم مكنش فى اختلاف بين اكلكم واكل اجوازكم؟
يعنى انا كنت بحب فتة الملوخية نفس الفتة بس بدل الشوربة وصلصة الخل والتوم ملوخية
لكن هو ميعرفهاش
وفى فتة بالرقاق الناشف والشوربة فقط من غير رز وخفيفة وجميلة