بنات من جربت حشوة فطيرة التفاح
اللي هي تفاح مبروش +قرفة مطحونة
تنحط في عجينة السمبوسة وتلف أصابع وتقلى بالزيت
قالت لي عليها وحدة بس ماأدري مااقتنعت حسيت انها ممكن تنفك في الزيت
طيب مين عندها أي نوع عجينة أو حلا مضمون مكون من التفاح والقرفة
وألف شكر
شاركي في النقاش
سجلي الدخول لإضافة تعليق.
التعليقات
20- حياك الله وبياك
انااستخدم هذه الطريقة بصراحة تطلع حلوة مرة
اصبع زبدة
كرتون جبن
سكرمطحون فنجان قهوة
فنجال موبه
تخلط المقاديرمع بعض وتترك العجينة شوى بعدين تفرد وتحشى بالتفاح والقرفة وتشكل على شكل اصابع
جربت سويتز حليوة لكن العجينة احلى واذا بغيت تقلينها ضعى على الاطراف طحين بعد خلطه بالموية تمسك ولاتتفكك - هلا أختي مشكورة على الرد
بس معلش ماقلتِ لي كم مقدار الدقيق ؟
والجبن كيري ولا مثلثات ؟
وبعدين نفردها ونقطعها مستطيلات ؟ - هلابك
الجبن مثلث والطحين أنابصراحةمااقيس بكأس اضيف الطحين لين تصيرالعجينةزينةماهيب قاسية ولالينة
بعدين تفردينها وتحطين الحشوةوتقطعينها مستطيلات
يس شوفى للامانةترى اغلب شى افردها بصينية بايركس ثم اضع التفاح واكون مخليه بعض العجينة بالفريزر وابشرها فوقها واحيانا بدل التفاح يكون مربى
والله يوفقك - مشككووورة وماقصرتِ ربي يسعدك
- انا طريقتي اللي دايم أسويها وسريعه وخفيفه ولذيذه ( فطيرة البف باستري بالتفاح )
الحشوه : ابشري 2 تفاحه وحطيها بقدر واضيفي لها فنجال سكر وقلبيها على نار هادئه لين يذبل التفاح بعدين اضيفي لها ملعقه قرفه وقلبيها شوي
ملاحظه :لما تبرد الحشوه يمكن تفريزها بعلب صغيره لحين الحاجه
الطريقه : جيبي مربعات البف باستري ( لا تفردينها خليها زي ماهي ) وخرميها بطرف الشوكه ( علشان ما تنفش بقوه وتنفتح بالفرن ) بعدين قصي كل مربع الى جزئين واحشيها بالتفاح وقفليها بالشوكه
رصيها بصينيه تيفال مدهونه بشوي زيت ودخليها لفرن حامي , لما تستوي شقريها من فوق
بعدين رصيها بصحن التقديم وسقيها بالحليب نستله المحلى
وعليكم بالعافيه
مواضيع مشابهة
تابعي تجارب أخرى من هذا القسم.