بنت خالتي طوووووووووووووول عمرها دوبه
وطووووووووووووووووول عمرها تغاااااااااار مني
ومن هيا صغيرة وهيا دوبه و انا انحف منها
و اتربينا مع بعض بس الناس هما اللي ولعو قلبها من ناحيتي
دايما يمدحوني في كل حاجه ويهزأوها على كل حاجه
وانا احبها و اعتبرها اختي وهيا تغار مني وتحسدني :09:
المهم حبايبي قبل كم سنة كان وزنها فوق 90
كنت جالسة معاها في مجلسهم نهرج
قمت من الكنبة ابغى امشي لبيتنا وكان بنطلوني
نازل شويا من خصري وانا رفعتو
وهيا فهمت انو انا ابغى اقهرها بجسمي <<< شوفو تفكيرها كيف :(
قامت اشرت عليا بصباعها من فوق لتحت وقالت:
شوفتي جسمك دا اللي فرحانه بيه اقدر اخلي جسمي زيو
انا كتمت من كلمتها وبصراحه انصدمت من تفكيرها ولا رديت عليها ومشيت..
و انشغلت عنها تقريبا فوق السنه بسبب ظروف حصلت
واتقابلنا بعدها .. البنت نحففففت من 90 للـ 60
ماشاء الله لا قوة الا بالله
وقالت انو نفسها انسدت عن الاكل ولو حست بالجوع اكلت حاجه خفيفه
وانا مرررررررره فرحتلها وجلست اشجعها و اقولها لاتنسي
الرياضة علشان الشد وجلست اعلمها بعض رياضات الايروبك
و قلتلها بصراحه جسمك سار روووعه حافظي عليه
عارفين ايش ردت عليا؟؟؟؟
قالت انا مارح ارتاح الا لمن اسير انحف منك
والله ارحمها و اشفق عليها .. الله يهديها قولو آمين
:26:
تعرفي وحدة صديقتك قريبتك جارتك اختك نحفت نحف فظيع وصار جسمها روعه ادخلي/ قديم
متابعة النقاش، صفحة 93