شاركي في النقاش

سجلي الدخول لإضافة تعليق.

التعليقات

771

  1. @haya_2

    السلام عليكم ورحمة الله وبركاته

    سبحان الله تقريبا اغلبنا بنفكر بنفس الطريقة وفي نفس الوقت لسه كنت بقول بيني وبين نفسي من اول السنة الجديدة هبدأ انظم وقتي في البيت بالاجندة واحدد شوبة اهداف اعملها كل يوم لان للاسف بنعمل كل حاجة ونيجي على وقت عبادتنا
    وكنت بفكر اني عايزة اعمل جدول شهري للعناية بنفسي واعلم كل يوم عملت منه ايه

    ارجو عفو ربي
    ما شاء الله لا قوة الا بالله تنظيمك اكتر من رائع

    سها
    مالك النهاردة فيكي ايه اجمدي كدة واستغفري طول ما انتي قاعدة

    حبيبة اوسو
    انا بعمل زيك في الحمد بس بداله الاستغفار بحاول على اد ما اقدر كول ما انا صاحية في المطبخ في المواصلات في اي مكان استغفر ربنا ويمكن ده راجع لاحساسي الفظيع بالتقصير في العبادات والنوافل ربنا يعني على حسن عبادته وطاعته

  2. @almlk_alromansy

    هايا
    السلام عليكم ورحمة الله وبركاته سبحان الله تقريبا اغلبنا بنفكر بنفس الطريقة وفي نفس الوقت لسه كنت بقول بيني وبين نفسي من اول السنة الجديدة هبدأ انظم وقتي في البيت بالاجندة واحدد شوبة اهداف اعملها كل يوم لان للاسف بنعمل كل حاجة ونيجي على …
    انا عايزة اقولكم يا بنات اني بجد باحبكم كلكم في الله
    انا ياما قريت حاجات عن التنمية البشرية وتطوير الذات وحاجات من دي كتير
    وياما اتعرفت على ناس
    وياما اتحطيت في مواقف فكرت فيها اني اتغير واتطور للأحسن
    لكن بجد عمري ما عرفت ناس غيرت حياتي زيكم
    انا طول عمري اتكلم عن الوقت اللي بيضيع من بين إيديا ومش مقضي أي حاجة والحياة اللي بقت صعبة
    انما عمري ما اعترفت لنفسي بالسبب الحقيقي
    مع اني عارفة السبب كويس
    بس عاملة زي العيل الصغير اللي لما بيغلط غلطة بيدور وشه الناحية التانية كأنه ما شافهاش ومعملش حاجة
    لكن النهارده بالذات مقدرتش أمسك دموعي قدام الكلام اللي قريته
    قررت اني أفضح نفسي قدام نفسي
    قررت اني أواجه نفسي بالسبب الحقيقي اللي مخلي حياتي ملخبطة وضايعة
    حتى ولو كان التمن غالي
    حتى ولو كان ده هيخلي صورتي تتهز قدامكم
    السبب الحقيقي
    اني مقصرة جدا جدا في عبادتي
    ومقصرة جدا جدا في علاقتي بربنا
    من سنين وانا باخد مسكنات لكل مشاكلي من غير ما احل السبب الحقيقي للمشكلة
    ايام كتير بتضيع مني من غير ما اصلي أصلا
    ويوم لما باصلي ممكن أصلي 3 فروض من الخمسة
    والقرآن ما بافتحوش من السنة للسنة
    وأحيانا ممكن أصلي قيام الليل لكن تاني يوم تلاقيني ما صليتش الفجر ولا الضهر ولا أي حاجة
    وقيسوا على كده بقية الحاجات
    بالنسبة لي دي حلقة مفرغة مش عارفة اكسرها ازاي
    يعني العبادات هي اللي بتزود الإيمان والإيمان بيزود العبادات
    انا إيماني بقى ضعيف جدا جدا
    أضعف مما تتخيلوا
    وأوقات كتير باقعد مع جوزي نتناقش في المشكلة دي ونحاول نشجع بعض
    لكن مفيش فايدة ولا كأني باعمل حاجة
    أوقات كتير باحس ان ربنا بيحبني وبيبعتلي إشارات علشان أرجعله وفعلا بارجعله
    لكن بارجع تاني كما كنت
    انا باكتبلكم وانا على وشك الانهيار
    وحاسة بالضياع

  3. ايه ده

    مش عارفة اشكرك يا ايمان ولا ازعل منك

    مهو ساعات كلمة الحق بتزعل

    اكيد احنا في غفلة بس مبنحبش اللي يقولنا كده

    انا في حالة انهيار

    انا زي ما معظم البنات اللي بيقولوا طول اليوم بشتغل وبرضه مش بخلص اللي ورايا

    انا الحمد لله بحاول في البيت والاكل لكن بصراحة

    مقصرة في حق جوزي وباجي عليه ومقصرةفي حق ربنا

    اما عن شغلي فانا مش طايقاه اساسا لاني حاسه ان ولادي اولى بيا ربنا يرزق جوزي واقعد انا في البيت



    يا ريت اعرف اعمل نص اللي بتعملوه في طاعة ربنا

    اكيد كل حاجة هتتغير للاحسن

    يلا انا معاكوا طالبة التغيير وربنا يعينا

  4. @am_albnat_almsry

    مش عارفة اقولك اية اقولك انى من جوة ببكى فى دردشتى معاكم قلت انى حاسة انى عمرى اتسرق 38 سنة وانا بجرى وبجرى الايام لحد شريط العمر ماسف ***** الله اول حاجة اعملها انتظم فى صلاة الفجر كل يوم ولوفى تعب تعديل فى الجدول للى زى بتشتغل 8 ساعات 4 موصلات ***** الله نعدل فى بعض كل العيوب لان احنا احبه فى الله من غير مصالح ولا نفاق
    اللهم ياعظيم عنا على انفسنا وذكرك وشكرك وحسن عبادتك

تابعي تجارب أخرى من هذا القسم.