شاركي في النقاش

سجلي الدخول لإضافة تعليق.

التعليقات

10,720
  1. صباح الورد على عيون احلا صبايا على درب الرشاقة .. إن شاء الله طبعا

    أولا بدي اقول نصائح للبنات اللي بتراودها نفسها انها تخبص ..

    شوفي اختي ..
    لما تحسي حالك جوعانة على طول روحي املي زجاجة ماء (وياريت من اللي فيها مصاص) وخليها بإيديك وضللي اشربي فيها أو اعمليلك كوب اعشاب واشربيه بس عن تجربة فعلا الماء بيسد النفس .. لإنه بعض الأحيان جسمك بيفسر احتياجه للماء إنه جوع علشان هيك على طول اشربي ماء حتى لو حسيتي نفسك مش عطشانة .. ((جربي ومارح تندمي بإذن الله))

    أو ممكن تخلي معك علك خالي السكر (انا عن نفسي كتير بسويها لما احس حالي رح انفجر من الماء ولسة جوعانة )
    بهيك جسمك بيرسل اشارات لمخك انك عم تاكلي ومش مهم عنده شو .. المهم انه انزيماتك الهاضمة بلشت تشتغل واللعاب بدأ يعني في عملية اكل صايرة .. وبالتالي بعد فترة بيسكت وما بيقعد يرسل اشارات لمعدتك انك جوعانة ..
    :27:
    بالنسبة للي بيجي على بالها شيء حلو ..
    ممكن تعمل كوب شاي وتحط فيه سكر دايت زيادة علشان تخليه حلو وبهيك جسمك بيحس بالسكر وبينسى انه بده شيء تاني ..
    :27:
    بالنسبة للي بيجي على بالها التخبيص اخر الليل ..
    جربي بقوة انك تنامي بدري .. يعني حاولي نظمي نومك حاولي اتسلي بقراءة كتاب أو اقرأي قرآن وبعدين نامي .. او حتى العبي رياضة واشربي شيء دافئ ونامي .. صدقوني مرة على مرة بتنسو السهر وجسمك بيتعود على النظام ..
    :27:
    بالنسبة للي بتقول كان عنا عزومة او كنت معزومة عند حد وانحرجت واضطريت اكل ..
    يا حبيبتي حاولي خلي بشنطتك شيء صحي ممكن يتاكل بهيك حالة .. عني انا شخصيا بخلي ظرف شوربة من السريع التحضير الخاص بالريجيم وبعمله وبأقعد اتمزمز عليه طول القعدة .. او ممكن تعملي صحن سلطة كبير وتقعدي تاكل فيه خلال الجلسة ..
    بس مش تقولي اكلت تلاتة قطع بيتزا وكيك ومش عارف ايش .. كله هيدا مجاملة مش معقول طبعا .. هيدي حجج عقلك بيعطيكي اياها لإنه بيحاول يغش ويخليكي تاكلي ..

    :27:
    بالنسبة للي بتقيس وزنها وبتلاقي حالها زايدة ..
    أولا ممكن يكون بسبب لعبها للرياضة .. لإنه بتختلف وزن كتلة العضلات في الجسم .. يعني لا تقلقي .. في البداية بس بيكون في زيادة وبعدين بتلاحظي النزول ..

    بس نصيحيتي لشيماء ولكل البنات ..
    حاولي انك ما توزني ابدا كل يوم .. يعني لو ما رح تقدري تقاومي بالمرة خليها مرتين في الأسبوع
    لإنك ما رح تستفيدي وممكن يصيبك احباط بسبب عدم النزول او الزيادة ..
    لإنك ما رح تفهميها انه بيكون في تغييرات في جسمك .. يعني ممكن تكون المي زادت أو العضلات .. او بسبب الدورة ..
    لذلك خلي دائما الوزن في نهاية الأسبوع .. أدق وأحسن ..
    :27:

    وبالنسبة للبنات اللي بتقول انا خبصت وزاد وزني كتير ..
    طبيعي حبيبتي يزيد وزنك .. لإنك لسة ما ثبتي .. يعني لازم لازم لازم بعد نزول الوزن نبتدي نعمل برنامج تثبيت الوزن علشان يكون النا نظام حياة مش عايشين على الريجيم طول عمرنا ..

    وبإذن الله بعد ما تخلص المسابقة لو وصلنا للوزن اللي بدنا اياه.. نبدا كلنا نعمل نظام التثبيت مع بعض ..

    (( كترت حكي وطولت عليكن .. بس والله هيدا الحكي كلو عن تجربة شخصية وحبيت افيدكن فيه يا احلا بنفسجيات ))

    **************

    أما بالنسبة لي أنا ..
    اليوم هوي اليوم الثالث لي بأيام الزبادي ..
    مع اني مش ماشية زبادي بس .. لإني ما بقدر استغني عن النسكافيه أبدأ فيها يومي فبضطر اخد حليب خالي الدسم معلقة وحدة وبعمل فيه كوب نسكافيه

    وهلأ بحكي معكن وأنا عم بشرب البلاك كوفي ..

    بس لهلأ ما وزنت واللي مساعدني في الموضوع .. انه الميزان الجديد اللي جبته لازم تدخلي الطول والعمر والجنس كل مرة علشان يحسبلك الوزن والكتلة الدهنية .. يعني شغلانة ..
    لذلك ان شاء الله ناوية اوزن بعد اسبوع ..
  2. لواكر
    هو يشد الجسم مررررررررررررره بس يبي طوله بال.. وطريقته إنك تجيبين علبه بخاخ فاضيه وتملينها مقدار متساوي من الزيت والخل وترشين جسمك وتلبسين بدله للرياضه وبعد الرياضه خوذي دش ............ وبس
    كم استمريتي عليه لين ما بانت النتيجه؟
    وبعد ما تتركينه يرد الترهل والا لا
  3. بس بتعرفو صبايا انا من شو متدايقة ..

    إنه طبيعة دوامي الطويييييييييييييلة مش مخليتني ابدا امارس الرياضة والله هلاك كتير
    مش عارفة كييف الحل
    وخايفة ينزل وزني وبعدين ابتلش في مشكلة الترهل ..

تابعي تجارب أخرى من هذا القسم.