أفكار وخطة عزيمة عشاء سهلة بدون خدم ..

أفكار وخطة عزيمة عشاء سهلة بدون خدم ..

:icon18::icon18::icon18:

أخواتي العزيزات :
السلام عليكم ورحمة الله وبركاته
وأسعد الله ايامكم بطاعته وذكره ..



امتدادا لحملتنا المباركة باذنه تعالى ( لا للخدم ) ، سأبدأ بموضوع كيف نجهز عزيمة بطرق أسهل وجهد أقل وبدون خدم ...
وسأضع ما عندي من أفكار وأتمنى من كل أخت تضيف ما عندها ، وأسأل الله أن يكون لها أجر علم ينتفع به بعد
مماتها إلى يوم القيامة ..


------------------


بســـــــــــم الله الرحمن الرحيم



أولا :

لكي أسهل المهمة على نفسي ،، وأرفع همتي للعمل والتجهيزات وتحمل التعب ( والتعب موجود موجود سواء كان
فيه شغالة أو مافيه ،لأني أشوف كثير من اللي عندهم شغالات يتعبون في الكماليات والمبالغة في الضيافة ويبون
الشيء يصير على الموضة وعلى أكمل وجه ، والنتيجة : الراحة اللي يتكلمون عنها ماحصلوها :06:)





نرجع لموضوعنا :
أسأل نفسي هذا السؤال المهم :



ايش هدفي من هذي العزيمة ؟

هل هو :

-صلة رحم أوأداء واجب أو حتى اجتماع ترفيه عن النفس مع صديقاتي أو جاراتي ؟

- أو مفاخرة ومباهاة ( حتى يشوفون بيتي ويقولون عني كشخة ) ؟


---------------------


إذا كان الهدف هو الأول : صلة الرحم ، وإدخال السرور على المدعوين ، سواء أهلي ، أهل زوجي ، صديقاتي ، أصدقاء زوجي .......الخ ...


فهذا الهدف لا يحتاج تكلف وشكليات ،

وإنما اجتهاد بحسب الطاقة وحسب الإمكانيات المتاحة ( توفر المال ، توفر المكان ، توفر الشخص الذي سيحضر لك الأغراض ، الوقت ، الصحة ...

والله سبحانه وتعالى قال لنا في أمور العبادة : " لا يكلف الله نفسا إلا وسعها "
وقال عليه الصلاة والسلام : " وَمَا أَمَرْتُكُمْ بِهِ فأْتُوا مِنْهُ مَا اسْتَطَعْتُمْ؛ "

إذا كان ذلك في أمور الدين رفع عنا الحرج والمشقة ، فلماذا نكلف أنفسنا في أمور الدنيا التي أحيانا تضيع علينا أمور ديننا بسببها ؟



--------------------------------------------

إذا ، بعد أن عرفت الآن هدفي من عزيمتي أو دعوتي .. فعلى هالإساس راح يكون استعدادي وتجهيزي :

-------------------------------------------

خطوات العزيمة عندنا ( قبل العشا) :

الأصل : تقديم القهوة والحلو ، الشاي ...

الموضة الحين :
- تقديم عصير في البداية ..
- تقديم نوعين أوثلاث أنواع حلو مع القهوة ..
- تقديم موالح مع الشاي ..



----------------------------------------------------
طيب ، هل ممكن أستغني عن العصير في البداية ؟

طبعا ..لأني إذا استغنيت عنه ، حبايبي اللي يحبوني حقيقة ماراح يقولون ماقدمت لنا عصير ما تستحي :16:...
ويمكن ماراح يحسون أصلا ، لأنهم جاييني عشان ينبسطون معاي مو يشربون عصير ...صح والا لا .

الفائدة : وفرت استخدام كاسات ، وصواني ،
وفرت جهدي في متابعة تقديم العصير ( هذي قدمت لها وهذي ما قدمت ...وصواني رايحة وصواني جاية ...
ووفرت سعر العصير ( يمكن كثير يقولون مايسوى لكن الكثير أيضا يصرخون من الأسعار والغلاء وكثرة المصاريف ...
وعليك الحساب ...)




------------------------------------

النقطة الثانية :

القهوة والحلى :

سابقا كنا نقدم نوع واحد من الحلى مع القهوة ، وبعضنا كان يكتفي بالتمر فقط ..

الموضة الآن كما ذكرت نوعين او ثلاثة أو أكثر ...

يعني عشان كذا ،، أكيد راح أحتاج خدامة إما عشان تجهز لي هالأنواع ، أو تساعدني إذا أنا بجهزها بنفسي ،، وفيه ناس شفتهم ما يستفيدون من الشغالة في هذا الموضوع أصلا لأنهم يجيبون أفخم أنواع الحلى من برى ( فما أدري ايش فايدة الشغالة )

والطامة الكبرى أن الحريم الحين نصهم يسوون ريجيم ،،، وربعهم فيهم سكري ( عافانا الله واياكم ) والربع الأخير
يستحون ياكلون يخافون يخرب البريستيج ..ياي )

طيب : لو اكتفيت بنوع واحد من الحلى مع القهوة ....هل حبايبي اللي جايين ينبسطون معاي راح يزعلون إني ما
تكلفت لهم وحطيت لهم أنواع ؟ هم جايين يشوفونني والا جايين جوعانين ويدورون أكل عندي ؟

الفائدة : توفير المال ( استفيدي منه مع عيالك وزوجك بشيء أهم والا تصدقي فيه على ناس محتاجين قوت يومهم
ولا يحصلونه تنفعك يوم لا ينفع مال ولا ينون ) أو أنك تفرحين فيه مع أهلك في يوم تشترين لهم شيء يفرحهم فرحة
حقيقية فيها أجر مو فرحة مزيفة حقت مظاهر وشكليات ...وإذا تقولين الحمد لله الله منعم علينا نقدر نكرم ضيوفنا ،،عليكم بالعافية المحلات مليانة أشكال وألوان اشتري جاهز اللي تبين وقدميه ( بدون ما تحتاجين خدامة )

و من الفوائد توفير الجهد ، وتوفير الوقت الذي تحتاجينه أنت من أجل الجلوس مع ضيوفك والإستئناس معهم ...




-------------------------------------

النقطة الثالثة :

تقديم الشاي :

الموضة صاروا الناس يقدمون موالح مع الشاي مع انها عزيمة عشاء ..


طيب معقولة ، الحين مادام وراهم عشاء أيش فائدة المالح الحين ؟؟؟

ولو ماقدمت مالح ، هل سيقل محبتهم لي أو مقداري عندهم إذا ما قدمت موالح مع الشاي ؟ ولا تنسين قولة القايل : ( وعين الرضى عن كل عيب كليلة *** ولكن عين السخط تبدي المساويا ) فاللي يحبونك حقيقة ماراح يطلبون هذي الأشياء ، واللي ما يحبونك ماراح يرضون عنك لو تولعين اصابعك شمع لهم ...
والأصل في المحبة المعاملة الحسنة ، والكلام الحلو ، والإستقبال والتقدير والإحترام ... ويمكن هذولي اللي مو راضين عنك لما يشوفون كشختك و مواعينك وتقديمك تزيد غيرتهم منك وحسدهم لك ...وسمعنا كثيرا ولا زلنا نسمع من هذي القصص ( بدال ما يقولون الله يجزاها خير أكرمتنا ، يقولون :اشدعوة هالتكلف وليش وليش ...... ولا يبينون الزين ولا يبين بعيونهم أبد:44: ) ...



------------


إلى هنا حبيباتي ...انتهت فقرة الضيافة قبل العشاء ...
ولأني تعبت من الكتابة وعندي بعض الأشغال ،، فأترك لكم المجال خواتي حتى تضيفون ما عندكم من أفكار على ما أرتاح وأخلص أشغالي ...ولا تنسون إحتساب الأجر في الكتابة فنحن بحاجة ماسة لخبراتكم ...جزاكم الله خيرا..






.

178 تعليق 231,079 مشاهدة

شاركي في النقاش

سجلي الدخول لإضافة تعليق.

التعليقات

177
  1. @mmlohh_bs_maathorh

    الله يخليك اتحفينا بمشاركاتك القيمه

    بس مهما يكون انا احب المواعين والزين واحب اشتري في هالصواني الحلوه والبيالات اللي طق سعرهاوغيره كثييييييييييييييير

    وه بس يازين الزين يفتح النفس
  2. @alghnadyr

    ماشاء الله تبارك الله عليج

    الله يحفظج من كل شر

    جـــــزك الله خيـــــــــــر

    افكار رهيبه
  3. @hdooaaallyl

    جزاك الله خير
    لكن أنا طريقتي مختلفة
    أنن ما أتكلف في الطبخ والتنويع إلا إذا كانت جمعات أقاربي من خالات وبناتهم وأخوان وأخوات
    لأنهم غااااااااااالين وأحب أحط لهم كل شي زين وحلو
    وأحب أطبخ لهم كل شي بنفسي
    والخدامة صراحة تساعد في كثير إذا كانت طباخة ماهرة وهذا الغالب ننتفع منهم في عمل الفطاير والحلى
    العصير ولله الحمد ماعمري قدمته إلا بعد القهوة والشاي كبديل عن الفاكهة ويكونون الناس ماراح يجلسون للعشاء فقط وحسب الوقت وتوفر العصير يعني موشرط أقدم عصير

    وإذا كانت جمعة الأقارب من بدري فراح يكون فيه حلى حسب برضه المتوفر والإستعداد لو كنت دارية عن الجمعة أو فجأة
    لكن لو تجمعنا وحطيت القهوة ومعها كم شكل حلى
    ثم الشاهي ومعه أشكال موالح وورق عنب وكبة ومن هالأنواع
    فهذا نكتفي فيه غالباً ويكون هو العشاء لأنه يكون مشاء الله تبارك يكفي وزيادة
    أو نحط عشا ونستغني عن المعجنات والبيتزا والمقبلات
    وغالباً هذا إسلوبنا وبهذا الأسلوب السهل ممكن تستغنين عن الخادمة بسهولة
    أما العزايم فغالباً عند الطباخ والحلى بيكون من برى ولا أحب التكلف أبد
    وأهم شيئ النظافة في البيت وفي نفسك وفي أواني التقديم تكون حلوة ومرتبة
    والبشاشة في الترحيب
    ويبقى الحشيمة والتقدير والإحتساب للأجر والفرحة بالأقارب هذا هو أكثر شيئ مهم عندي
  4. @amp_nor_amp

    بالنسبه لي أنا نظامي في العزايم ما أغيره سواء للصلة الرحم أو غيرهم أول شي عصير و بعدين القهوه معها حلى كيك وتمر وبعدين العشاء طبق رئيسي و نوع واحد من السلطات اللي يناسب الطبق الرئيسي وحلى للعشاء و فواكه وبعد العشاء شاي أو نعناع وسلامتك
  5. @aam_alhloyn_1

    الله يعطيك العافيه
    انا نفس نظامك تقريبا بس انا دائم العصير متوفر عندي فابدا بالعصير ومو شرط عصير انواع وغالي ممكن تانج او فيمتو وفيه نوع مثل تانج وسعره مره رخيص ونفس الجوده
    وبعدين القهوه مع حلى واحد وتمر او رطب والشاي مو شرط اسوي معجنات او شي اذا فيه عشاء احط بس مكسرات
    وطبعا العشاء اذا ذبيحه برا واذا عشاء صديقاتي مثلا احنا نفضل الصواني وانا اسوي نوعين والبنات كل وحده تجي بصينيه وعلي السلطه ونوع حلى
    وبصراحه احس مااشيل هم العزيمه ولا الطبخ ولا ترتيب البيت والعيال قبل العزيمه
    بس اللي يقهرني واحس بفايدة الشغاله بعد العزيمه بالذات اذا كانوا المعازيم جايبين عيالهم ومعتبرين نفسهم حاطينهم بالبر
    اموت قهر فالتنظيف بعدين وترتيب البيت زي مكان
    بس اول ماانظف ويرجع كل شي مكانه انسى التعب وكل شي نكد علي
    وسلامتك

تابعي تجارب أخرى من هذا القسم.