امبارح كان غدانا فتة ولحمة طبعا ومعها ملوخية وشوربة لسان عصفور وبالليل عملت بيتزا لبنتي عجينتها: 3 كوب دقيق + 1 كوب لبن دافي مدوبة فيه تقريبا نصف كيس خميرة فورية (فرج الله) وذرة ملح عجنت الدقيق باللبن والخميرة وتركتها تخمر ساعة وبعدين رشيت دقيق في صاج الفرن وقطعت العجينة دواير وفردتها ودخلتها 20 دقيقة اخدت نص سوا كنت حضرت التوبنج بتاعها بصلة مدبلة في زت عليها طماطم مقطعة صغير وسوسيس حلقات صغيرة وفلفل اخضر قلبتهم على النار لحد ما اتسبكت وضفت لها معلقة صلصة وشوية مية وبعدين اخدت من الصوص بتاعها دهنت قاعدة البيتزا اللي نص سوا بمعلقة صلصة وبعدين رشة جبنة موتزاريلا وبعدين شوية توبنج وبعدين رشة جبنة ودخلتها الفرن تحت الشواية لحد ما الجبنة ساحت وطفيت عليها كمان عملت كب كيك –كان احتفال امبارح – وطريقته من الشيف اسامة كوب الا ربع زيت + كوب الا ربع سكر + كوب لبن +4 بيضة كبيرة +معلقة فانيليا صغيرة + 3 كوب دقيق + كيس بيكنج بودردوبت السكر في الزيت وبعدين ضفت البيض والفانيليا والمضرب شغال وبعدين ضفت اللبن لحد ما انضرب كويس وبعدين الدقيق وخبزتها في اوراق الكب كيك في الصينية العيون كمان ودخلتها الفرن 20 دقيقة من تحت ومن فوق 5 دقيقة وبس كفاية كده احسن تعبت خلاص