بريوش باللحم والباشميل روووووووووووعه والله

السلام عليكم


هذا طبق بسيط وسهل ومكوناته متوفره نحتاج صمونه البريوش الفرنسيه الي على شكل ضفيره وهذه صورتها




بعدين انسحبها او انتفها وممكن نستخدم اي صمون متوفر لو ما حصلتو البريوش الصمون العادي يوفي بالغرض

وهذا شكلها بعد التنتيف



بعدين نضع نص الصمون بالبايركس ونحط عليه حمسه لحم مفروم او دجاج مفروم مثل حمسه اي لحم للمعكرونه العاديه (نحمس بصل وثوم واللحم والبهارات ومعجون طماطم علبه كامله واشوي ملح وفلفل بارد وممكن نضيف كزبره طريه مفرمه )ونفردها على الصمون بهذا الشكل ولازم تكون الحمسه رطبه اشوي عشان الصمون مايطلع ناشف تكون فيها اشوي صلصه ماانشفها حيل اثناء الحمس



وبعدين نضع النص الثاني لصمون البريوش المنتف ونضع عليه صلصه الباشميل العاديه (3اكواب ماء و5 ملاعق كبيره حليب بودره و3او 4 ملاعق كبيره طحين ومكعب ماجي ورشهفلفل اسود حسب الرغبه ورشه اوريغانو )

نضع الباشميل على الطبقه الثانيه للصمون بعدين نرش الوجهه بالوريغانو وجبن القشقوان المبشور او المزرولا حسب الذوق وتدخل الفرن من تحت وفوق اشوي يعني ماتاخذ وقت بالفرن عشر دقايق تحت واشوي من فوق عشان الصمون مايحترق او ينشف

وهذا شكلها بعد الفرن والتقديم :p



وهذه قطعه منها



وبالعافيه:cook:

177 تعليق 16,411 مشاهدة

شاركي في النقاش

سجلي الدخول لإضافة تعليق.

التعليقات

173
  1. صاحبة الموضوع
    السلام عليكم
    حياكم الرحمن واشكركم على التشجيع
    ولاتطوفج اختي ميمي ترا طعمها حلو ومميز
  2. @aldnya_bkhyr84

    ابداااااااااااااااااااع يابنت ديرتي وبعد نقدر اتوقع انحط حمسه دجاج وفطر وكريمه والبشاميل رووعه مشاءالله انتي تخلينها ثقيله البشاميل قبل لااتحطينها والله يجزاج الجنه يارب ولاتحرمينه من ابداعاتج الله يوفقج

تابعي تجارب أخرى من هذا القسم.