انا كمان عاوزه اشكركم علي طريقة البسبوسه عملتها وكانت ما شاءالله رهيييبه
طعمها وريحتها وكل حاجه فيها رووعه
زودت علي النص كيلو سميد ( كنت جايباه سميد ساده )
زودت عليه نص كوباية جوز الهند وشوية لوز مفروم وشوية فانيليا ورشيت الوش بلوز مفروم
و حطيته في صينيه كبير من بتاع البسبوسه اللي حافتها صغيره
طلعت روووووعه واول مره احس اني عملت بسبوسه صح
واللبن يا ميرا عمل كده برضو بس انا مارميتوش :39:
-----------
حد كان بيسأل علي الهامبورجر :
انا باعمله وبيطلع زي الجاهز بالظبط والله مافيش اي فرق بينهم
باستخدم بهارات كامينا اللي هي طباخ في العلبه الخاصه بالهامبورجر
بس عشان يطلع زي اللي بره استخدمي الاتنين كيس علي نص كيلو لحمه مفرومه
وباحط معاهم بيضه وشويه بقسماط وبصله صغيره مفرومه كويس اوي اوي
ومعلقتين كبار كاتشاب ورشة ثوم بودره
بعملهم اقراص بغطي برطمان عشان يطلع اد بعضه
و بافرش الغطا بكيس نايلون عشان يطلع القرص بسهوله
النص كيلو بيطلع حوالي عشرين قرص
ووالله مافيش اي فرق في الطعم
ملف استشارة مطبخية مصرية عربية رمضانية
متابعة النقاش، صفحة 61