ملف استشارة مطبخية مصرية عربية رمضانية

بمناسبة البسبوسة
اناعملتها في رمضان اللى فات وكانت جميلة وكل حاجة بس البندق اللى على الوش اتحرق والبسبوسة نفسها ماكانتش احمرت لسة

اعمل ايه في الحكاية دى

وسؤال تانى

عندى عصير مانجو عايزة اعمل بيه نوع حلو فكرت اعمله زى المهلبية كدة بس مش عارفة هيبقى حلو ولا ايه
؟؟؟

ممسى لما تيجى تحطى على البسبوسة مكسرات اضغطيها جوه البسبوسة بحيث يبقى طالع منها الجزء اللى فى النص والاطراف مغموسة فى البسبوسة وشغلى الفرن من تحت بس ولما تحمر من تحت شغلى الشزاية عليها وراقبيها

عصير المانجو مهلبية مبيكونش حلو عملته قبل كده ومعجبنيش
انتى ممكن تجيبى كيك او سويسرول وتقطعيه وتحطيه فى كاسات وتسقيه عصير مانجو بس متخليهوش يبوش قوى يعنى يادوب يتسقى وعليه فواكه طازة او كمبوت بيبقى حلو وخفيف
او تضربي العصير مع ايس كريم فانيليا ويبقى ميلك شيك او اعمليه سوربيه لو هو عصير تقيل بانك تضيفى لما يعادل عصير كيلو منجا كوبايتين كريمة مضروبة وسكر حسب الرغبة واضربيهم كلهم بالخلاط وحطيها فى علبه بلاستيك وغطيها كويس وحطيها فى الفريزر وبعد ساعتين طلعيها واضربيها كمان مرة كويس جدا وغطيها تانى وحطيها فى الفريزر لتانى يوم

عزه.......اللازنيا مش بتتحط في الفريرز سيبيها زي المكرونه بكره في دولاب الخزين عادي