ملف استشارة مطبخية مصرية عربية رمضانية

كمان سؤال معلش

الكنافه احسن طريقه تزبطها ايه؟؟ اننا نقطعها صغير خالص والا وسط؟
الكنافه التقلديه العاديه

وايه اكتر حاجه تبوزها مش تخليها تمسك ف بعضها او تبقى ناشفه
هل الشربات والا الضغط عليها كويس والا المكسرات مش مفرومه والا ايه؟؟؟؟

صباح الخير


ميليسا

شوفي انا بحب الشوربة دى

شوربة البطاطس


تقطعى بطاطس مكعبات وبصل في حلة وتخليهم يغلوا في مية وماجى
او لو عندك شوربة لحمة او فراخ استعمليها وحطى ملح وفلفل خفيف
لما البطاطس تستوي خالص خدى الخليط دة كله على الخلاط يبقى عندك سائل ناعم

خديه على الحلة تانى وحطي نص كوب حليب او كريمة وظبطى الملح والفلفل لما تلاقي انها هتغلى اطفي عليها
وقدميها في الاطباق وزينيها ببقدونس وخبز محمص طعمها حلو اوى

وممكن تضيفي لها اى خضار انتى عايزاه وانا ساعات بشوح مشروم في الحلة نفسها وبعدين اصب الشوربة من الخلاط عليه واسيبها تغلى شوية قبل ما اضيف اللبن

شوربة البصل حلوة بس مش بتتزبط معايا مش عارفة ليه:09:

اسماء ازيك
انا اكتر شوربة بحبها شوربة كريمة الفراخ والمشروم
وبعملها بطريقة سهلة جدا
بيكون عندى صدر فرخة مسلوق بنسله حتت صغيرة وبعدين اجيب حلة الشوربة احط فيها مية وماجى وشوية ملح صغيرين وحتة جنزبيل طازة زى ماهى كده متقشرة بس وحتة كرفس برضه زى ما هى ولما تغلى احط صدور الفراخ ومشروم معلب متقطع بعد ما اغسله طبعا وبعدين اضيف كوباية لبن حليب مدوبة فيه معلقة نشا كبيرة واسيبه يغلى دقيقتين واطفى
ووقت الغرف بشيل الجنزبيل وال كرفس ارميهم وبالهنا والشفا

زبحب كمان شوربة لسان العصفور العادية وشوربة الطماطم بس بستسهل واجيبها الشوربة الفورية عشان انا بس اللى بشربها