شاركي في النقاش

سجلي الدخول لإضافة تعليق.

التعليقات

183

  1. @lashyaa_msthyl

    صاحبة الموضوع
    بصمةخير و همسةحنان
    لاشيء مستحيل الله يبارك فيك على هالطرح واكبر فيك تحسسك من موضوع مثل هذا لانه فعلا انتشر في الفترة الأخيرة في مجتمعنا وهو مزعج جدا بداية احب اقول اننا كلنا ذو تقصير ومع ذلك يلزمنا جميعا الأمر بالمعروف والنهي عن المنكر فهو ليس قاصر على …
    بارك الله فيك ..

  2. @lashyaa_msthyl

    صاحبة الموضوع
    dmooooo3..
    السلام عليكم...... في سؤال يدوور في بالي وانا اقرى الموضووع والردووود...على اي اساس انتي تقولين احنا نقول جت هالمطوعه وسوت هالمطوعه ترى انا واعرف كثيييير من البنات لما يجي احد ينصحناااا...تعليقنا اذا ماعجبتنا طريتقهاااا نقول مثلا وراهااا…
    وعليكم السلام والرحمة ..


    احيي فيك ذكائك ..

    وتصدقين انك انتي بنفسك جاوبتي ع السؤال اللي سألتينياه ..
    اذا انتي وزميلاتك كنتو مع بعض وجت وحده ونصحتكم باسلوب مو حلو ..ايش تسوون..؟؟ تقولين انكم راح تتكلمون عن تصرفها فقط .. وانها اخطأت في أسلوب النصح مثلا .. بس ماتتعرضون لدينها << وانا هنا اتكلم عن اللي تتعرض لها بدينها مو تصرفاتها ..

    كلامي ياعزيزتي موجهه لهذه الشريحه اللي تسب الملتزمين في دينهم مو في تصرفهم .. انا اقولك كيف ؟؟ مثلا يشوفون رجل ملتحي لكنه اخطأ في تصرف ما .. وش يسوون في هالحااله ؟؟ علطووووول ع اللحيه .. يالله مسوي فيها ملتزم .. وتصدقين ان احيانا مايشوفون على هالرجل اي خطأ بس تلاقينهم اذا شافوه مار يستهزءون بلحيته وبتقصير وثوبه و.. ,...<< هذا اللي انا اقصده بالضبط ..

    واذا شافو وحده بعباية وسيعة جلسو يضحكون عليها ..



    أتمنى يكون اتضح لك المعنى ..؟؟

  3. @hlm_dbaby

    لاشيء مستحيل
    تقولين انهم مو نظيفين .. وجبتي مثالين دكتورتين في الجامعه ..لاااحظي انك اطلقتي صفة ع الملتزمات من دكتورتين .. ولاحظي انك بس تعممين الكلام .. والتعميم سهل جدا .. اسهل شي يسويه الانسان بحيث انه مايقدر يخوض في التفاصيل اكثر !! عشان مايبين تضخ…
    ليه تستعجلين بالرد ؟؟
    أنا ماعممت لكي لاأتهم بالتعميم ..وكنت صادقة بذكري أن البعض منهم .. لاحظي رديت ردين .. و قلت البعض مو الكل ...
    ثانياً اختي ..
    وريني رد لي أني سبيت دينهم .. أنا والله احب الدين .. واكره أي وحده تشوهه ..
    راجعي ردودي ولاتنسبين لي شي أنا ماقلته ...
    وخليني اذكر لك موقف وإذا تبين مواقف .. للبعض اللي أكره أنهم ينتمون للدين ويحسبون انفسهم منزهين عن الخطأ ..
    وحده بالثانوي أول كانت معنا .. ووقتها كله بالمصلى وذابحه نفسها مع مدرسات الدين .. وهم طايرين فيها ..
    البنت تخرجت ودخلت الجامعه ..
    تدرين وش اول شي سوته .. ماراح اقول نمصت وإلا قصت ..
    لا ..
    خرمت تحت شفتها !!!!!!!!!!!! << اعتقد تعرفين معناه
    طيب واللي كانت تسويه بالمصلى في الثانوي ..؟؟؟
    كله رياء عشان شوفوني .. وشافت الكل شايلها على راسه عشانها بالمصلى ..
    يعني البعض يآخذ الدين ستر ووصول لأشياء يريد تحقيقها في نفسه ..
    وإلا البنت هذا لو كانت اساسا تحب المصلى كان مشت على الطريق هذا ..

    ركزي في ردودي ترى أنا ماعممت ..

    لي عوده للنقاش معك .. لاشيء مستحيل

  4. @hlm_dbaby

    لاشيء مستحيل
    تقولين انهم مو نظيفين .. وجبتي مثالين دكتورتين في الجامعه ..لاااحظي انك اطلقتي صفة ع الملتزمات من دكتورتين .. ولاحظي انك بس تعممين الكلام .. والتعميم سهل جدا .. اسهل شي يسويه الانسان بحيث انه مايقدر يخوض في التفاصيل اكثر !! عشان مايبين تضخ…
    أختي عدت ..
    أليس الدين يسر !!
    أليس الدين ترغيب وليس ترهيب !!
    أليس الدين معاملة ..!!
    بنيت ردودي على أساس ماسبق ..
    طبيعي لو بشوف عاصي حزين .. لأنه بعيد عن ربي ..
    طبيعي لو بتضايق من ريحه انسان غير مسلم ..لأنه ببساطه غير مسلم ..
    طبيعي لو بنفر من وحده نامصه ..لأنها ملعونه من رحمه ربي وأستغنت عن 99 رحمه من رحمه رب العباد..
    لكن ..
    تجي وحده وتحمل الدين وتشوهه .. لا ولا أرضى هالشي ..
    ليه ..
    أكيد ..هي دارسه ومتعمقة في أمور..و أكثر من اللي ذكرتهم سابقاً .. ومنّا الله عليها بالعلم والدين ..
    يعني اكيد تعرف فضل الإبتسامه في وجه أخيك ..
    أكيد تعرف أن الدين معامله ..
    أكيد تعرف أن الدين ترغيب ..
    أكيد تعرف أن الله جميل يحب الجمال سبحانه ..
    أكيد تعرف فضل الطهاره ..
    أكيد تعرف حب لأخيك المسلم ماتحبه لنفسك ..
    أكيد تعرف اللين والمرونه والرفق..
    أكيد تعرف أساليب الدعوه إلى الله ..
    وأكيد تعرف أن رحمه ربي وسعت كل شي سبحانه ..
    وأكيد تعرف أن ربي أرحم من الأم على ولدها ..
    لكن ..
    المصيبة أنها تعرف هذا كله بحكم دراستها .. ولا نشوف أي تطبيق ..!!!!!!!!!!!!!!!
    بالله مايحز بالخاطر ..
    طيب .. عشان ماتقولين اني عممت ..
    سنتين درستني دكتوره في مادة القرآن .. والله والله أني حبيتها .. كبيره في السن ورحووووووووومه ..
    وتخاف على البنات كأنهم بناتها .. ولا فكرت أفوت لها محاضره وأحب كلامها .. وكان نفسي اشيل اغراضها إلى مكتبها .. مره حبيبه وترغبك في الجنه وتشوقك لها ..مع أنها عارفة بنات الجامعه وتشوف المعاصي قدامها .!!!
    ماقالت النار والموت والعذاب ..
    بالعكس كان كلامها عن الجنه ونعيمها ومافيها ..وبالطريقة هذا كانت ترغبنا ..
    طبيعي الوحده بتترك المعاصي في سبيل حبها للجنة ..
    دققي في عنوان الموضوع وطبيعي أن تري الردود تلك ..
    أنتِ سألتي لتريدي جواب ..

    ولي عوده أن أردتي النقاش ولمن اراد النقاش ..(( موجوده إلى الساعة 1الظهر وسأعود بالليل بعد 12 ))

  5. @ma_aadt_ana




    لا حول ولا قوة إلا بالله..


    بعض الردود كشفت عن أمور غربية...



    قال الله تعالى " كنتم خير أمة أخرجت للناس تأمرون بالمعروف وتنهون عن المنكر"


    الأمر بالمعروف والنهي عن المنكر ليس خياراً..

    هو جزء من كونك مسلمة..

    وإذا كنتِ تخليت عن هذا الجزء..

    لمَ يضيق صدرك من أن تقوم به إنسانة ملتزمة؟؟



    وإذا كان البعض ماعنده إسلوب للنصح..

    وين دورك أنتي؟؟

    ليه ما تمسكينها على جنب وتبتسمين بوجهها وتعطينها من الكلام الحلو ..توضحين فيه إن إسلوبها ممكن يكون أحسن من كذا حتى يتقبلون منها الناس..


    أو شاطرين بالانتقاد ...وما تطبقون على أنفسكم؟؟


    ليه نطالب غيرنا بأشياء وننسى أنفسنا؟؟



    الغريب لما وحده تنصح اللي تلبس عاري أو قصير..

    تنطون لها وتقولون كيفها خليها حريه شخصيه..

    لكن لو تجي وحده وتقول ليه يا فلانه تلبسين عباة راس وتضيقين على نفسك؟؟..البسي عباة كتف أريح..

    ما أشوف أحد يقول خليها حرية شخصيه تلبس عباة راس براحتها..

    خلونا نكون واقعيين..

    المسألة مب مسألة إن بعض الملتزمين ماعندهم إسلوب..

    المسألة إن الكلام لما ما يوافق هوى أنفسنا...

    نغضب ونزعل وننتقد..

    ولاّ العاقل ..بياخذ النصيحة حتى لو من مجنون أو سكران..

    مايهمه من وين تصدر..المهم إنها نصيحة تنفعه في دينه ودنياه..





تابعي تجارب أخرى من هذا القسم.