ملف استشارة مطبخية مصرية عربية رمضانية

http://forum.hawaaworld.com/showthread.php?t=1812966

برنامج رائع

ازيكو يا بنات انا الحمد لله بقيت احسن
اصلى نفسى هفتنى على كشرى وكان طعمه رائع بصراحة بس اللى كلته وز وز طلع على عينى بط بط الحمدلله

كتكوتة دى طريقة السمك السنجارى
انتى بتخلى الراجل وهو بينضف السمكة قوليله اعملها مفتوحه زى الكتاب ولما تروحى ادعكيها بملح لمون وخل وكمون وكسبرة وثوم ولمون
وبعدين تقطعى طماطم وجزر مبشور وبصل وكرفس وفلفل رومي وزعتر وعليهم معلقة صويا صوص وحبة شطة لو تحبى وتحطيهم على السمكة وتعصرى لمونة وتقفليها بالفويل و تلت ساعة فى الفرن وبعدين شيلى الفويل وسيبيها تنشف وتتحمر من وشها المفتوح ده اللى عليه الخلطة ودوقى وادعيلى

ازيكم يابنات
معلش عاوزة طريقة القلقاااااااااااااااااااااااااس اول مرة هعمله في حياتي هههههههههههه
عاوزاه من الألف للياء يعني انقيه ازاي وايه السلق بتاعه والكمية قد ايه يعني لو جبت كيلو قلقاس اجيب قد ايه سلق؟؟
وانضفه ازاي؟واعمله ازاي واعمل السلق ازاي؟كله كله كله لو سمحتمممممممممم
بحبكم