شاركي في النقاش

سجلي الدخول لإضافة تعليق.

التعليقات

2,688
  1. كتكوتة كتكوتة
    ماشاء الله يا مروة شكلها يفتح النفس من الشرح إن شاء الله اجربها بس عندي استفسار دلوقتي أنا اللحمة اللي باجيبها بتاخد وقت فالسوا شوية افضل ازود مية شوية شوية لحد ماتستوي ولا أحط مية كتير و بعد كده إنتي قلتي تضيفي 4 كوب مية للرز طيب مش هيكون…
    كتكوتة .. بالنسبة للحمة انا بفضل الدووش او السن في الكبسة لأنها مش بتاخد سوي وبتعمل صوص حلو .. لكن ممكن اي نوع و بالنسبة لكمية الماية انا قصدي يعني تحطي ماية مش كتير يعني مش زي ما هتسلقيها علشان لما تستوي تعمل معاكي صوص وتزودي لو احتاجت لحد ما تستوي هيبقي عندك الصوص بس تروحي بقي حاطة علية 6 اكواب ماية "معيار الرز" لكل كوب رز كوب وربع ماية ...فهمتيني .. واي سؤال انا تحت امرك اسألي براحتك :26:
  2. @noody30

    marwaibra
    كتكوتة .. بالنسبة للحمة انا بفضل الدووش او السن في الكبسة لأنها مش بتاخد سوي وبتعمل صوص حلو .. لكن ممكن اي نوع و بالنسبة لكمية الماية انا قصدي يعني تحطي ماية مش كتير يعني مش زي ما هتسلقيها علشان لما تستوي تعمل معاكي صوص وتزودي لو احتاجت ل…
    السلام عليكم و رحمة الله و بركاته



    تسلم ايديكي يا مروة شكلها تفتح النفس يا جميلة. كان عندي سؤال بس بخصوص الجزر المبشور و الفلفل الالوان، انتي بتحطيهم بعد ما تزودي الماية، طيب مينفعش اننا نشوحهم مع البصل و التوم من الاول؟؟ و الا كده يتهروا مع سوا اللحمة فالافضل نضيفهم بعد سواها؟ كمان كنت حاسألك اللحمة السن او الدوش بتاخد منك في الحالة دي وقت اد ايه تقريبا على ما تستوي؟ ساعة مثلا و الا اقل؟ معلش اسألة كتيرة بس نفسي اجرب الكبسة مرة



    ازيك يا نورا؟ وحشاني اوي يا قمر. انتي نازلة مصر امتى؟ عاوزة اشوفك يا بنتي. معلش و الله مروان مش بيخليني ابص ورايا و لو قعدت على الكمبيوتر ادامه يفضل يزن على اي حاجة يخرجني بيها من الاوضة و يرجع يطفيلي الجهاز، جيل تشرد بقى نعمل ايه :42: شكرا على ردك بخصوص المستردة بس يا ترى متخليش الفراخ طعمها حراق؟؟ متبقاش حامية يعني و تتعب المعدة؟ و يا ترى تفرق في الطعم و تضيف له؟



    ازيك يا مرمر و ازاي البنات؟ يا رب تكونوا بخير. مروان بخير الحمد لله. معلش و الله يا مرمر انا مش متابعة الملفات كلها و يا دوب قريت شوية هنا. حاحاول اجيلكم ان شاء الله
  3. Noody30
    السلام عليكم و رحمة الله و بركاته تسلم ايديكي يا مروة شكلها تفتح النفس يا جميلة. كان عندي سؤال بس بخصوص الجزر المبشور و الفلفل الالوان، انتي بتحطيهم بعد ما تزودي الماية، طيب مينفعش اننا نشوحهم مع البصل و التوم من الاول؟؟ و الا كده يت…
    السلام عليكم و رحمة الله و بركاته



    تسلم ايديكي يا مروة شكلها تفتح النفس يا جميلة. كان عندي سؤال بس بخصوص الجزر المبشور و الفلفل الالوان، انتي بتحطيهم بعد ما تزودي الماية، طيب مينفعش اننا نشوحهم مع البصل و التوم من الاول؟؟ و الا كده يتهروا مع سوا اللحمة فالافضل نضيفهم بعد سواها؟ كمان كنت حاسألك اللحمة السن او الدوش بتاخد منك في الحالة دي وقت اد ايه تقريبا على ما تستوي؟ ساعة مثلا و الا اقل؟ معلش اسألة كتيرة بس نفسي اجرب الكبسة مرة

    ربنا يخليكي يا نوودي اسألي براحتك يا قمر .. فعلا يا نودي حطيهم بعد السوي مع الماية لما تغلي علشان ميتهروش و يبقي شكلهم باين مع الرز .. بصي الدووش او السن البتلو مش بتاخد سوي زي الكندوز يعني تقريبا 1/2 ساعة وبرضو تابعيها .. وعلي فكرة سعرها ارخص من الكندوز . وجربيها ان شاء الله هتعجبك
  4. @noody30

    marwaibra
    السلام عليكم و رحمة الله و بركاته تسلم ايديكي يا مروة شكلها تفتح النفس يا جميلة. كان عندي سؤال بس بخصوص الجزر المبشور و الفلفل الالوان، انتي بتحطيهم بعد ما تزودي الماية، طيب مينفعش اننا نشوحهم مع البصل و التوم من الاول؟؟ و الا كده يت…


    جزاكي الله خيرا يا جميلة، ان شاء الله اجربها في اقرب فرصة و اقولك عملت ايه. ميرسي يا مرمورة :26:
  5. @aman61

    اموله العسل منوره يا جميل
    كتكوته المقلوبه زى ماقلتى كده والرز بيستوى وبيطلع جميل اوى اناكمان بحب اكلفها جامد يعنى باضيف ترنشات بطاطس تحت خالص وفلفل رومى فوق البتنجان بيدى طعم وريحه جميله اوى وفصوص التوم بحطها مع خلطة البصل والكركم كمان وبحط كمان حمص منقوع بيبقى تحفه مع المقلوبه وبعد ما تستوى بسيبها تهدى شويه واقوم قلبها بيبقى شكلها زى التورته جميل اوى وشيك فى العزايم جربيها هاتعجبك اوزى ومش بتاخد وقت والعيال كمان بيموتو فيها وبعملها ساعات بالللحمه وساعات بالفراخ بتبقى برضه جميله
    حبيبه بالنسبه لبسكوت النشادر انا بعمله بطريقة الشيف حسن بالقمع وجايبه قمع مخصوص على شكل مشط بيدى الشكل المطلوب ابقى جربيه اسهل من الماكينه بكتير
    دندون انا رايى انك تحطيلنا الرابط هنا ويبقى الموضوع فى ملف لوحده يالا رأى محايد علشان شيمو مش تزعل
    مروه او مش عارفه مين يا بنات كانت بتسأل على الكيكه الاسفنجيه عن تجربه طريقة كهرمانه تحفففففففففه انا على طول بقيت معتمداها ونتيجتها مضمونه وجميله جزاها الله كل خير
    انا من يومين عملت السويسرول بطريقة الشيف حسن وطلعت جميله اوىىىىىىىىىىىىىى والله يا بنات مش عايزه اقولكم اتنسفت فى ساعتها والكل اتهبل عليها هيا نفس طريقة دندون بس بفصل البياض عن الصفار ودى تانى مره اعملها وماشاء الله طلعت حلوه اوى
    يا رشا لو سمحتى بالنسبه لكتاب فتافيت هو عربى كل يوم ؟؟طب الوصفات اللى فيه هيا نفس الوصفات اللى مكتوبه فى الموقع ؟؟معليش هاتعبك معايا بصى بصه كده على الموقع بتاعهم والوصفات هل هو نفس الكلام ولا فى تفاصيل وصور تانيه ؟؟يعنى فى صور لخطوات الطبق وكده ولا صوره نهائيه للطبق معليش يا ريت توضحيلنا انتى اللى جبتيه لنفسك كان لازم تقولينا انك جبتى الكتاب ههههههه ربنا يكرمك يارب

تابعي تجارب أخرى من هذا القسم.