منوعات مصرية خفيفة بالطلب للمبتدآت الحلوات

صباح الخير

عملت امبارح الباتون ساليه الفجر ادان عليا وانا فى المطبخ بمقادير نانى عملت كيلو دقيق وبصراحه زى الجاهز انا حطيت كمون بودره وعملت منه شرائط ورشيت جبنه رومى على الوش روعه يا نانى تسلم ايدك وكتر الف خيرك علما بان الكميه رهييييييييييييييييبه انا هودى النهارده لخالتى ولجيرانا ان شاء الله والدعوات هتيجى لك من كل الى ياكل ان شاء الله
ماما بتقول لو كمون حصى كمان يبقى حلو بس انا مش بحبه له مراره كده
عايزه اجرب الجاتوه بس الكستر الى على الوش ده يا نانى ضرورى؟ ويبقى عامل ازاى يعنى؟
مش متخيله كهرمانه كانت عملته يا ترى عملتى ايه يا كهرمانه؟
انا قلت لماما عملت باتون ساليه يقضى ثلاث سنين اهه بعد ثلاث سنين ادخل المطبخ ثانى

شامه ريحه كبه مقليه وكيكه فى الفرن ايه ده كله عايزه اسال سؤال لما بنيجى نشكل الكبيبه عمرها ما بتطلع ببوز كده زى بتاعه المطاعم مش عارفه ليه؟
وفيه حاجه اسمها الكبه المشويه بشوفهم فى المسلسلات السوريه بيشوها وشكلها عامل زى القرص بتاعتنا ممكن يا شيفات تقولوا لى بتتعمل ازاى

وممكن اطلب منك طلب يا نانى الوصفات القديمه الى عندك الى كانت جدتنا بتعملها كان فيه حاجات مميزه جدا مصريه (زى الطعميه مثلا ممكن مقاديرها جدتى كانت بتعمل طعميه نقعد ناكل فيها كانها كباب) انا بحب اى حاجه من رائحه الزمن القديم وعندى كتاب بتاع جدى للطبخ اسمه مكتبه البيت مقاديره كلها بالوقيه وبيتهيالى انه كله مترجم بس اكثر من رائع لو تحبوا انزل وصفات منه.

نفسى اسال سؤال قبل ما تتجوزوا حالتكم كانت زينا كده؟؟ انا بحس بالياس ساعات وانا شايفه نفسى بسال اسئله عبيطه كده
مره كنت عند الجزار فى بنها - مسقط راسى - وشوفت واحده بتعمل كفته الارز - ماما مش بتعملها - قعدت اسالها الست روحها كانت هتطلع منى وانا تقريبا غبيه او متخيله انه معمل ولازم احط الحاجه بالجرام
انا متغاظه قوى من نفسى

انا اسفه جدا يا نانى ماما بتقولك هبه بتقول زى الجاهز؟؟!! ده احلى 100 مره من الجاهز وبتشكرك لانك عملتى الى هى ما قدرتش تعمله (قصدها دخولى المطبخ :icon33: )

وحشتينى يا هبة . بالنسبة للاكل مهما ختى من وصفات وما دخلتيش المطبخ تجربى بأيدك يبقى عمرك ما حتتعلمى ولازم حاجات تبوظ منك . ولازم ايدك و عينك يطبخوا قبلك عشان تحسى بالحاجة اللى بتطبخيها وتأكدى انك لما بتعملى الحاجة مرة و تيجى تكرريها ممكن تخرجى عن المقادير و تزودى و تقللى انتى فيها لانك حتعمليها تانى مرة بثقة زى الباتون سالية لما تيجى تعملية تانى حتلاقى نفسك بتعملية بثقة و بشجاعة و حتعرفى تقللى المقادير حسب طلبك لكن اهم ما فى الموضوع هو التطبيق اهم من يبقى عندك كراسة فيها 100 طريقة

بصى يا هبة و تماتيا بالنسبة للبوز بتاع الكبيبة دة مفهوش سر ولا حاجة ماأنتى طول ما بتدورى الكبيبة بأيد و بتقفليها بالتانية تعالى عند طرفها اللى فوق و اللى تحت و بلى أيدك بالماء بين صابعك الكبير و اللى بعده الحتة الواسعة اللى فاضية بليها و حطى طرف الكبيبة اللى كان مفتوح و ابدئى اسحبية لفوق لفوق حتلاقى البوز اتكون وظهر معلش الشرح بالكتابة فعلا صعب