
السلام عليكم ورحمة الله وبركاته
ازيكم يا بنات
الموضوع بقى أكثر من رائع وكل يوم بستفيد منكم حاجه مفيده
ربنا يجزيكم خير
علشان كده
أنا النهاردة جايبلكم حاجة جديدة خااااالص, بعيد شويه عن الطبيخ(بس على مين راجعينله برضة:cook:)
طبعا احنا كلنا بيفضل عندنا بقايا صابون
بيبقى شكله مش حلو, وفي نفس الوقت بنرميه عند مرحله معينه علشان بقى مش نافع للاستخدام
فبدل ما نرميه هانعمله ريسايكلينج
والصور هاتشرح لكم ازاي
أولا هانخده ونبشره أو نقطعه قطع صغيرة

بعدين بنحطه في كيس حراري ونحطه في ماء مغلي(والي مش عندها كيس حراري تسيحه في حمام مائي)

وبعدين تنزليه , وتحاسبي لأنه بيبقى سخن جدا , ممكن ساعتها تصبيه في اناء اخر وتلوينه بألوان صناعيه أو تضيفي ليه قطرات من أي زيت عطري عندك, أو تحطي عليه زيت زيتون للنعومة
وانتي وشطارتك بقى
وبعدين تصبيه في القوالب

وتسيبيه لحد ما يجمد. وبكده بقى عندك صابون جديد برائحتك المفضلة
أما لو مش عاوزه تعمليه صابون جامد ممكن تخفيفيه وهو لسه سايح بالماء وتستخدميه كصابون سائل

وارتاحي من شراء الصابون كل يوم والتاني
**ماتنسوش تدعوا لأبي وأمي بالمغفرة**








