الأفران بتبقى أعلى درجة فيها 260مئوية إنتى بس سخنى الفرن كويس بعدين حطيها في الرف اللي في النص على 260 لو خايفة أوي كده خليها 240 ياستى بس واله أنا بعمل كده وبتطلع تماام لأن بشكل عام المعجنات اللي مش دسمة زي عجينة البيتزا والخبز بتطلع أحلى وأطري لما بتستوي على نار عالية لأنها مش بتاخد وقت كبير وده بيحافظ على طراوتها
إنتى بنت حلال ده أنا لسة عاملاه من كام يوم وحقيقي طلع رهييييييييييب ماشاء الله جوزي اللي مش بيعجبه العجب إتجنن عليه
وكنت ناوية أنزلهولكم بس إنشغلت بموضوع التشيز كيك بس عشان خاطر عيونك أنزلهولك النهاردة بالليل أو بكرة بالكتير إن شاء الله
والطعم مفيهوش ريحة خميرة خااااالص
شوفي ياقمر ده طريقة التشيز كيك بتاعتى
كوب من الحليب المكثف المحلى (طريقة عمله في البيت كتبتها قبل كده) طبعا ده سر التوفير
ربع كيلو من جبن كريمي أي نوع حتى الكيري
بيضة
كيس فانليا
تضرب كل المكونات في شفشأ الخلاط
تصب فوق البسكوت وتخبز كأي تشيز كيك فرن
بس بالنسبة للوقت لو هي بالسمك اللي زي في الصورة بتاعتى اللي هو حوالي عقلة بتاخد نص ساعة بالكتييييييييير
وفي حاجة مهمة لاتهملي خطوة إدخال طبقة البسكوت وحدها الفرن لخمس أو عشر دقايق على نار هادية لحد مايمسك ي بعضه كويس لأن الخطوة ده بتحافظ عليه مقرمش أكتر ومش بيطري بعد كده
عشان تعرفي إنها إستوت تكون الجوانب متماسكة والقلب طري شوية
تقومي طافية الفرن وسيبيها جواه لحد مايبرد
لو حسيتى البسكوت إغمق شوية وخفتى يتحرق حطي الصينية في صينية تانية عشان تحمي قعرها من إنه يتحرق
هقوللك على حاجة قللي اللبن المكثف إلى 210 مللي بدل 250 مللي
مش عارفة أنا معايا بتفتح إسألي باقي البنات لو حمل معاهم
ملف استشارة مطبخية مصرية عربية 3
متابعة النقاش، صفحة 528