مرحبا
أمس كنا في استراحتنا وسويت غدا يهبل لذيذ وسهل
وغير كذا مافيه مواعين وغسيل وهذا أهم شي
نبدأ بالمقاديروالطريقه سوا
اول شيء نقطع خضار مشكله على ذوقكم أهم شيء البصل والثوم
وبعد على كيفكم تقطعونه دوائرأومربعات
أو ترمون الخضاربدون تقطيع أوتقشيرههههه معليش متحمسه


نجيب قصدير ونخليها 3طبقات فوق بعض
وندهن بشوية زيت ثم نوزع الخضار

نأخذ مكعبين ماجي وكركم وبصل ناشف
ونخلط معاهم فنجال مويه حاره

ندهن الدجاج بالخلطه من الداخل والخارج

ونوزع الجاج فوق الخضار

نجهز 3طبقات ثانيه من القصديرونغطيها
ونلفها زين من الأطراف حتى ما يطلع البخار

نحطه على الجمر ونضيف بعض الجمر فوقه

نخليها لمدة 40دقيقه
ونشيلها ونضفها من الرماد ونفتحها من الوسط

في هاذي الفتره نكون محضرين رزأبيض
نوزعه في الصحن ونضيف فوقه الدجاج مع الخضار

وبالعااااااااااااافيه
طبعا"تقدرون تسون نفس الطريقه باللحم بس لازم
يكون اللحم مكسر صغير أويكون أوصال بدون عظم وبعد
نفس الطريقه في فرن البيت