ملف استشارة يوميه ...4

انا جيت اهو يا لولو بصي يا حبيبتي عجينه الكرواسون بالذات بتتعمل في الشتا وبتنجح لانها في الصيف الزبده بتسيح وبتبقي شغلانه هي وعجينه البف بستري كمان والتارت الحاجات اللي بتحتاج تكون ساقع باستمرار بالنسبه للتخمير انت مش هتسبيها تخمر خالص غير بعد ما تشكيليها كروسونات وده في التلاجه يعني برده مش لازم يخمر قوي.
ودايما استعملي خميره الفرن انت مش في كصر عدي علي اي فرن جمبك هديكي خميره بجنيه اقسميها اربع حتت ولفي كل حته في فويل وعلي الفريزر كل ما تعوزي تعملي معجنات طلعي منها حته واخلطيها بماء فاتر خالص وعليهم معلقه سكر واشتغلي فيها .
والحته تبقي اد عين الجمل كده.
ومعلش اعذروني يا جماعه هنا لان هنا المشاركات محدوده .
بالنسبه بقي للخميره البودره انا سبق وقلت خميره الرحاب او الخميره اللي دموع التائبه كانت حاطه صورتها دول اللي تستعمليهم فقط في مصر.
وبرده نفس الطريقه اللي فوق حطيها في ماء فاتر وعليها معلقه سكر وسبيها 10 دقايق اذا فارت تبقي تمام وفي الساقعه دي هتاخد وقت منك شويه.

السلام عليكم

لولو تسلم ايديكى... التخمير لو عندك ميكرويف حطى العجينه تخمر فيه وهو مغلق لو مفيش دفى الفرن واطفيه وحطيه فيها

وبتطلع حلوة ان شاء الله

امانى وكهرمانه ورشا ونورا واميمه تيسلم ايديكم كلكم ما شاء الله عليكم

ام العلاء منوره الملف