الله يفرج همها ويرزقها من حيث لاتحتسب ويفرحها باللي يسرها يارب اللي ترد علي

الله يسخرلك زوجك يارب ويجملك بعينه
روحي الدكتوره لاتسكتين على نفسك
ولوبديتي برجيم صدقيني وزنك راح ينزل بسرعه
وشوفي الرجيم هذا رووووووووووعه وانا مجربته شخصيا نزلت خلال 3 ايام كيلو ونص فنصيحه مني جربيه لمدة اسبوعين وراح ينزل وزنك بشكل ملحووووظ لان وزنك كبير

http://forum.hawaaworld.com/showthread.php?t=1626093

واشربي دوش ترى روعه لتنظيم الهرمونات
والله يوفقك وييسر امورك واي خدمه واصليني عالخاص وانا تحت امرك وما يردك غير كيبوردك

الله يشفيك ياقلبي ويعطيك من خيري الدنيا والاخره
للرفع

حبيبتي انا حاسه بمعاناتك لاني جربتها

كنت مثلك تماما حتى الحمل تاخر
والحمدلله نزلت من وزني ماشاءالله الى الان 17 كيلو
كنت 99 كيلو الى 83
والحين صرت 84 للاني لي كم يوم مخبصه واكل مقالي

تدرين اش سويت

بالبدايه حسيت ان مستحيل اقدر اسوي رجيم

اولا خليت الفطور شي اساسي عندي من الصباح بدري افطر عشان الفطور يساعد على الحرق
وصرت احاول اقوم بدري وانام بدري لان السهر يساعد على زيادة الوزن

افطر توست بر وحده او ثنتين وتكون مع اما جبن قليل الدسم او بيض اي نوع

اما باقي اليوم
صرت كل ماشفت اي اكله قدامي مهما كانت اكل منها كم ذوقه يعني ماكل مجرد تذوق

واشرب مرتين باليوم يعني بعد ذوقة الغدا والعشاء
كوب اخضر+ زنجبيل مطحون + كمون + ليمون واحليه بسكر تربيكانا

طبعا طلت من البيت كل الشيبسات والشوكلاته
لكن كنت اكل منهم ولا اكثر يعني الشوكلاه اكل نص قطعه والشبس احط على قد كف يدي او اقل
وكنت امشي في السوق او طريق الملك عبدالله لمدة 45 دقيقه
واحيانا اسوي تمارين ايروبكس (جبت سيديات من اكسترا واسوي التمرين معهم)
واستمريت على هالحال اسبوعين وبان النزول على طول اللين تعودت على التخفيف

طبعا كان عندي تكيس بسبب الوزن والحمدلله هذيك الفتره نقص التكيس بشكل كبير وملحوظ حتى الدكتوره تقولي انجاز سويتي
وكانت صارفه لي جلوفاج بس ماهتميت باخذه يعني احيان يمر اسبوع واكثر ماخذت ولاحبه

لاني عارفه ان مشكلتي بسبب الوزن ولازم انزله

وبعدها غيرت اشوي

افطر نفس الشي بيض او جبن قليل الدسم مع شاي بسكر تروبيكانا

والغدا اطبخ اكل بدون زيت وبصدور دجاج بس ماسوي كبسه ولامعكرونه

والعصر اخذ قهوه مع معمول بر

والعشاء زبادي قليل دسم

وصرت اخذ شاي اخضر بسكر تربيكانا بدون خلطة الزنجبيل

طبعا من بدايه الرجيم كنت في هالفتره وصلت 89

وقعدت مدة شهر كذا

ووقفت وخبصت شهرين بس الحمدلله مازاد من وزني ولاكيلو لاني كل ماكلت اشرب شاي اخضر
طبعا بعد التخبيص تهورت واخذت رديكتال بس مع الاسف مالاحظت انه نزل وزني مره

ورجعت للرجيم وسويت رجيم التمر واللبن اسبوع
ونزلت من 89 الى 86

ووقفت التمر واللبن لان حامت كبدي

وبعدها رجعت للتخفيف بس كنت تقريبا ماكل الا اكل عصافير (قليل مره) لمدة شهر ونزلت الى 83
طول هالفتره كنت امشي 30 دقيقه ادور بالشقه لان ماندي اجهزه ولااقدر اطلع من البيت
او امشي وانا واقفه مكاني واطالع التلفزيون (يعني كاني امشي وانا بمكاني ) وهذي بالذات كنت الاحظ اني اعرق مرررره

واشرب 8 اكواب مويه اقسمها على اليوم

وتوي من يومين مخبصه ورجعت 84

وان شاءالله رح ارجع للرجيم

طبعا انا اللي ساعدني اني كنت مع وحده نشجع بعض والحين هي تركت وانا كسلت


تدرين بعد احس اني تعودت على هالنظام وحبيته مره

ولو تبين اشجعك وتشجعيني ماعندي مانع لان لاحظت ان التشجيع يساعد مررره على الالتزام اذا كانت معك وحده حريصه على الرجيم




واي سوال انا حاضره

****لله يارب يرزقك بالذريه الصالحه