الملف الرمضانى لقوائم العزايم والقوائم اليومية وقوائم السحوروآكلات للتفريز الرجاء عدم

متابعة النقاش، صفحة 12

شاركي في النقاش

سجلي الدخول لإضافة تعليق.

التعليقات

249
  1. صاحبة الموضوع
    don
    القائمة ال 33 عصير برتقال حمام محشي ملوخية سلطة طحينة وسلطة خضرا والحلو كنافة بالقشطة
    الفول المدمس
    اولا طبعا نقي الفول وفي نوع في مصر الفول كبير شويه
    تحطي كبايه ونصف في ميه من العصر مثلا
    وبعدي ن تحطي في قدره الفول طبعا الصغيرة اللي موجوده في اي سوبر ماركت تحطي الفول بعد ما تغسليه وعليه ميه تقريبا ضعف الفول وبعدين انا بحطه على النار يغلي الاول وبعدين بكون مشغلة السخان الكهرباء الصغير
    المهم بعد مايغلي غلوة على البوتجاز بحطه على السخان واضيف 1-فص ثوم
    1- واحده طماطميه+ 3 معالق عدس اصفر+ او ربع معلقه بيكنج بودر اوكربوناته
    وطبعا ده عشان القشره بتاعت الفول متتعبش القولون
    وتغطيه من بليل لحد الصبح على السخان واول ما تفتحي القدره حطي معلقه زيت اي زيت
    واقفليه وبعدين حطيه في علبه بلاستك مقفوله وطبعا اول ماتفتحي القدرة شيلي الثوم زي ما هو وارميه وبعدين خدي على قد الي عاوزة تعمليه يوميا
  2. صاحبة الموضوع
    don
    القائمة ال 33 عصير برتقال حمام محشي ملوخية سلطة طحينة وسلطة خضرا والحلو كنافة بالقشطة
    فول بالطحينة
    فول مدمس
    طماطماية
    معلقة كبيرة بقدونس مغسول ومفروم
    نص معلقة صغيرة ثوم مهروس
    معلقة كبيرة طحينة
    معلقة خل
    معلقة عصير ليمون
    معلقتين كبار زيت
    ملح و كمون
    الطريقة
    سخنى الفول واهرسية بالشوكة وقطعى علية الطماطماية قطع صغيرة
    ضعى فى طبق الطحينة والخل والزيت والثوم و البقدونس واخلطيهم كلهم مع بعض
    وبعدين ضعيهم على الفول وتبلى بالملح والكمون

    فول بالفلفل الاخضر
    فول مدمس
    نص معلقة صغيرة ثوم مهروس
    واحدة فلفل رومى
    كوب عصير طماطم
    ملح وفلفل وكمون
    2 معلقة زيت (او ممكن لو بتحبية بالزبدة يبقى معلقة زبدة)
    الطريقة
    ضعى الزيت او الزبدة على النار وحمرى فيه الثوم لحد ما يصفر
    ضعى علية عصير الطماطم وخليها على النار لحد ما تتسبك
    ثم ضعى الفول وشوية مياة صغيرين
    قطعى الفلفل مكعبات صغيرة وضعية على الفول و تبلى بالملح والكمون
    يغلو غلوة مع بعض
    واغرفية بالهنا والشفا

    فول بالزبدة والثوم
    فول مدمس
    2 معلقة صغيرة ثوم
    معلقة كبيرة زبدة
    معلقة عصير ليمون
    ملح وفلفل وكمون
    الطريقة
    ضعى الزبدة على النار وحمرى فيها الثوم ثم ضعى عصير الليمون وقلبيهم
    ثم ضعيهم على الفول وهو سخن وتبللى بالملح والفلفل والكمون
    ويغرف وبالهنا والشفا
  3. صاحبة الموضوع
    don
    القائمة ال 33 عصير برتقال حمام محشي ملوخية سلطة طحينة وسلطة خضرا والحلو كنافة بالقشطة
    فول بالبيض المسلوق:
    نحط للفول عصير ليمون و ملح وفلفل أسود و كمون و زيت وتكوني سلقة بيض عادي ونقطعة و يقلب مع الفول ( يا سلالالالالالالام طعمة وهم) و يا سلام لو زعتر دقة عليه

تابعي تجارب أخرى من هذا القسم.